AMOS 4:2 - Pathien Lekhabu Inthieng (BSI)

² LALPA Pathien chun ama inthiengna sâlin ṭawng ân khâm a: “Ngai ta u, thîrkuoiin a lâk hmang cheu a, nangni laia a la um sun ngakuoia a lâk hmang ni cheu a hung tlung ding a nih.

AMOS 4:2 ပူးပေါင်းရင်းမြစ်များ

INPÂKNA HLABU 89:35

Vawi khat ka inthiengna sâlin kân khâm a, David kuomah khêl hril naw ningah.

INPÂKNA HLABU 89:36

A chithlahai chu kumkhuoin um an ta, A lalṭhungpha chu ka hmaah nisa angin um bawk a tih.

ISAI 37:29

Ka chunga i lunginsen lei le, i ṭawng mingemzie chu ka naa hin a hung lût tâk leiin ka hnâr inbûk chu i hnârah inbûk ka ta, ka thîrse chu i hmûrah inbûk bawk ka tih; i hungna lampui ngeia khan inkîrtir nâwk ka ti che, tiin

JEREMIA 16:16

LALPA chun hieng hin a tih: Ngai ta u, nga man mi tamtak ko suok ka ta, anni chu nga manin man an ta; chu hnunga chun ramsuok- tuhai tamtak ko suok ka ta, tlâng tinhaia le, muol tinhaia le, lungpui kuo kârhaia chun anni chu pêl an tih.

EZEKIEL 29:4

I khâka chun ngakuoihaiin inkuoitir ka ta, I vadungpuia ngahai chu i phuhlipa chun inkawptir tâwl ka tih; Chuongchun, i phuhlipa kawp i vadungpuia i ngahai po po le chun, I vadungpuia inthawk chun hung la suok ka ti cheh a.

EZEKIEL 34:16

A lo inhmang ta chu zawng ka ta, hnawt hmanga lo um ta khawm chu hung ṭhuoikîr nâwk ka tih; sukthlieka um ta chu tuom ka ta, damnawa um khawm chu sukhrât bawk ka tih; a thâu le a hrât chu suksieng ka ta; anni chu rorêlnain châwm ka tih.

EZEKIEL 38:4

i hnung innghattir ka ti cheh a, i khâkruhaia chun ngakuoihai kuoi ka ta, nang le i sipai pâwl po po, kâwl- hnâm hmangtuhai po po, âwmphaw le phaw hmanga pâwl nasatakhai leh, râlthuom famkima inthuomhai po po le, sakawrhai le i sakawr chung chuong mihai po po leh ka khai dawk ding cheu a nih,

AMOS 6:8

LALPA, sipaihai Pathien chun, Lalpa PATHIEN chun ama le ama insâlin ṭawng ân khâm a: “Jakob chapona chu ka tirdak a, a lal inhai ka theida a; chuleiin, khuo le a sûnga um po pohai chu kân mantir ding a nih,” tiin.

AMOS 8:7

LALPA chun Jakob ropuina sâlin ṭawng ân khâm a, “Matheiloin, an sinthaw hrim hrim theinghil dêr naw ning ah,” tiin.