AMOS 8:9 - Pathien Lekhabu Inthieng (BSI)

⁹ Chun, Lalpa PATHIEN chun a hril a, Chu nia chun, sûn changlai nisa intlâktir ka ta, nisa sat lai chun hnuoi chu sukthim ka tih.

AMOS 8:9 ပူးပေါင်းရင်းမြစ်များ

JOB LEKHABU (THE BOOK OF JOB) 5:14

Sûn huna chun inthimna leh an intuok a, Sûnchang lai zâna ang elin an inmai hlak.

ISAI 13:10

Vân arasihai le a sizuchohai chun an var insuo naw ni hai a, nisa chu a suok laia sukthimin um a ta, thla khawma a var chu ân vartir ta naw ding a nih.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin LALPA in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem tah a.

JEREMIA 15:9

Nau pasari neitunu chu a chau tah a, a chau let dêr a; sûn a ni lai chun a nisa chu a tla tah a; ama chu ân zakin a hamhai a; chun, anni a la mahlahai chu an hmêlmahai kuomah kâwlhnâmah pêng ka tih,” LALPA chun a tih.

EZEKIEL 32:7

Nang chu ka hung sukriral zo pha che chun, Vân chu inkhum ka ta, Arasihai chu inthimtir ka tih. Nisa chu sûmin inkhum ka ta, thla khawma a varna insuo naw nih.

AMOS 4:13

Ngai ta, tlânghai inngîr suok a, thli siem a, mihriem kuoma chun a ngaituona chu ieng am a na ti hrilsuokpêk a, zîngkâr chu sukthim a, hnuoi hmun insâng sirtu chu a hming LALPA, sipaihai Pathien chu a ni sih a.

AMOS 5:8

Siruk le Sizucho siemtu le thina deihlim zîngkâra inchangtirtu le, sûn chu zân inthima siemtu, tuisuoriet tuihai ko a, hnuoi chunga inluong- tirtu chu, ama chu zawng unla, a hming chu LALPA a nih,

MIKA 3:6

Chuleiin, inlârna in nei naw hielna dingin in kuomah zân hung tlung a ta, ai in sân thei nawna khawpin in kuomah inthimna hung tlung a tih; zâwlneihai ta ding chun nisa liem a ta, sûn khawm an chunga chun khaw inthim nîng a tih.

ZEKARIA 14:7

amiruokchu, ni khat, LALPA ihriet chu um a tih; sûn khawm ni naw nih a, zân khawm ni naw bawk a tih, amiruokchu, zântieng huna hin var chu hung um a tih.

MATTHAI 24:29

“Nisienlakhawm, chuong ni rinum zo phingle chun, nisa inthimin um a ta, thla var ta naw nih a, vâna arasihai hung tlâng an ta, vân thilthawtheinahai chu sukhnîngin um a tih.

MATTHAI 27:45

Chun, nisa indinga inthawka zânbu suong pha chenin khawvêl a hung inthim ta vawng a.

MARKA 15:33

Chun, nisa inding huna chun, zânbu suong pha chenin khawvêl a hung inthim ta vawng a.

LUKA 23:44

Chun, nisa inding lai a hung na, chu chena inthawk zânbu suong pha chenin khawvêl a hung inthim ta vawng a, nisa var a hung bo tah a;

THUPUONGSUO 6:12

Chun, inchikna parukna chu a hang sût lai ka en zing a, chun, simkhawleihnuoi nasatakin a hung inhnîng a; chun, nisa chu sahmul saiip puon angin a hung dum a, thla khawm chu a pumin thisen angin a hung um tah a.

THUPUONGSUO 8:12

Vântirko palina chun a hang mût a; chuongchun, nisa hmun thuma ṭhea hmun khat, thla hmun thuma ṭhea hmun khat, arasihai khawm hmun thuma ṭhea hmun khat chu suksiet a ni tah a; chuonghai hmun thuma ṭhea hmun khat chu ân thimna ding le, sûn chu hmun thuma ṭhea hmun khat a var nawna dingin, zân khawm chuong ang bawkin a nih.