AMOS 7:8 - Pathien Lekhabu Inthieng (BSI)

⁸ Chun, LALPA chun ka kuomah, “Amos, ieng am i hmuh a?” a ta. Kei chun, “Enremna,” ka ta. LALPA chun, “Ngai ta, ka mi Israelhai lai enremna sieng ka ta, anni chu khêl nâwk ta naw ning a;

AMOS 7:8 ပူးပေါင်းရင်းမြစ်များ

2 LALHAI 21:13

Samari inkhina hrui le Ahab sûngkuo dârmûmkhai chu Jerusalem chungah keimar ka tih; chun, miin thlêng a hrûk a, ân let vêl angin Jerusalem chu hrûng ka tih.

ISAI 28:17

Rorêlna fel chu a suktlûnna hruiin hmang ka ta, felna chu a dârmûmkhaiah hmang ka tih, riel chun inhumhimna khêl thuhai chu dêng hmang vawng a ta, tuihai chun inbîkhmangna chu chîm tlum a tih.

ISAI 34:11

Tuivalawng le sakuin chu ram chu nei lem an tih; chingpirinu le vaâk chutaka chun um an ta; sietna hrui le ruokna dârmumkhai chu a chungah keimar a tih.

JEREMIA 15:6

Nang chun i mi lo hnâwl ta a, LALPA chun a tih: hnungtieng i lo fe tah a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

ṬAP HLA 2:8

LALPA chun Zion naunu kul chu suksiet a tum tah a; Rînin ân khi vawng tah a, suksietnaa inthawk chun a kut keitîm ta naw ni; Kul le a daihai chu ân sûntir a, an ngui hmunkhat ve ve a.

HOSEA 1:6

Chun, nau a vawn nâwk a, naunuhmei a nei a. Chun, a kuomah, “A hmingah Lo-ruhama sak rawh; Israel sûnghai chu ka lainat ngai ta naw ding a nih, ka ngaidam vak ta âwm si nawh a.

AMOS 7:7

Hieng ang hin a mîn entir a, chun, en ta u, Lalpa chu enremnaa siem bang kâwlah a ngîr a, a kuta chun enremna chu a chawi a.

AMOS 8:2

Chun, ama chun, “Amos, ieng am i hmuh a?” a ta. Keiin, “Nisapuithei bâwm,” ka tih a. Chun, LALPA chun ka kuomah, “Ka mi Israelhai chungah tâwpna a hung tlung tah; anni chu khêl nâwk ta naw ning,” a ta.

MIKA 7:18

Nang anga khawhlona ngai- damtu le a rochan la um sun bawsietna fekhêltu Pathien tu am an um a? A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

ZEKARIA 4:10

Thil chînhai ni chu tuin am a hmusit hlak hrim a? Hlim an ta, Zerubbabel kuta chun enremna, hieng pasarihai ngei, chuong LALPA mithai ngei chu an hmu ding a ni sih a; anni chu khawvêl po po kil tin kil tanga chun an tlân vêl tah a,” tiin.

ZEKARIA 4:2

Ka kuoma chun, “Ieng am i hmu a?” a ta. Kei chun, “Rângkachak sa- thâu khâwnvar siena, a sîpa a thlêng le, chu chunga khâwnvar pasari um, khâwnvar tin chunga a dâwt pasari seng um ka hmuh,

ZEKARIA 5:2

Keiin, “Lekha zuol vuong lai ka hmuh a; a dungtieng chu tawng sâwmhni a na, a khangtieng chu tawng sâwm a nih,” tiin ka dawn a.