AMOS 8:8 - Pathien Lekhabu Inthieng (BSI)

⁸ Hi hi lei hin ram chu ân thinin, a sûnga um taphawthai chu an lungngai naw ding am a nih? Anih, Vadung ang chun hung lien vawng a ta, Aigupta ram Vadung angin hung buoiin hung kang a tih.

AMOS 8:8 ပူးပေါင်းရင်းမြစ်များ

INPÂKNA HLABU 18:7

Chu phingle chun hnuoi hi ân hnîng a, ân thin tah a, A lunginsen leiin tlânghai khawm chu, Ân nghatna pumin ân thinin ân hnîng tah a.

ISAI 5:25

Chuleiin, LALPA lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong nawh a; a kut chu a lân let ta rawp a.

JEREMIA 12:4

Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

JEREMIA 46:7

Nile vadung, vadungpuihai ang ela tuihai invawr let anga ngîr dawk chu tu am a na?

JEREMIA 46:8

Aigupta ram chu Nile vadung ang chun a hung lien a, a tuihai chu vadungpui tuihai ang elin ân vawr let a; ama chun, “Hung lien ka ta, leihnuoi hi inkhum ka tih; khawpui- hai le chutaka a hluotuhai chu sukbohmang bawk ka tih,” a ta.

JEREMIA 51:29

Ram chu ân thin a, a nah a; Babulon chunga LALPA thiltum, Babulon ram chu hluotu um loa râusana um dinga a tum chu a la um zing sih a.

DANIEL 9:26

Chun, hapta sâwmruk pahni hnunga chun Messie chu sât thlâk nîng a ta, ama ta dingin ni loin, chun, lal mihai hung dinghai chun khawpui le Hmun Inthiengtak chu suksieng an ta, a tâwpna chu tuilêt nîng a ta, a tâwpa chun indona nîng a tih; suk- rêma umna ding chu ruot a ni ta sih a.

HOSEA 10:5

Samaria rama chênghai chu Beth-aven bâwngtê lei chun thlaphângin um an tih; A kuoma inthawka a bo ta leiin chutaka mihai chu lungngai an ta; Chutaka thiempuhai a ropuina chunga lo lâwm hlakhai khawm.

HOSEA 4:3

Chuleiin, ram chun sûn a ta, A sûnga chêng tinrêng chu chau an tih, Ramsahai le chunglêng vatehai leh; Anih, tuisuorieta ngahai chenin lâk hmang nîng an tih.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

AMOS 9:5

Ram chu tâwk a, suktuiraltu chu Lalpa, sipaihai PATHIEN chu a ni sih a; chun, chutaka um po pohai chu lungngai an tih; chun, Vadung angin hung lien a ta, Aigupta Vadung angin kang nâwk a tih;

NAHUM 1:8

Amiruokchu, tui lien luong liem- na hmangin chu hmun bohmang vawngna chu intlungtir a ta, hmêl- mahai chu inthimnaah hnawt lût a tih.

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thil- thawtheina le ropuina nasatak leh vân sûm chunga hung hmûng an tih.