AMOS 5:17 - Pathien Lekhabu Inthieng (BSI)

¹⁷ Chun, grêp huon po poa chun ṭap rak rakna um a ta, nangni lai ka fethleng ding a ni sih a,” LALPAIN a tih.

AMOS 5:17 ပူးပေါင်းရင်းမြစ်များ

FESUOKNA 11:4

Mosie chun, “Hieng ang hin LALPAIN a tih: ‘Zân ril lai vêlah Aigupta mihai lai fe suok ka ta;

FESUOKNA 12:12

Chu zân chun Aigupta ram fe thleng ka ta, ran le mihriem khawm, Aigupta rama nau lutîr po po chu ka sukhlum ding a ni sih a; chun, Aigupta mihai pathienhai chunga khawm rorêlnahai intlungtir bawk ka tih, LALPA chu ka ni hi!

FESUOKNA 12:23

Aigupta mihai chu hrem dingin LALPA chu a fe thleng ding a ni sih a; chun, kawtkhâr bieng pahni le kawtkhâr lu chung khangpheia thi- sen chu a hmu chun, LALPA chun kawtkhâr chu fe kân a ta, in inhaia chun nangni sukhlum ding cheuin sukbohmangtu chu inhungtir naw nih.

ISAI 16:10

Lâwmna chu lâkpêkin a um tah; lo ṭhataka inthawk dâm chun hlimna chu lâkpêkin a um ta bawk a; grêp huonahai chun hlasak hrim hrim um ta naw nih a, ri hlimum hrim hrim um ta bawk naw ni; grêp sâwrna khurahai chun sir sâwrtu hrim hrim- in uoin sir pût ta naw ni hai a; grêp sîk khêk ri chu ka sukbo tah.

JEREMIA 48:33

Moab rama inthawk le lo rahlâwkna hmunhaia inthawk chun hlimna le lâwmna dâm chu lâk hmang a ni tah a; uoin sâwrna khurhaia inthawk chu uoin chu kân kangtir tah a; tukhawma khêk pumin sirsâwr naw ni hai a; khêk ri khawm chu lâwmna khêk ri ni naw ni.

JOEL 3:17

Chuongchun, LALPA in Pathien ka tlâng inthieng Ziona chêng ka nih ti hrieng in tih; chuongchun, Jerusa- lem khuo chu inthieng a ta, mikhuol tukhawm fethleng nâwk ta dêr naw ni hai.

NAHUM 1:12

LALPA chun hieng ang hin a tih: “An hrât thei tâwpin hrât hai sienla khawm, tam khawm tamtak ni hai sien khawm, chuongsa khawm chun vât thlûkin um an ta, bohmang an tih. Lo sukrimsi ta lang che khawm sukrimsi nâwk ta naw ning che.

NAHUM 1:15

Tlânghaia chanchin ṭha in- tluna, inremna thu tlânginsampui- tuhai ke chu en ta! Aw Juda, i ruoi- ṭhenahai chu inser la, i thutiemhai chu sukpuitling rawh; mi rilo chun a pal thleng nâwk ta âwm si naw cheh a, sukbohmang dêr a ni tah a nih.

ZEKARIA 9:8

Chun, sipai râl vêng pâwl angin ka in vêla chun umnghâng ka ta, tukhawm fe thlengin kîr naw ni hai a; nêksâwrtuhai khawm fe thleng nâwk ta ngai hrim hrim naw ni hai, tuhin keia mit ngeiin ka hmu ta sih a.