DANIEL 10:8 - Pathien Lekhabu Inthieng (BSI)

⁸ Chuongchun, ka khât chaua mâksanin ka um a, hi thilhmulâwk ropuitak hi ka hmu tah a; chun, keimaa chun hrâtna hrim hrim a um ta nawh a: ka hmêl mawina chu sietnaa ân chang ta leiin, hrâtna hrim ka nei ta nawh a.

DANIEL 10:8 ပူးပေါင်းရင်းမြစ်များ

INṬANNA 32:31

Chun, Peniel a suoksan lai tak chun nisa a hung suok a, ama chu a hung khawh a, a êlpui lei chun ân bâi tah a.

FESUOKNA 3:3

Mosie chun, “Tuhin va hnai ka ta, hi thilhmu ropuitak hin chîmbuk hi iengtizieha kâng hmang lo el am a nih va en ka tih,” a tih a.

DANIEL 10:16

Chun, ngai ta, mi pakhat, mi- hriem naupahai angtak el hin ka hmûrhai chu a hung them a; chun, ka bau chu ka kah a, ka hmaa ngîr kuoma chun thu ka hril tah a, “Aw ka lalpa, thilhmulâwk lei chun ka lung- ngainahai chu ka chungah a tla tah a, chuongchun, hrâtna hrim ka nei dêr ta nawh.

DANIEL 10:17

Hi ka lalpa siehlaw hin hi ka lalpa kuoma hin iengtin am thu hril thei ka ta? Kei hlak chu kârloin hrâtna hrim nei loin ka um el sih a, keimaa chun inthuokna hrim hrim khawm a um ta bawk si nawh a,” ka tih a.

DANIEL 7:28

“Hi hi thu tâwpna chu a nih a; kei Daniel ta ding chun ka ngai- tuonahai chun a mi sukbuoi hleh a, ka hmêlputziehai chu a hung dang- lam a; nisienlakhawm, chu thil chu ka lungrilah ka vawng zing a,” tiin.

DANIEL 8:27

Chun, kei Daniel chu ka châu a, ni iengzât amani chu ka damnawh a; chun, ka tho a, lal sin chu ka thaw tah a: nisienlakhawm, thilhmulâwka chun mak ka ti êm êm a, tukhawma an hriet thiem si nawh a.

DANIEL 8:7

Chun, berâmchal hnaia hung chu ka hmuh a, a chunga chun lung- insentakin a châng a; berâmchal chu a sik a, a kihai pahni chu a suktliek tah a; ama hmaa ngîr dingin berâm- chala chun thilthawtheina hrim a um nawh a; chuleiin, hnuoi chungah a tethlûk a, ama chu sirdein a chîl a; chuongchun, ama kuta inthawka berâmchal sansuok thei hrim hrim chu an um nawh a.

HABAKKUK 3:16

Ka hriet a, ka phîngsûng chuân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

MATTHAI 17:6

Inchûktirhai chun chu chu an hrietin bawkkhupin an tluh a, an ṭi ta bêk bêk a.

MARKA 9:6

An ṭi bêk bêk leiin hril ding mumal a hriet si nawh a.

JOHAN 16:32

Ngai ro, a hun a tlung ding a ni tah, anih, a tlung zing tah, chu pha chun, mâni in sengah indar vawng in tih, keia khât chauin mi thlâthlam in tih; nisienlakhawm, Pa ka kuoma a um leiin makhât chauin ka um si nawh.

2 KORINTH 12:7

Chun, inhriettirnahai chu a nasa bêk bêk leia kân ngaihlu taluo nawna dingin tisaah hling a mi pêk a nih. Setan tirko, kut inthak nûlnaa mi hmangtu ding chu; chuong naw chun, inngaihlu taluo rawi ka tih.

THUPUONGSUO 1:17

Ama chu ka hmu phingleh thi ang dêrin a ke bulah ka tlu tah a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nu- hnungtak le,