AMOS 7:6 - Pathien Lekhabu Inthieng (BSI)

⁶ Hi thu tieng hin LALPA chu ân lêt a, Lalpa PATHIEN chun, “Hi khawm hi ni ta naw nih,” a ta.

AMOS 7:6 ပူးပေါင်းရင်းမြစ်များ

INṬANNA 6:7

Chuongchun, LALPA chun, “Ka mihriem siem hi hnuoi chunga inthawk hin sukbohmang el ka tih a, mihriem dâm, sa dâm, thilhring dâm, chunglêng vate dâm chen hin; ka siem ta leiin kân sîr a nih,” a ta.

1 CHANCHIN SUINA 21:15

Chun, Pathien chun sukse dingin Jerusalema chun vântirko a tir a; chuonga a suksiet ding lai tak chun LALPA chun a hmuh a, thil ṭha naw thaw a tum chu ân kîr a; chuongchun, a suksetu ding vântirko kuoma chun, “A hun tah, i kut tuhin chel hri rawh,” a ta. Chun, vântirko chu Jebus mi Ornan hrizâwla chun a ngîr ta zing a.

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt tah a.

INPÂKNA HLABU 135:14

LALPA, chun a mihai chu ro a rêlpêkin, A siehlawhai chungthua chun a lungril ân lêt ding a ni sih a.

INPÂKNA HLABU 78:38

Nisienlakhawm, ama chu lai- natnaa a sip leiin an rîtlona chu a ngaidam a, anni chu a sukbohmang nawh; Anih, vawi tamtak a lunginsenna chu a lâk kîr a, A lunginsenna chu a rêngin a chawktho nuom ngai nawh.

INPÂKNA HLABU 90:13

Aw LALPA hung kîr nâwk la, ieng chen am i lunginsen ding a na? I siehlawhai chungthua chun i lungril inlêt rawh.

FESUOKNA 32:14

Chun, LALPA chun a mihai chunga thâwng ka tih tiha a hril thil ṭhanaw chu a lâkkîr tah a.

JEREMIA 26:19

Juda ram lal Hezekia le, Juda mihai po po chun ama chu an that el am a nih? LALPA chu a ṭih a, LALPA ditsakna chu a hnih a; chuongchun, LALPA chun an chunga thil ṭha naw a lo hril ta kha a lamlêt a ni nâwm a ni kha? Chuong a ni chun eini thlatuhai ta ding ngeiin thil ṭha nawtak ei thaw a ni ding a nih,” an tih a.

JEREMIA 42:10

Hi rama hin in chêng zing chun, rem ka ti cheu a, ṭhiek naw ning cheu, phun ka ti cheu a, phawidawk naw ning cheu, in kuoma thil ṭha naw ka thaw kha ka lamlêt ta sih a.

JOEL 2:13

in puon ni loin, in lungril thlêr ro,” a tih. LALPA in Pathien tieng chu ngha ro: ama chu lunginsiet theitak le lainatnaa sip, lunginuoi le zainêm- naa sip, thil ṭha naw chu inlêt hlak a nih.

AMOS 7:3

Hi thu tieng hin LALPA chu ân lêt a, LALPA chun, “Ni nâwk ta naw nih,” a ta.

AMOS 7:7

Hieng ang hin a mîn entir a, chun, en ta u, Lalpa chu enremnaa siem bang kâwlah a ngîr a, a kuta chun enremna chu a chawi a.

JONA 3:10

Chuongchun, Pathienin an thilthawhai chu enin, an lampui ṭha naw chu an nghatsan ti a hmu a, an kuoma a hril tah thaw a tum thil ṭha naw chu, Pathien chun ân lêt a; a thaw ta nawh a.

JONA 4:2

LALPA kuoma chun a ṭawngṭai a, “Aw LALPA, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, thil ṭha nawa inthawka inlêt nâwk hlak i ni ti ka hriet a.

RORELTUHAI 10:16

Chuongchun, anni laia hnam dang pathienhai chu an sie hmang vawng a, LALPA rawng chu an bâwl tah a; chun, Israelhai lunginzîngna lei chun a lungril a lungngai ta bêk bêk el a.

RORELTUHAI 2:18

LALPAIN rorêltuhai a siem- pêk pha chun LALPA chu rorêltu kuoma chun a um a, rorêltu dam sûng chun an hmêlmahai kuta inthawk chun a sansuok pei a; anni sukrimsitu le nêksâwrtuhai leia an inrûm chun LALPA chun za a ngai nâwk hlak a.