DANIEL 11:32 - Pathien Lekhabu Inthieng (BSI)

³² Chuonga Thuthlung chunga khawhlotaka thawin, simbudawiin suk hmingsieng a tih; nisienla- khawm, chuong mihai an Pathien hretuhai chu hung hrât an ta, thil nasatak hung thâwng an tih.

DANIEL 11:32 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

NEHEMIA 4:14

Chun, ka hang en vêl a, ka tho a, mi ṭhahai le rorêltuhai le mi danghai kuoma chun, “Anni chu ṭi dêr naw unla, LALPA ropuitak le, ṭiumtak el chu hre zingin in unauhai, in nau- pasalhai, in naunuhmeihai, in nu- hmeihai, in inhai hum dingin thaw ro khai,” ka tih a.

INPÂKNA HLABU 9:10

Chuongchun, i hming hretuhai chun ring an ti cheh a, Nang chun chu, LALPA, nangma zawngtuhai che chu i mâksan ngai si nawh a,

THUVARHAI 19:5

Thuhretu indik naw chu hrem lo ni naw ni a, Thukhêl sâksuoktu chun pumpel bawk naw nih.

THUVARHAI 26:28

Lei khêlinhlip chun a înhliem tahai chu a theidah a, Inpâk derna bau chun sietna sin a thaw.

JEREMIA 31:34

chun, mi tinin mâni tuol- bâwmhai chu inchûktir ta naw ni hai a, mâni unauhai seng leh; “LALPA chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, LALPA chun a tih: an bawsietnahai chu ngaidam ka ta, an suolna khawm hre zing ta naw ning.

DANIEL 11:21

Chun, ama hmuna chun mi hmusitumtak hung ngîrsuok a ta, ama kuoma chun ram ropuina chu pêk ni naw ni; nisienlakhawm, muongna hun laitak hung a ta, simbudawiin ram chu lâng a tih.

DANIEL 11:34

An tlûk pha chun, anni chu ṭhangpuina tlâwmtêa ṭhangpui nîng an ta; nisienlakhawm, mi tamtak chun anni chu simbudawiin hung zâwm an tih.

ZEKARIA 10:12

Chun, anni chu LALPAA chun sukhrât ka ta, chun, ama hmingin a suk a tungin fe tâng an tih, LALPA chun a tih.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 6:11

Chun, an kuoma chun puon vâr an pêk seng a; chun, an suok chanpuihai le an unauhai, anni ang bawka that dinghai khawm chu an kim hmakhat chun an la châwl hri ding a nih ti an hril a.