AMOS 9:9 - Pathien Lekhabu Inthieng (BSI)

⁹ “Ngai ta u, thu ka pêk ding a ni sih a, chun, sihria bu an rel angin, Israel sûngkuohai chu hnam po po lai chun rel ka tih; nisienlakhawm, a mal chîn tak khawm hnuoi chungah tla naw ni.

AMOS 9:9 ပူးပေါင်းရင်းမြစ်များ

ISAI 27:12

Chu nia chun LALPA chun Vadung a kuong sipa luong dûl dûla inthawkin, Aigupta vadungtê chenin a ra vaw thlâng a ta; chuongchun, aw Israel thlahai, a khât khâta rûtin um in tih.

ISAI 28:28

Beiphit bu chu râwtnawiin a um hlak, kumkhuoin a vuok zing âwm si nawh a, tawlailîr ke le a sakawr chun sukdar sienla khawm, ân râwt- nawitir ngai nawh.

ISAI 30:28

a thuok chu bohmangna leidâra hnam tin rel dingin, vadung rîng chen zet a kuong liem dûl dûl ang a nih; chun, mi tin baua chun ṭhuoi suoltir- na kei dingin hrui um a tih.

JEREMIA 31:36

Hieng thil ruothai hi ka hmaa inthawka an lo fe hmang chun, Israel khawm chu kumkhuoa dingin ka hmaa chun hnam an ni chu bo ve bawk a tih.

JEREMIA 46:28

Aw ka siehlaw Jakob, ṭi naw rawh, LALPA chun a tih; i kuomah ka um sih a, nang ka hnawt hmangna che tienga hnamhai po po chu suk- tâwp vawng ka ta, nang ruok chu suktâwp letdêr naw ning cheh a; rorêlnain sukdik lem ka ti cheh a, ieng kawnga khawm hrem loin mâksan naw ning che,” tiin.

JEREMIA 49:36

Chun, Elam chunga chun vân hmun palihaia inthawka thli palihai chu hung inhrângtir ka ta, chu thli fena tienga chun anni chu sukdar vawng ka tih, Elama inthawka hnaw dawkhai tlung nawna hnam hrim hrim um naw ni hai.

EZEKIEL 20:38

nangni laia inthawkin mi helhai chu sukfai ka ta, chuong keia chunga bâwsetuhai le chun; an mikhuolna rama inthawk chun hung ṭhuoi suok ka tih; amiruokchu, Israel rama chun chu lût naw ni hai; chun, LALPA chu ka nih, ti mi hre tâng in tih.

EZEKIEL 36:19

hnamhai laia chun ka sukdar tah a, rambunghaia chun an lo indar tah a; an um dân ang pei le, an thil thawhai ang peiin an chunga chun ro ka rêl a.

EZEKIEL 39:28

Chun, hnamhai laia sala intâng dinga kân fetir a, anni rama ngei chun ka ṭhuoi khâwm nâwka hin, LALPA an Pathien chu ka nih ti mi hre tâng an ta; chutaka chun anni chu tukhawm mâksan nâwk ta naw ningah,

EZEKIEL 5:10

Chuongchun, i sûnga chun pa- hai chun naupahai chu fâng an ta, naupahai chun an pahai chu fa bawk an tih; chun, nangmaa chun rorêl chu hung sukthlûng ka ta, nangmaa la mahlahai po po khawm chu thedar vawng ka tih.

EZEKIEL 5:12

Nanga hmun thuma ṭhea hmun khat chu hripuiin thîng an ta, i sûnga chun ṭâmnaa fâkzoin um an tih; chun, hmun thuma ṭhea hmun khat chu i vêla chun kâwlhnâmah tlûng an ta; chun, a hmun thuma ṭhea hmun khat dang chu the dar ka ta, an hnunga chun kâwlhnâm keidawk ka tih.

LEVI DÂN 26:33

Hnam danghai laia chun suk- dar ka ti cheu a, a hnawt ding cheuin kâwlhnâm chu phawi ka ta, chuong- chun, in ramhai chu sukrêm nîng a ta, in khuohai chu ṭâwp a tih.

LUKA 22:31

“Simon, Simon, ngai ta, Setan- in, bu rel anga a rel theina ding cheuin, nangni rawi hi a hni cheu annaw;

DÂN PAHNINA 28:64

“Chun, LALPA chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.