AMOS 5:2 - Pathien Lekhabu Inthieng (BSI)

² “Nunghâk, Israel chu a tlu tah a, ngîr nâwk ta naw nih: a ram chunga chun pei thlâk a ni tah a nih, ama chu inngîrtir dingin tukhawm an um nawh.”

AMOS 5:2 ပူးပေါင်းရင်းမြစ်များ

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 LALHAI 17:16

Chun, LALPA an Pathien thu- pêk po pohai chu an nghatsan a, bâwngtê lim sung pahni an siem a; chun, Asera an siem a, vâna um po po khi an biek a, Baal rawng an bâwl hlak.

ISAI 14:21

A tho a, leihnuoi hi khuoa an suksip nawna dingin, an puhai suol- na leiin a nauhai that zai rêl ro,” tiin.

ISAI 24:20

Hnuoi hi zu inrui ang elin pêm thlawk thlawk a ta, bûktê insâwi angin insâwi dar dar a tih; a baw- sietna chu a chungah riktakin um a ta, chuongchun, tlûng a ta, tho nâwk ta naw nih.

ISAI 3:8

A ropuina mit chu suknuor dinga an ṭawng le an thilthawhai chu LALPA do tieng a ni leiin Jerusalem chu a se zo a, Judahai chu an tlu zo tah a nih.

ISAI 37:22

hi hi a chungchâng thu LALPA- IN a hril chu a nih: Zion naunu nunghâk chun a hmusit cheh a, a nuisan che; Jerusalem naunu chun a lu a thin khum che.

ISAI 43:17

tawlailîr le sakawr, sipaihai le thilthawtheina ṭhuoi suoktu chun (chuonghai chu ân zâl khâwm rum a, tho nâwk ta naw ni hai a, an chimit zo a, khâwnvar phita sukmit angin suk- mitin an um tah) hieng ang hin a tih,

JEREMIA 14:17

Chun, an kuoma chun hieng thu hi hril rawh: Sûn le zâna khawm ka mithai chu mitthliin luong thla raw se; ma lo tawpin; ka chipui naunu inthieng chu hliemna nasatakin, pawpna nasataka suknawiin a um a.

JEREMIA 18:13

“Chuleiin, LALPA chun hieng hin a tih; Hnamhai laia chun indawn unla, hieng ang thilhai hi hre hlak an um am; Israel nunghâk inthieng chun thil râpthlâktak el chu a lo thaw tah a.

JEREMIA 2:27

thingbul kuoma chun, ‘Nang hi ka pa i nih,’ an ta, lung kuoma chun, ‘Nang hin i mi nei a,’ an tih a, an hmai tieng ni loin, an hnung an mîn nghat ta sih a; an buoi lai huna ruok chun, ‘Hung tho la, mi sanhim rawh,’ an ta.

JEREMIA 31:4

Bâwl nâwk ka ti cheh a, bâwlin um i tih, Aw Israel nunghâk inthieng. Khuong têhai leh inthuom nâwk i ta, hlimna siema lâmtuhai lai chun fe suok i tih.

JEREMIA 4:20

Bohmangna chungah bohmang- na a tlung a; ram pumpui chu suksiet a ni ta sih a, chawmkhat kârin ka puon inhai chu suksiet an na, mit- khap kâr loin ka puonzârhai khawm chu.

JEREMIA 50:32

Chun, mi chapo chu insui a ta, tlûng a tih, tukhawma ama chu keitho naw ni hai; a khawpuiahai chun mei sêm ka ta, ama vêla umhai po po chu kâng hmang vawng a tih.

JEREMIA 51:64

chun, ‘Hieng ang bawk hin Babulon chu tlumhmang a ta, a chunga thil ṭha naw ka hung in- tlungtir dinghai lei chun tho nâwk ta ngai naw nih a, rimsi hle tâng an tih,’ ti rawh,” a ta. Jeremia thuhai chu chu chen chu a nih.

JEREMIA 8:4

Chu naw khawm chu an kuomah hi hi hril i tih: LALPA chun hieng hin a tih: Mihai chu tlûng an ta, an tho nâwk ta naw ding maw? Mi chu fe hmang a ta, a hung kîr nâwk ta naw ding maw?

JEREMIA 9:21

Thina chu ei tukverhaia chun a hung a, ei in ropuiahai chun a hung lût sih a; kawtthlêra inthawka tlang- vâlhai le, puotienga inthawka nau- panghai chu sâtthla dingin.

JEREMIA 9:9

Hieng thilhai lei hin ka hrem hrim naw ding am a nih? LALPA chun a tih; hnam hieng ang hai chunga hin ka thlarau chun phuba a lâk naw ding am a nih?

ṬAP HLA 2:13

Ieng am inhriettir ka cheh a, ieng lêm hrilkhîng ka ti cheh a, Aw Jerusalem naunu? Nang chu ka thlamuon theina ding chein, ieng tluk chau am ka ni ding a na, Aw Zion naunu nunghâk? I sietna chu tuisuoriet angin a lien a, tuin am sukdam thei a ti cheh a?

HOSEA 14:1

Aw Israel, LALPA i Pathien tienga chun kîr nâwk rawh, I rîtlona lei ngei chun i tlu ta hi.

HOSEA 6:2

Ni hni chenah mi sukhring a ta, Ni thum nia chun mi keitho a ta, a hmaah um ei tih.

AMOS 8:14

Samari khaw suolna sâla ṭawng inkhâm a, ‘Aw Dan, i Pathien a hring angin,’ le, ‘Beer-seba fena lampui a hring zing angin,’ tihai kha, chuong mihai khawm chu tlûng an tih, tho nâwk dêr naw ni hai,” tiin.

AMOS 9:11

“Chu nia chun David bâwktê chim chu inngîr ka ta, a âwnghai chu phâwk ka ta, a sietnahai chu rem nâwk ka ta; tienlaia a um ang khan bâwl ka tih,