AMOS 7:17 - Pathien Lekhabu Inthieng (BSI)

¹⁷ chuleiin, LALPA chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheiloin, Israel chu a rama inthawkin salah ṭhuoi hmang an tih,’ tiin,” a dawn a.

AMOS 7:17 ပူးပေါင်းရင်းမြစ်များ

2 LALHAI 17:6

Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

INPÂKNA HLABU 78:55

Hnam tin chu an hmaah a hnawt suok a, Anni chu hruia inkhi dingin rochanah a siem a. An puon ina chun Israel hnamhai chu ân umtir tah a.

ISAI 13:16

An nautêhai khawm an mit- hmuah innâwi dar khawpa hnuoi vuoknaa hmangin um an ta, an inhai chu rawkin um a ta; an nuhmeihai chu pâwngsuol tuokin um bawk an tih.

ISAI 22:18

Ama chun matheiloin thil hlûm angin sukvir a ti cheh a, ram lientak- ah vawr lût a ti che; chutaka chun thîng i ta, chutaka bawk chun, nang mâni lal insûng sukmuolphotupa, i ropuina tawlailîrhai chu um a tih.

JEREMIA 14:16

Chun, chuong mipuihai an thuhrilnahai chu ṭâmna le kâwlhnâm leiin Jerusalem kawtthlêrahai chun pei suokin um an ta; anni phûmtu ding tukhawm nei naw ni hai, anni leh, an nuhmeihai le an naupasalhai, an naunuhmeihai leh; anni chunga chun an rîtlona chu ka bunthlâk ding a ni sih a.

JEREMIA 20:6

Chun, nang Pas-hur le i ina chênghai po po chu sala ṭhuoiin um in ta; Babulona chun fêng i tih; chutaka chun thîng i ta, chutaka phûm chu nîng i ta, nang le i ruolhai po po an kuoma thu indik lotaka i lo hril hlakhai le chun,” tiin.

JEREMIA 28:12

Chun, zâwlnei Hananiain zâwl- nei Jeremia rînga inthawka rîngkawl a sukthliek hnung chun Jeremia kuoma chun LALPA thu chu hieng ang hin a hung tlung a,

JEREMIA 28:16

Chuleiin, LALPA chun hieng hin a tih: Ngai ta, leihnuoi chunga in- thawk hin ka tir hmang ding che a nih; LALPA kala khêlthu i hril leiin, tu kum hin i thi ding a nih,” tiin.

JEREMIA 29:21

Ka hminga in kuoma thukhêl hriltu Maaseia naupa Zedekia chung thua le, Kolaia naupa Ahab chung- thua chun Israel Pathien, sipaihai LALPA chun hieng hin a tih: Ngai ta u, anni chu Babulon lal Nebukad- nezzar kuta chun pe suok ka ta, ama chun in mithmuah anni chu that a tih;

JEREMIA 29:25

Sipaihai LALPA, Israel Pathien chun hieng hin a tih: Jerusalema mi- pui um po pohai, thiempu Masseia naupa Zephania kuoma leh, thiem- puhai po po kuoma chun hieng anga nangma hminga lekha i thawn leiin:

ṬAP HLA 5:11

Nuhmeihai chu Zionah suollui an nih a, Nunghâkhai chu Juda khawpuihaiah an suol- lui a.

EZEKIEL 4:13

Chun, LALPA chun, “Chuong ang bawk chun Israel thlahai chun anni ka hnawt hmangna ding hnamhai kuoma chun an bei chu inthieng loin fâng an tih,” a ta.

HOSEA 9:3

LALPA rama chun chêng naw ni hai a, Ephraim chu Aigupta tieng kîr lem a tih; Assuria rama chun bu thieng naw fâng an tih.

AMOS 6:7

Chuongchun, tuhin sala fe hmasahai leh salah fêng an ta, inzihai hlimna bur bur chu bo tâng a tih.”

AMOS 7:11

Amos chun hieng ang hin a ti sih a, ‘Jeroboam chu kâwlhnâmin thîng a ta, matheiloin a rama inthawkin Israel chu salah ṭhuoi suok a ta,’ tiin thu a thawn a,” tiin.

AMOS 8:1

Hieng ang hin Lalpa PATHIEN chun a mîn entir a, chun, en ta u, nisapuithei bâwm a lo nih.

AMOS 9:1

Mâichâm bula ngîrin Lalpa chu ka hmuh a, chun, ama chun, “Kawtkhâr bulhai an inhnîng theina dingin a sîp bâwkhai chu vaw la, an rênga lu chungah suknâwi vawng rawh; chun, a thi mahlahai chu kâwlhnâmin that ka ta, pakhat khawm tlân hmang naw ni hai a, pakhat khawma pumpel naw bawk an tih.

AMOS 9:8

Ngai ta u, Lalpa PATHIEN mit chu ram suol chungah a fuh a; chun, hnuoi chunga inthawkin sukbo ka ta; amiruokchu, Jakob sûngkuohai chu sukse vawng naw ning,” a ta.

MIKA 1:16

Invâw kawl la, i nau dittakhai lei chun invâw kawl rawh; mulukawl ang elin insukkawl nasa rawh, i kuoma inthawka sala ṭhuoiin an um ta sih a.

ZEKARIA 14:2

Jerusalem chu do dingin hnam po po chu ka kei khâwm ding a ni sih a; khawpui chu lâk nîng a ta, inhai chu kâpkhumin um an ta, nuhmeihai chu ṭhuoi hmangin um an ta, chun, a khawpui chenve zet chu salah fêng an ta, mi la um sunhai ruok chu khaw- puia inthawka sât thlâk ni naw ni hai.