DANIEL 11:30 - Pathien Lekhabu Inthieng (BSI)

³⁰ Kittima lawnghai chun ama an hung rûn ding a ni sih a; chuleiin, lungngai a ta, hung kîr nâwk a ta, Thuthlung Inthieng chunga chun lunginsenna nei a ta, a nuom ang angin thâwng a tih; kîr nâwk a ta, chuong Thuthlung Inthieng nghat- santuhai chu ngaisak a tih.

DANIEL 11:30 ပူးပေါင်းရင်းမြစ်များ

INṬANNA 10:4

Javan naupasalhai chu: Elisa, Tarsis, Kittim le Dodanim an nih.

1 CHANCHIN SUINA 1:7

Javan naupasalhai chu: Elisa, Tarsis, Kittim le Rodanim an nih.

NEHEMIA 6:12

Chun, ka hang hriet dawk a, Pathien tir a lo ni dêr da el a; keima mi dodâlin chuong thu chu a hril a lo ni lem a, Tobia le Sanballatin an ruoi a lo ni zing a.

ISAI 23:1

Tura khaw phurrik chu. Tarsis lawng lienhai, khêk rak rak ro; in hrim hrim um naw khawp le lûtna hrim hrim um naw khawp rauin Tura chu suksietin a um ta hi, chu chu Kupra rama inthawk chun an kuoma suklangin a um a.

ISAI 23:12

Chun, ama chun, “Aw Zidon nau nunghâk, mi nêksâwr, hlim nâwk ta naw ti nih; tho la, Kittim ramah kai rawh; chutaka khawm chun châwlna hrim hrim hmu chuong naw ti nih,” a ta.

JEREMIA 2:10

Kittim thlierkârhai chu kai unla, va en ta u; Kedara khawm chun mî tir unla, nguntakin ngaituo ta u; chuong ang thil chu a um hrim am en fie ta u.

EZEKIEL 27:6

I lawngzâpna an siem Basan thingsaisuohaiin, I ṭuong chu Kittima thing tlo chi saihaa tuomkhumin.

DANIEL 11:28

Chun, ama rama chun thuom- hnaw tamtak le chun kîr nâwk a ta; a lungril chu Thuthlung Inthieng kal zâwng ni tâng a ta, a nuom ang angin thâwng a tih; chun, ama ram bawka chun kîr nâwk a tih.

DANIEL 11:29

“Hun ruota chun hung kîr nâwk a ta, simtieng hung a tih; nisien- lakhawm, a hun nuhnung lema chun a hun hmasa lem ang kha ni ta naw ni.

DANIEL 7:25

Achunghnungtak chu kalin thu hril a ta, Achunghnungtak mi in- thienghai chu hung suksieng a tih: chun, hunhai le dân chu sukdanglam dingin ngaituong a ta, hun khat le hunhai le hun chenve sûng chu a kuta pêk nîng an tih.

NAMBAR 24:24

Kittim rama inthawkin lawnghai hung tlung a ta, Assur le Eber sukrinum a ta. Anni khawm chu bohmang vawng an tih,” a ta.

MATTHAI 24:10

Chu phâ chun mi tamtak tlûng an ta, inmantir tuo tâwl an ta; intheida tuo tâwl an tih.

THUPUONGSUO 12:12

Chuleiin, aw vânhai le a sûnga umhai, lâwm ro! Hnuoi le tuisuoriet, in chung a rik ie! Diebol chun hun tlâwmte chau a nei ti ân hriet leiin lunginsen bêk bêka in kuoma a hung thla ta leiin,” a ti ka hriet a.