DANIEL 11:36 - Pathien Lekhabu Inthieng (BSI)

³⁶ “Chun, lal chun a nuom ang angin thâwng a ta, ama le ama chu inchawimawi a ta, pathien po po chunga chun ama chu inchawisâng a tih; chun, pathienhai Pathien chu kalin thil râpthlâktak takhai chu hril a tih, thaw dinga tum ta po chu thaw a ni ding a na, lunginsenna chu hrîk- thlâk a ni hmakhat chu hlawtling pei a tih.

DANIEL 11:36 ပူးပေါင်းရင်းမြစ်များ

INPÂKNA HLABU 136:2

Aw, pathienhai Pathien kuoma chun lâwmthu hril ro, A ngilneina chu kumkhaw- tluongin a um ding a ni sih a.

INPÂKNA HLABU 33:10

LALPAIN hnam tin remruot chu iengkhawm ni loah ân changtir a, Mi tin ngaituohai chu iengkhawm ṭhathnemna nei loin a siem hlak.

THUVARHAI 19:21

Mihriem lungrila chun remruotna tamtak a um a, Amiruokchu, LALPA thurâwn chau chu ngîrsuok a tih.

ISAI 10:23

Lalpa sipaihai LALPA chun, tâwpna, tâwpna tlung ngei dinga ruot tlat chu, hnuoi chung po po lailia chun a la siem ding a ni sih a.

ISAI 10:25

Sâwt nawtêa chun lungni- nawna chu hrîkthlâkin um tâng a ta, ka lunginsenna khawm anni sukbo- hmangnain hrîkthlâkin um tâng a tih.

ISAI 10:5

Hung ta, Assuria mi, ka lungin- senna hembâwk, ka lungninawna chawitu hmawl!

ISAI 14:13

I lungrila chun, ‘Vânah hang fêng ka ta, Pathien arasihai chung tienga khin ka lalṭhungpha dawm sâng ka tih; chun, inkhâwmna tlâng, hmâr tâwp rêta uma chun ṭhung ka ta;

ISAI 14:14

sûm nêka insâng lemahai khin hang fêng ka ta, Achunghnungtak angin um ka tih,’ i ti hlak vei le khan.

ISAI 26:20

Hung ta u, ka mihai, in pindan sûngahai lût unla, in kawthai chu inkhâr khum ro, lungninawna hi ân kieng hmakhat chun mitkhapkâr chau bêk inbihmang ro.

ISAI 30:33

Topheth pakhat chu inhma daia lo buotsai tah a ni sih a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; LALPA thuok, kât vadung luong ang chun a sukkâng dur dur a.

ISAI 46:10

keiin a tâwp ding chu a tira inthawk hrimin ka hril hlak a, thil la thaw nawhai chu tienlaia inthawk khan ka hril ta hlak; “Ka remruot chu ngîrsuok a ta, ka dit zâwng po po chu thaw vawng ka tih,” ka tih a,

ISAI 57:9

Chun, hriek leh lal kuomah i feh a, i riminhnikhai chu i thaw nasa zuol a, i palaihai chu hlatakah i tir a, Seol tlung rakin în sukhnuoi kha.

EZEKIEL 28:2

“Mihriem naupa, Tura lal kuoma chun hril la, Lalpa PATHIEN chun hieng hin a ti a nih; i lungril chu chawisângin a um a, Pathien ka na, Pathien ṭhungphaa chun ka ṭhung a, tuisuoriethai lairila chun i ti leiin i lungril chu Pathien lungrilah ngai la khawm, mihriem i ni si a, Pathien ni loin;

EZEKIEL 35:13

Chun, i bauin keia chungah nang le nang în chawimawi a, ka chunga i thuhrilhai i sukpung a; ka hriet a nih.

DANIEL 11:16

Chuongchun, ama hung rûntu- hai chu a nuom nuom lo lâwng a ta, ama hmaa chun tukhawm ngîr thei naw ni hai: ram ropuia chun ngîr a ta, a kuta chun suksietna um bawk a tih.

DANIEL 11:3

Chun, lal thilthawtheitak, ram ropuitaka rorêltu ding chu hung ngîrsuok a ta, a nuom ang ang chu hung thâwng a tih.

DANIEL 11:37

Nuhmeihai châkna amanih, a thlatuhai pathienhai amani khawm chu ngaisak naw nih a, pathien hrim hrim ngaisak naw ni, chuong chung po poa chun ama chu ân chawisâng ding a ni sih a.

DANIEL 12:7

Chun, puon zai inhmia inthuom, vadung tuihai chunga ngîr chun a kut changtieng le vawitieng chu vân tieng a phar a, chatuona Hring kuoma chun inkhâmin, “Hun khat le, hunhai le, hun chenve sûng nîng a tih; chun, mi inthienghai thil- thawtheina chu a nâwia suknâwi vawng chu an zo pha chun hieng thil po po hi thaw zo ni tâng a tih,” a ti ka hriet a.

DANIEL 2:47

Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i phuong theizie hmu hrim hin, thurûkhai phuongtu chu a ni ngei hi,” a ta.

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thawh a, Tukhawmin a kut chu an chel thei nawh a. “Nangin ieng am i thaw an leh?” an ti thei bawk nawh.

DANIEL 5:19

ropuina a pêk lei chun a hmaa chun mi po pohai, hnam po pohai le ṭawng tinhai chu an inthinin an ṭih a; a nuom nuom a that a, a nuom nuom chu a sukhring bawk a; a nuom nuom chu a kei sâng a, a nuom nuom chu a kei hnuoi bawk a.

DANIEL 5:20

Nisienlakhawm, a lungril chu a hung insâng a, a lungril a hung ngar phingle chun chapotakin a thaw tah a, ân lalna lalṭhungphaa inthawk chun sie hnuoiin a um tah a, amaa inthawk chun a ropuina chu an lâk hmang a,

DANIEL 7:8

Kihai chu ka ngaituoh a; chun, ngai ta, anni lai chun ki dang, ki chitê hi a hung suok a, chu hmaa chun ki hmasa pathumhai kha an zung chena phawi dawkin an um tah a; chun, ngai ta, chu kia chun mihriem mithai ang mithai le, bau thil ropuitaka ṭawngsuok chu a um bawk a.

DANIEL 8:19

Ama chun, “Ngai ta, lunginsen- na hun tâwp tieng hun nuhnunga thil um ding chu inhriettir ka ti che, a tâwpna hunbi ruota ṭhang ding chu a ni sih a.

DANIEL 8:4

Berâmchal chu thlangtieng le, hmârtieng le, simtieng chu panin ka hmuh a; a hmaa hrim hrim chun ramsa dang ngîr thei an um nawh a, a kuta inthawka la dawk thei hrim hrim khawm tukhawm an um nawh a; chuongchun, a nuom ang angin a thawh a, ama le ama chu ân chawi- mawi tah a.

ZEKARIA 11:16

En ta, rama chun Berâmpu pei thlâka umhai chu kankuo ngailo ding le, sukdara um chu zawng ngailo ding le, suktlieka um khawm chu sukdam ngailo ding chu, ka tungding nâwk ding a ni sih a; ama chun a hliem le a hrisêl khawm chu châwm chuong naw nih a, a thâu thâu sa chu fa lem a ta, an tinhai chu nawi tamtakin kei nawi a tih,” a ta.

JOHAN 5:30

“Keia khâtin iengkhawm ka thaw thei nawh; naa ka hriet ang peiin ro ka rêl hlak; ka rorêl chu indiktak a nih, keia thu thuin um ka tum nawh a, a mi tirtu thu thua um ka tum lem hlak leiin.

JOHAN 6:38

Mâni nuom zâwng thaw dinga vâna inthawka hung ka ni nawh a, a mi tirtu dit zâwng thaw dinga hung ṭum ka ni lem.

THILTHAWHAI 4:28

i kut le i lungrilin tlung dinga i ruot lâwk taphawt kha thaw dingin.

DÂN PAHNINA 10:17

LALPA in Pathien chu pathien- hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni sih a.

2 THESSALONIKA 2:3

Tûkhawmin iengkhawmin hlêm naw raw se cheu; tlûksanna chu a hung tlung hmasa zeta, Dân Bawsepa, bohmang naupa chu, a hung inlang naw chun, chu Ni chu tlung si naw nih a.

2 THESSALONIKA 2:4

Ama chu, Pathiena an inbûk taphawt le sakhuo po po doin an chunga um tumin inchawimawi a tih; chuongchun, Pathien biekina ṭhung- in Pathien ang rauin intâr suong a tih.

2 THESSALONIKA 2:8

Lâk hmang a ni pha chun Dân Bawsepa chu hung inlang nghâl tâng a tih. Lalpa Isun ama chu a baua thuokin sukhlum a ta, a hunga inlârnain sukbohmang a tih.

JOSUA 22:22

an kuomah, “LALPA, pathien- hai Pathien, LALPA, pathienhai Pathien chun a hriet a; Israelhai khawmin hre raw se! Kan mâichâm siem hi LALPA nghatsan tuma hel tumna amanih, thil suksuol tumnaa mania siem kan ni chun, (vawisûn ngei khawm hin mi hla naw el ro)

THUPUONGSUO 10:7

nisienlakhawm, vântirko pasari- na rawl ri a um phaleh, a mût ding ṭêpin, Pathien thurûk chu kim tâng a tih, a suok zâwlneihai kuoma a chanchin ṭha hril ang khan,” a tih a.

THUPUONGSUO 12:14

Chuongchun, thlalêra a hmuna chun a vuong lût theina dingin nuhmei chu mupui lientak thla khing hni an pêk a, chutaka chun rûlpui hmu phâk nawah hun khat le hunhai le hun chenve sûng po châwm an tih.

THUPUONGSUO 13:1

Chun, Sahrâng ki sâwm le lu sari nei, tuisuorieta hung suok ka hmuh a, a kihaia chun lallukhum sâwm a uma, a luhaia chun Pathien hrilsietna hminghai a um bawk a.

THUPUONGSUO 17:17

Pathien thuhai chu a tlung hmakhat chun a dit zâwng an thawna ding le thu thuhmuna an um theina dingin le, an ram chu sahrâng kuoma an pêkna dingin Pathienin an lung- rilah a tir ta sih a.

THUPUONGSUO 17:3

Chuongchun, ama chun Thla- rauin thlalêrah a mi fepui a; chun, Pathien hrilsietna hminga sip, lu sari le ki sâwm nei, sahrâng seninlâr chunga chuong nuhmei ka hmuh a.