DANIEL 1:20 - Pathien Lekhabu Inthieng (BSI)

²⁰ Chun, varna le hrietthiemna kawng tinrêngah, lalin a indawn ta hrim hrima chun, a ram sûnga aisân- thiemhai le mitvaidawi thiemhai po po nêka le sâwma var lemin anni chu a hriet a.

DANIEL 1:20 ပူးပေါင်းရင်းမြစ်များ

INṬANNA 31:7

Nisienlakhawm, in pa chun a mi hlêm a, ka hlaw hi vawi sâwm lai a mi sukdanglampêk tah a; nisienla- khawm, Pathienin ka pawi a tawk a phal naw a nih.

INṬANNA 41:8

Chun, zîngtieng chun a lungin- zîng ta hle el a; chuongchun, mi a tir a, Aigupta rama mitvaidawithiem po po le mivar po po chu a ko a; Pharao chun a mang chu a lo hril tâwl a: nisienlakhawm, Pharao hrilfie thei tukhawm an um nawh a.

NEHEMIA 4:12

An kuoma Juda umhai an hung hlak khan hmun tum tuma miin vawi sâwm zet, “Kan kuomah in hung nâwk ding a nih,” an mi lo ti zawm- zawt bawk a.

JOB LEKHABU (THE BOOK OF JOB) 19:3

Hieng vawi sâwm rau hi in mi kâwk tah a, Ngartaka in mi thaw hi in inzak naw a ni hi.

INPÂKNA HLABU 119:99

A mîn chûktirtuhai po po nêkin varna ka nei lem a nih, I thuinhriettirhai hi ka ngaituo a ni hlak leiin.

FESUOKNA 7:22

Chun, Aiguptaa aisânthiemhai khawm chun dawi hmangin chuong ang tak chun an thaw veh a. Pharao lungril chu sukngarin a um zing a, LALPAIN a hril ta ang khan an thu chu a ngai nawh a.

FESUOKNA 8:19

Aisânthiemhai chun Pharao kuomah, “Hi hi Pathien kutpâr a nih,” an tih a. Pharao lungril ruok chu sukngarin a um a, LALPAIN a lo hril ta ang ngei khan, an thu chu a ngai chuong nawh.

FESUOKNA 8:7

Chun, aisânthiemhai khawm chun an dawi hmangin chuong ang tak chun an thawh a, Aigupta ram chunga chun uṭawkhai chu an hung suok veh a.

ISAI 19:3

Chuongchun, Aigupta mihai thlarau chu an sûnga chun ieng- khawm ni loa siemin um a ta; an remruot chu suksieng ka tih: chuong- chun, milimhai le, aikeithiemhai le, khawhri aisânthiem zâwlhai le, dawi- thiemhai chu râwn an tih.

EZEKIEL 28:3

ngai ta, Daniel nêkin i var lem a nih; nangmaa inthawka thup thei ding thurûk hrim hrim a um nawh a,

DANIEL 1:17

Chun, hieng tleirâwlhai pali hi Pathien chun varna le thiemna po poa bengvarna le hrietna a pêk a; chun, Daniel chun thilhmulâwkhai le manghai chung po poa chun hriet- thiemna a nei a.

DANIEL 2:13

Chuongchun, thupêk chu a fe suok tah a, mi varhai chu sukhlum ding an lo ni tah a; Daniel le a ruolhai khawm chu sukhlum dingin an zawng tah a.

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 5:17

Daniel chun a dawn a, lal hmaa chun, “I thilpêkhai chu nangma ta ni lem sienla, i lâwmmanhai chu mi dang kuomah pe lem rawh, amiruok- chu, lekhaziek chu lal kuoma chun tiem ka ta, a umzie chu inhriettir ka tih.

NAMBAR 14:22

Aigupta ram le thlalêra ka ropuina le ka thilmak thawhai hmua, chuongsa khawma vawi sâwm zet mi la fieh a, ka thu la pawm lo mi po pohai hin,