AMOS 5:4 - Pathien Lekhabu Inthieng (BSI)

⁴ LALPA chun Israel chihai kuoma chun hieng ang hin a ti sih a: “Mi zawng unla, hring in tih;

AMOS 5:4 ပူးပေါင်းရင်းမြစ်များ

2 LALHAI 20:3

“Aw LALPA, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha hre zing dingin ka hung ngên che a nih,” tiin. Chun, Hezekia chu a ṭap ta ngawi ngawi a.

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun LALPA chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

2 CHANCHIN SUINA 20:3

Chuongchun, Jehosaphat chu a ṭi tah a; LALPA chu a zawng a, Juda ram po poa bunghei a rawt tah a.

2 CHANCHIN SUINA 20:4

Chun, Juda mihai chu LALPA ṭhangpuina zawng dingin an in- khâwm a; Juda ram khawpui po poa inthawkin LALPA chu zawng dingin an hung tâwl a.

2 CHANCHIN SUINA 34:3

Naupang a la ni laiin, a rorêl a kum rietnaa inthawk chun a thlatu David Pathien chu a zawng ṭan a; chun, kum sâwmpahninaa chun Juda ram le Jerusalem chu Asera dâm, milim a kera kerhai dâm, milim a sunga sunghai dâm le bâwlhmun po poa inthawk chun a sukthieng ṭan tah a.

INPÂKNA HLABU 14:2

“Hrethiema Pathien zawng hrim hrim an um am?” ti hre dingin, LALPA chun vâna inthawkin mihriem nauhai hi a zuk en a.

INPÂKNA HLABU 22:26

Thuhnuoirawlhai chun fâng an ta, tlai an tih: Ama zawngtuhai chun LALPA chu inpâk an ta, An lungril chu kumkhuoin hringin um raw se.

INPÂKNA HLABU 27:8

“Ka hmêl zawng ro,” tih a i hril lai khan, ka lungril chun i kuomah, “LALPA, i hmêl zawng ka tih,” a tih a.

INPÂKNA HLABU 69:32

Mi rimsihai chun chu chu an hmuh a, an lâwm a, Nangni Pathien zawngtuhai, in lungril chu hringin um raw se.

INPÂKNA HLABU 69:33

LALPAIN pasiehai chu a bengkhawn a, A mi intânghai chu a hmusit si nawh a.

ISAI 31:1

Aigupta rama ṭhangpuina zawnga zu feh a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israel- hai Mi Inthieng tieng en si loa, LALPA khawm râwn si lohai chu an chung a rik ie!

ISAI 55:3

In na hung sit unla, ka kuomah hung ro; ngai unla, chuongchun, in hringna chu hring a tih; chun, in kuomah kumkhaw thu thlung ka tih; David kuoma lunginsietna tiem tlat tahai chu.

JEREMIA 38:20

Nisienlakhawm, Jeremia chun, “Nang chu pe suok naw ni hai che. LALPA râwl i kuoma thu ka hrilna hi awi el rawh, ka ngên che hi, chuong- chun, i ta dingin ṭhâng a ta, i hringna khawm hlain um a tih.

EZEKIEL 18:9

indiktaka thaw dinga ka rorêlhai zâwm a, ka thuruothai a pawm chun, ama chu mi indik a na, hring ngei ngei a tih, Lalpa PATHIEN chun a tih.

HOSEA 10:12

Mâni ta dingin felnain tu unla, Chuongchun, lunginsietna ang peiin sîk ro; In hnuoi chuongtlâihai chu inlet ro, LALPA chu a hunga in chunga felna ân sûrtir chenin Ama chu zawng hun a ni sih a.

AMOS 5:6

LALPA chu zawng unla hring in tih, chuong naw chun, Josef inah mei angin suok a ta, kâng vawng a ta, Bethel khuoah sukrêm dingin tu- khawm um naw ni hai;

ZEPHANIA 2:3

Nangni a rorêlnahai anga thaw- tu, hnuoi chunga zainêm po pohai, LALPA chu zawng ro; felna chu zawng unla, zainêmna chu zawng ro; LALPA lunginsenna nia chun thupa in um theina dingin.

MATTHAI 7:8

nawk ro, hawngpêkin um in tih; tukhawm a hni taphawt chun an hmu hlak; tukhawm a zawng chun an hmu hlak; tukhawm a nawk chu hawng- pêk ning an tih.

DÂN PAHNINA 32:46

“Tuta in kuoma ka thu in- hriettira cheu hin, in lungril innghat tlat unla, hieng dân thuhai po po hi fîmkhurtaka zâwm dingin in nauhai chu thu pe ro.

DÂN PAHNINA 32:47

In ta dingin thil teplo mei mei a ni nawh a, in hringna a ni sih a; chun, hieng thil thaw hin, hluo ding Jordan in va kân rama chun in dam sâwt ding a nih,” a ta.

DÂN PAHNINA 4:29

Nisienlakhawm, chutaka khawm chun LALPA in Pathien chu in zawng a, in lungril po po le in lungvar po poa in zawng chun hmu nâwk in tih.