AMOS 5:10 - Pathien Lekhabu Inthieng (BSI)

¹⁰ Kawtkhâra kâwktu chu an theidah a, thu fel hriltu chu an tirdak a.

AMOS 5:10 ပူးပေါင်းရင်းမြစ်များ

1 LALHAI 18:17

Chun, Ahab chun Elija chu a va hmu chun a kuomah, “Nang i ni maw, Israelhai suklungzîngtupa?” a ta.

1 LALHAI 21:20

Chun, Ahab chun Elija kuomah, “I mi hung hmu ta maw, ka hmêl- mapa?” a ta. Chun, ama chun a dawn a, “Ka hmu ta che a ni hi, LALPA mithmua thil ṭha naw thaw dingin inzawr ta che chu.

1 LALHAI 22:8

Chun, Israel lal chun Jehosaphat kuoma chun, “LALPA mi râwnpêk ding Imla naupa Mikaia kha chu a la um kha maw, nisienlakhawm, ama hi chu ka theida zâwngtak a nih; ka chungchâng thu hi a se tieng ngawt naw chu a ṭha tieng a hril hrim hrim ngai nawh,” a ta. Chun, Jehosaphat chun, “Lal hin chuong ang chun chu ti naw raw se khai,” a ta.

2 CHANCHIN SUINA 25:16

Chun, ama le an inbiek zing lai chun lal chun a kuomah, “Lal thurawnpuituah kan siem che am a nih? Fîmkhur rawh; iengdingin am thatin um i ta?” a ta. Chuongchun, zâwlnei chun, “Ka thurâwn chu i pawisa nawh a, hi thil hi i thaw leiin, Pathien chun suksiet a tum che a nih ti ka hriet a nih,” a ta, a to tah a.

2 CHANCHIN SUINA 36:16

nisienlakhawm, Pathien tirko- hai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga LALPA lungsenna chu chawkthoa a um hiel chen chun.

THUVARHAI 15:12

Hmusittu chun kâwka um chu a ngaina nawh a, Mi var kuoma khawm fe ngai bawk naw nih.

ISAI 29:21

chuonghai chun mi chu thupawi thuah suksuoltuah an siem hlak a, kul kawtkhârah kâwktu âwkna ding- in châng an kam hlak a, mi fel chu thil teplo mei meiin an inkhêltir hlak.

ISAI 59:15

Anih, thutak a um ta nawh a; thil ṭha naw bânsantu chu râllâkah ân siem hlak; LALPAIN chu chu a hmuh a, indikna hrim hrim um ta naw chun a suklungni ta nawh a.

JEREMIA 38:7

Chun, Ethiopia mi, Ebed-melek, mi tillâk, lal ina um chun Jeremia chu khurthim sûnga chun an sie ti a hriet chun chu lai chun lal chu Benjamin dai kawtkhâra khan a ṭhung a.

HOSEA 4:4

Nisienlakhawm, tuhai khawm inhêk naw raw hai se, Tukhawm inkâwk bawk naw raw hai se; I mihai chu thiempu hêktuhai ang an ni sih a, Aw thiempu, nanga chungah a nih ka lungni naw chu,

LEVI DÂN 13:10

Thiempu chun lo en a ta, vuna chun a vâra a hung invûng suok a, a hmul chu a hung sukvâr a, ân vûng- naa chun tisa châr a hung inlang chun,

AMOS 5:15

Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun LALPA, sipaihai Pathien chun lunginsietna a nei el rawi mawh.

JOHAN 15:19

Nangni khawvêla mi ni unla, khawvêlin amaa mi a hmangai ding bah; khawvêla mi in ni si nawh a, khawvêla inthawka ka thlang suok lem cheu leiin, khawvêlin a theida cheu a nih.

JOHAN 3:20

Tûkhawm thil suksuol taphawt chun var an theida hlak, vara khawm an hung nawh, chuong naw chun, an thilthawhai inlang a tih.

JOHAN 7:7

Khawvêlin nangni an theida thei naw cheu, kei ruok chu an mi theida hlak, an thilthawhai a suol ti ka hrilfie hlak leiin.

GALATI 4:16

Chuongchun, thu indiktak ka hril cheu leiin in hmêlma ka lo ni tah a ni maw?

THUPUONGSUO 11:10

An thi leiin hnuoia umhai chu lâwm an ta, hlimna siem an ta, thilpêkhai inthawn tuo bawk an tih; zâwlnei pahni hai chun hnuoia umhai chu an sukrimsik hlak leiin.