AMOS 7:7 - Pathien Lekhabu Inthieng (BSI)

⁷ Hieng ang hin a mîn entir a, chun, en ta u, Lalpa chu enremnaa siem bang kâwlah a ngîr a, a kuta chun enremna chu a chawi a.

AMOS 7:7 ပူးပေါင်းရင်းမြစ်များ

INṬANNA 28:13

A tâwpa chun LALPA a ngîr a, “Kei hi LALPA i pu Abraham Pathien le Isak Pathien chu ka nih, i zâlna hnuoi kha i kuoma le i thlahai kuomah la pêng ka ti cheu;

2 SAMUEL 8:2

Chun, Moab mihai a thaw nâwk a, a hnuoiah ân zâltir a, inkhina hruiin ân khih a; tlar hni chu suk- hlum dingin ân khih a, tlar khat chu a tluona hring dingin ân khih a. Chuongchun, Moab mihai chu David siehlawhai an hung ni tah a, thil- pêkhai dâm an hung pêk hlak a.

2 LALHAI 21:13

Samari inkhina hrui le Ahab sûngkuo dârmûmkhai chu Jerusalem chungah keimar ka tih; chun, miin thlêng a hrûk a, ân let vêl angin Jerusalem chu hrûng ka tih.

ISAI 28:17

Rorêlna fel chu a suktlûnna hruiin hmang ka ta, felna chu a dârmûmkhaiah hmang ka tih, riel chun inhumhimna khêl thuhai chu dêng hmang vawng a ta, tuihai chun inbîkhmangna chu chîm tlum a tih.

ISAI 34:11

Tuivalawng le sakuin chu ram chu nei lem an tih; chingpirinu le vaâk chutaka chun um an ta; sietna hrui le ruokna dârmumkhai chu a chungah keimar a tih.

ṬAP HLA 2:8

LALPA chun Zion naunu kul chu suksiet a tum tah a; Rînin ân khi vawng tah a, suksietnaa inthawk chun a kut keitîm ta naw ni; Kul le a daihai chu ân sûntir a, an ngui hmunkhat ve ve a.

EZEKIEL 40:3

Chun, chu tieng chun a mi ṭhuoi a, chun, ngai ta, mi pakhat, a hmêl- put dân chu dârsen ang, a kuta ziza hruol le, inkhina luonghmawl chawi a um a; dâi kawtkhâra chun ama chu a ngîr a.

AMOS 7:6

Hi thu tieng hin LALPA chu ân lêt a, Lalpa PATHIEN chun, “Hi khawm hi ni ta naw nih,” a ta.

AMOS 7:8

Chun, LALPA chun ka kuomah, “Amos, ieng am i hmuh a?” a ta. Kei chun, “Enremna,” ka ta. LALPA chun, “Ngai ta, ka mi Israelhai lai enremna sieng ka ta, anni chu khêl nâwk ta naw ning a;

ZEKARIA 4:10

Thil chînhai ni chu tuin am a hmusit hlak hrim a? Hlim an ta, Zerubbabel kuta chun enremna, hieng pasarihai ngei, chuong LALPA mithai ngei chu an hmu ding a ni sih a; anni chu khawvêl po po kil tin kil tanga chun an tlân vêl tah a,” tiin.

THUPUONGSUO 11:1

Chun, luong, hmawl ang hi pêkin ka um a, chuongchun, tûin amanih, “Tho la, Pathien biekin le mâichâm chu inkhi la, a sûnga betuhai khawm tiem rawh.

THUPUONGSUO 21:15

Chun, a mi betu chun, khuo le kawtkhârhai le a kul chu inkhina dingin rângkachak luong a chawi a.