AMOS 9:10 - Pathien Lekhabu Inthieng (BSI)

¹⁰ Ka mihai mi suol po po, ‘Ṭhat nawna chun mi hnawt phâk naw nih a, mi nang bawk naw ni,’ tihai chu kâwlhnâmin thîng an tih.

AMOS 9:10 ပူးပေါင်းရင်းမြစ်များ

INPÂKNA HLABU 10:11

A lungrila chun, “Pathienin a theinghil tah; A hmai a thup a, iengtika khawm hmu naw ni,” a ti hlak a.

THUHRILTU 8:11

Sin ṭha naw chunga thu rêl thlûk chu inrangtaka suksuok a ni ngai nawh a, chuleichun, mihriemhai naupasalhai chun thil suol thaw dingin an lungril chun a tin rân hlak a nih.

ISAI 33:14

Ziona mi suol umhai chun an ṭih a; Pathien inza naw mihai chu inthin- nain a man tah a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ISAI 5:19

“Eini hmuna dingin thaw vak sienla, a thil thaw ding chu thaw vak raw se, ei hriet theina dingin Israel- hai Mi Inthieng remruot chu hung hnaiin hung tlung raw se,” ti hlak- tuhai chu.

ISAI 56:12

“Hung ro khai, uoin lâng ka ta, chuongchun, zuin ei inthun sip ding annâwm; zînga chun vawisûn ang hi ni nâwk a ta, ni ropui nasa deu el nîng a tih,” an ti seng a.

JEREMIA 18:18

Chun, anni chun, “Hung ro khai, Jeremia chunga hin thuphier- rûk phier ei tih; thiempua inthawkin dânin bo ni nei naw nih a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 23:17

LALPA thuhai hmusittuhai kuoma chun, LALPA chun, ‘Thla- muongna nei in tih, a tih,’ an ti zing zing hlak a, chun, mi mâni lungril ngarzie ang peia um hlaktu kuoma khawm chun, ‘In chungah thil ṭha naw hung tlung naw nih,’ an ti bawk hlak a.

JEREMIA 29:32

LALPA chun hieng hin a tih: Ngai ta u, Nehelam mi Semaia le a thlahai chu hrem ka ta; hi hnam laia chêng ding hi mi nei naw nih a, ka mihai laia thil ṭha ka thaw khawm chu hmu bawk naw ni, LALPA chun a tih: LALPA chunga helna thu a lo hril ta leiin,” tiin.

EZEKIEL 20:38

nangni laia inthawkin mi helhai chu sukfai ka ta, chuong keia chunga bâwsetuhai le chun; an mikhuolna rama inthawk chun hung ṭhuoi suok ka tih; amiruokchu, Israel rama chun chu lût naw ni hai; chun, LALPA chu ka nih, ti mi hre tâng in tih.

AMOS 6:1

“Zion tlânga inhawitir taluoa umhai le, Samari tlânga himtaka umhai le hnam lientak mi ropuihai, an kuoma Israel sûngkuohai an fenahai chu an chung a rik ie!

AMOS 6:3

Nangni ni ṭha naw hlataka sie le nunse ṭhungna inhnaitir hai;

AMOS 9:8

Ngai ta u, Lalpa PATHIEN mit chu ram suol chungah a fuh a; chun, hnuoi chunga inthawkin sukbo ka ta; amiruokchu, Jakob sûngkuohai chu sukse vawng naw ning,” a ta.

MIKA 3:11

Chutaka hotuhai chun lâwm- man beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “LALPA chu eini lai a um naw am a nih? Thil ṭha naw ei chungah hung tlung naw nih,” tiin LALPA chungah an innghat a nih.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai LALPAIN ei chunga thaw dinga a ngaituo angtakin, chuong angtak chun ei chungah a thaw a ni hi,’ an tih a,” tiin.

MALAKI 3:15

Tuhin mi chapohai chu hamṭha ei ti a ni hi: anih, khawhlona thaw- tuhai chu tungding an na; anih, Pathien an fieh a, sansuok khawm an ni hi,’ in tih a,” tiin.

MALAKI 4:1

Sipaihai LALPA chun a tih, “Ngai ta u, ni chu a hung tlung a, rawtuina thuk angin a chawk sih a; chapotaka thawtuhai po po le, khaw- hlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr loin.