AMOS 5:11 - Pathien Lekhabu Inthieng (BSI)

¹¹ Chuleiin, mi rimsihai sirdein bu in lâkpêk a, lung intieng inhai in bâwl a, nisienlakhawm, a sûngah chêng naw ti niu; grêp huon inhawihai in siem a, nisienlakhawm, a uoin dâwn naw ti niu.

AMOS 5:11 ပူးပေါင်းရင်းမြစ်များ

JOB LEKHABU (THE BOOK OF JOB) 20:19

Mi rimsihai chu a nghatsanin, a nêksâwr a, In dâm chu a pâwng lâk a, a ibâwl naw khawm,

ISAI 16:10

Lâwmna chu lâkpêkin a um tah; lo ṭhataka inthawk dâm chun hlimna chu lâkpêkin a um ta bawk a; grêp huonahai chun hlasak hrim hrim um ta naw nih a, ri hlimum hrim hrim um ta bawk naw ni; grêp sâwrna khurahai chun sir sâwrtu hrim hrim- in uoin sir pût ta naw ni hai a; grêp sîk khêk ri chu ka sukbo tah.

EZEKIEL 26:12

I hausaknahai chu râllâk sum- ah siem an ta, i sumdâwngna thilhai khawm chu lâng an tih; i kulhai chu hung suksieng an ta, i in inhawitak takhai chu sukse bawk an ta, i lung- hai, i thinghai i thil nawihai chenin tuihai laia chun sieng an tih.

EZEKIEL 34:21

Liengko le sîrin in hneng a, in sukdar phier hmakhat chun in kihai chun a damnawhai chu in sik leiin,

HOSEA 9:2

Hrizâwl le grêp sâwrna khurhai chun anni suktlai naw nih a, Uoin thar ding hlawsam a tih.

LEVI DÂN 26:16

kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

AMOS 2:6

LALPAIN hieng ang hin a tih, “Israel bawsietna pathum leiin, anih, pali leiin, a hremna sukbo naw ning; tangka mana mi fel an zawr lei le kekawk bun khat mana mi tlasam an zawr leiin;

AMOS 2:7

rimsi lu chunga pilvut phul châk ngawi ngawi le, zainêmhai lampui sukkâwipêk hlakhai chu: chun, mi pakhat chu a pa leh nunghâk pakhat kuoma ka hming sukse dingin an fe hmunkhat hlak a!

AMOS 3:15

Chun, thlasik in le nipui in vaw sieng ka ta, saiha inhai chu bohmang a tih, in ropuihai chun tâwpna nei an tih,” LALPA chun a tih.

AMOS 3:9

Asdod lal inhaia le Aigupta ram lal inhaia chun hril unla, “Samari tlâng chunghaia chun inkhâwm unla, chun, chutaka buoina lientak umhai le nêksâwrna umhai chu en ro.

AMOS 4:1

Nangni Basan hmun sebâwngpui, Samari tlâng chunga um, rim- sihai nêksâwr a, tlasamhai nêk a, an lalhai kuomah, “Hung la unla, dâwn ei tiu,” tituhai, hi thu hi lo hre ro.

AMOS 6:11

Ngai ta u, LALPA chun thu a pêk sih a; chun, in lien chu chim rem rum a ta, in chîn khawm chu kak hek huk bawk a tih.

AMOS 6:12

Sakawrhai chu lungpui chung- ah an tlân ding am a nih? Chutaka chun miin sebâwngin hnuoi an inlet ding am a nih? Nangnîn rorêlna chu thina hloa le, felna chu sairam thingah in inchangtir hi;

AMOS 8:4

Chun, hi hi ngai ta u, nangni tlasamhai fa zo nuom a, ram mi rimsi sukbo nuomhai,

AMOS 9:14

Chun, ka mi Israelhai chu sala inthawkin ṭhuoi kîr nâwk ka ta; khaw ṭâwphai chu siem nâwk an ta, hluong an tih; chun, grêp huonhai siem an ta, a uoin dâwn an tih; huonhai khawm siem an ta, a ra chu fâng an tih.

MIKA 1:6

Chuleiin, Samaria chu phûla thil se um khâwm angin siem ka ta, grêp huon hmun ang elin; chun, chu hmuna lunghai chu vadung ruom tieng inhlum thlâng ka ta, a lung- phûmhai chu suklang ka tih.

MIKA 2:2

Mi lohai an inhnar a, an lâkpêk a, inhai an inhnar a, an lâk el bawk a; mi le an sûnghai, mi le an ro chenin an hnuoisieh a.

MIKA 6:15

Chîng chu chîng i ta, sîk naw ti ni, oliv rahai chu sirsâwr i ta, nisien- lakhawm, a hriek chu nâl naw ti ni; grêp ra chu sâwr la khawm, a uoin chu dâwn naw ti ni.

ZEPHANIA 1:13

Chuongchun, an hausaknahai chu râllâk sum ang hung nîng a ta, an inhai chu râusan hung nîng a tih: anih, inhai chu bâwl hlak an ta chu, a hluo ruok chu hluo ngai naw ni hai a, grêphruihai khawm phun an ta, nisienlakhawm, chutaka a uoin chu dâwn dêr naw ni hai.

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei nawh a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlaw- tu khawm chu ip mawng inâwnga thlâk el dingin a hlaw a nih,” tiin.

MALAKI 1:4

Edom mihai chun, “Hnein ei um ta ngeia chu, kîr nâwk ei ta, hmun se tahai chu siem ṭhâng ei tih,” ti hai sien khawm; sipaihai LALPA chun hieng hin a tih, “Bâwl an ta chu, kei thlûng ka tih: chun, mihai chun anni chu, ‘Khawhlona ram le, kumkhuoa an chunga LALPA lunginsenna zing zing hnam,’ tîng an tih.

DÂN PAHNINA 28:30

Nuhmei huol in ta, mi dangin zâlpui an tih; in bâwl in ta, hluo hlak hluo naw ti niu; grêp huon siem in ta, a ra chu sawr naw ti niu.

JAKOB 2:6

Nangni ruok chun pasie chu in sukmuolpho ta lem a nih. Mi hau- sahai chu a suknawmnatu cheu le, rorêlna ina kei lût hlaktu cheu chu an ni naw am a nih?