DANIEL 11:15 - Pathien Lekhabu Inthieng (BSI)

¹⁵ Chun, hmârtieng lal chu hung a ta, tlâng hung siem a ta, khawpui kulnei khawm chu hung lâng a tih; simtieng kuthai chun dangkîr naw nih a, a mi thlanghai khawmin, a dang kîr zo ding hrâtna hrim hrim um naw ni.

DANIEL 11:15 ပူးပေါင်းရင်းမြစ်များ

JEREMIA 33:4

Hi khawpui inhai chungthua le Juda ram lalhai in kâwlhnâm le hnuoi dêng pâwng lama inthawka dangna siemna dinga sukchima um- hai chungthua chun Israel Pathien LALPA chun hieng hin a tih:

JEREMIA 5:10

“Grêp tlar lai chun hang fe unla, sukse ro; tâwp ṭhuoina ruok chu thaw naw unla, a kauhai chu la thla unla, LALPA ta an ni si nawh a.

JEREMIA 52:4

Chun, a rorêl kum kuona, thla sâwmnaa, chu thla ni sâwm ni chun Babulon lal Nebukadnezzar le, a si- paihai po po chu Jerusalem do ding chun an hung a, an umngha tah a; a vêl ela chun kulhai an bâwl khum tah a.

JEREMIA 6:6

Sipaihai LALPA chun hieng hin a lo ti ta sih a: Thinghai chu phûr thlu unla, Jerusalem chunga chun pil dêngpâwnghai chu siem ro, hi hi khawpui hremna ding chu a na, a sûnga chun innêksâwrna ringawt el a nih.

EZEKIEL 17:17

Mi tamtak chu sât thla dinga kulhai bâwla, tlângpâwnghai siema an um pha chun, Pharao le a sipai pâwl thilthawtheitakhai le, a pâwl ropuitakhai chun indonaa dingin iengkhawm thawpêk naw ni hai.

EZEKIEL 4:2

chu chu rûn la, kulhaiin bâwl khum la, a vêla chun hnuoi dêng pâwng la, puon inhai kei khum bawk la, chun, a vêl el chun kâphmunhai siem bawk rawh.

DANIEL 11:14

“Chuong hun haia chun sim- tieng lal chunga chun mi tamtak hung ngîrsuok an ta, i mihai laia dân hmanglo mihai ngei khawm thilhmu- lâwk chu hung suktlung dingin hung inmawrkâng an ta, nisienlakhawm, tlûng an tih.

DANIEL 11:6

Kum iengzât amani hnunga chun anni chu hung inzawm khâwm an ta, simtienga lal naunu chu hmârtienga lal kuoma chun inremna siem dingin hung a tih; nisienlakhawm, a kut hrâtna chu nei sawng naw nih; amapa chu ngîr naw nih a, a kut khawm châng bawk naw ni; nisien- lakhawm, chuong nihaia amanu lo sukhrâttu le amanu lo thlatupa le, ama hung ṭhuoituhai chu amanu le chun bânsanin um an tih.

DANIEL 8:7

Chun, berâmchal hnaia hung chu ka hmuh a, a chunga chun lung- insentakin a châng a; berâmchal chu a sik a, a kihai pahni chu a suktliek tah a; ama hmaa ngîr dingin berâm- chala chun thilthawtheina hrim a um nawh a; chuleiin, hnuoi chungah a tethlûk a, ama chu sirdein a chîl a; chuongchun, ama kuta inthawka berâmchal sansuok thei hrim hrim chu an um nawh a.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâw- samtir naw ning cheh a, mâk khawm mâksan naw tawp ka ti che.