DANIEL 10:21 - Pathien Lekhabu Inthieng (BSI)

²¹ Nisienlakhawm, thudik ziek- naa ziek chu hril ka ti che: hi thil chungchâng thua hin, i lalpa Mikael ti chau naw chu tukhawm a mi ṭan zo hrim hrim an um nawh.

DANIEL 10:21 ပူးပေါင်းရင်းမြစ်များ

DANIEL 10:13

Nisienlakhawm, Persia ram lal chun ni sâwmhni pakhat sûng chu a mi lo dangkîr a; amiruokchu, ngai ta, Mikael hotu laia lutak pakhat chu kei mi ṭhangpui dingin a hung a; chuong- chun, Persia ram lalhai le chun chutaka chun ka um zing tah a.

DANIEL 12:1

“Chu pha chun lal naupa ropuitak Mikael, i mihai ta dinga ngîr chu ngîrsuok a ta; chun, buoina hun chu a hung um ding a nih, hnam um tira inthawka chu chu hun chena khawm la um ngai hrim hrim lo chu; chu pha chun, i mihai, lekha- bua zieka hmu taphawthai chu sanhim nîng an tih.

DANIEL 12:4

Nisienlakhawm, nang aw Daniel, hun tâwp chena dingin thuhai chu khâr la, lekhabu chu châr tlat rawh: mi tamtak chu hnungtieng hmatieng tlân an ta, hrietna chu a pung ding a ni sih a,” tiin.

DANIEL 8:26

Chun, zântienghai le zîngtieng- hai thilhmulâwka thil hril chu ân dik a nih; nisienlakhawm, thil hmulâwk chu la khâr hri phawt rawh; ni la hung tlung ding tamtakhai ta ding chu a ni sih a,” a ta.

DANIEL 9:22

Chun, hre dingin a mi khîk- hmuh a, kei a mi biek a, “Aw Daniel, hrietna tienga thiemtaka siem ding chein ka hung a nih.

DANIEL 9:25

Chuleiin, hre la, hrethiem rawh, Jerusalem khuo bâwl ding le siem thar dinga thupêk hung suoka inthawk Messie, Lal Naupa chen chu hapta sari le, hapta sâwmruk pahni nîng a ta, a kawtthlêr le a banghai chu siem nîng a tih, hun buoithlâk- taka khawm chun.

AMOS 3:7

Indiktakin Lalpa PATHIEN chun a rawngbâwltu, a zâwlneihai kuoma a thurûk hril loin iengkhawm thaw naw ni.

THILTHAWHAI 15:15

Chun, chuong thu le zâwlneihai thu hi ân hme a nih:

THILTHAWHAI 15:18

Khawvêl siem tîra inthawkin hieng thu inhriettir hlaktu Lalpa chun a tih,’ ti ziek ang khan.

JUDA 1:9

Nisienlakhawm, Mikael, vântir- ko chunghnungtak hman khan, Diebol le an inthawh a, Mosie ruong thua an insêl laiin, Diebol chungthu rêl pêkin a hrilsiet ngam nawh a, “Lalpân hal lem raw se che,” a ti ta lem a.

THUPUONGSUO 12:7

Chun, vâna chun indona a hung um a; Mikael le a vântirkohai chun drakon chu an do a;