DANIEL 11:31 - Pathien Lekhabu Inthieng (BSI)

³¹ Sipaihai chu ama tieng chun ngîr an ta, Hmun Inthiengtak chu hrilsieng an ta, kulpui ngei khawm chu; chun, pumrawhmang thilinhlân zing zing chu la hmang an ta, sukrêmna intluntu tirdakumna chu sie lem an tih.

DANIEL 11:31 ပူးပေါင်းရင်းမြစ်များ

JEREMIA 19:4

Kei an mi lo nghatsan tah a, hi hmun khawm hi an lo sukhran tah a, an hriet lo pathienhai kuoma chun a sûnga hin riminhnik chu, anni le an thlatuhai le Juda ram lalhai ngei khawma an lo raw tâk leiin; hi hi hmun hi mi thiem thisen chun an lo suksip tah a;

JEREMIA 7:30

Juda thlahai chun ka mithmua thil ṭha naw chu an lo thaw ta sih a, LALPA chun a tih: sukpawrche ding- in, in ka hming chawia koa chun an tirdakumnahai chu an sie tah a.

ṬAP HLA 1:10

Hmêlma chun a thil hlu hai po po chungah a kut a phar a, Awinaw mi chu a hmun inthiengtaka chun a lût ti a hmu sih a, I mipui inkhâwmnaa lût lo dinga i khaphai ngei kha.

ṬAP HLA 2:7

LALPA chun a mâichâm chu a peihâwnpêk a, a hmun inthieng khawm chu a sukthim a; A in ropui kulhai chu hmêlma kuta chun a pêkpêk bawk a. Inkhâwmpui hunbi nei nihai ang elin, LALPA ina chun an khêkri chêl chûl a,

EZEKIEL 9:7

Chun, an kuoma chun, “In chu sukpawrche unla, tuollaihai chu mi thathai chun suksip ro; fe ro le,” a ta, chun, an fe suok a, khawpuia chun an that tah a.

DANIEL 12:11

Chun, pumrawhmang thilin- hlân rawp hi lâk hmang le, sukrêmna tirdakum intluntu uma inthawkin ni sâng khat za hni sâwmkuo um a tih.

DANIEL 8:24

A thilthawtheina chu hrâttak nîng a ta, nisienlakhawm, ama thil- thawtheina hran ngat chu ni naw ni; râpthlâktakin suksieng a ta, hlaw- tling a ta, a nuom nuom thaw bawk a tih; mi inthienghai le mi hrâttakhai chu sukse bawk a tih.

DANIEL 8:26

Chun, zântienghai le zîngtieng- hai thilhmulâwka thil hril chu ân dik a nih; nisienlakhawm, thil hmulâwk chu la khâr hri phawt rawh; ni la hung tlung ding tamtakhai ta ding chu a ni sih a,” a ta.

DANIEL 9:27

Chun, hapta khat chu mi tam- tak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.

HOSEA 3:4

Israel thlahai chu ni tamtak laltak le mi lien le, inthawina le lung- phun inser, thiempu zakuo amanih, milimhai amanih, nei loin an um ding a ni sih a.

MATTHAI 24:15

“Chuongchun, sukrêmtu tirdak- um, zâwlnei Daniel ihril kha hmun inthienga ngîra in hmu phâ chun (a tiem taphawt chun a umzie hre raw se),

MARKA 13:14

“Nisienlakhawm, sukrêmtu tir- dakum chu a ngîr nawna dinga ngîr in hmu phâleh, (a tiem taphawt chun a umzie hre raw se); chu phâ chun Judai rama umhai chu tlânga dâm tlân hmang raw se;

LUKA 21:20

“Nisienlakhawm, sipaihaiin Jerusalem an inhuol in hmu pha, a bohmang ding a nih ti hre ro.

THUPUONGSUO 17:12

“Chun, ki sâwm i hmuhai kha lal sâwm ram la nei nawhai an nih; dârkâr khat sûng chu sahrâng leh lalhai angin thuneina la hmûng an tih.