AMOS 4:13 - Pathien Lekhabu Inthieng (BSI)

¹³ Ngai ta, tlânghai inngîr suok a, thli siem a, mihriem kuoma chun a ngaituona chu ieng am a na ti hrilsuokpêk a, zîngkâr chu sukthim a, hnuoi hmun insâng sirtu chu a hming LALPA, sipaihai Pathien chu a ni sih a.

AMOS 4:13 ပူးပေါင်းရင်းမြစ်များ

JOB LEKHABU (THE BOOK OF JOB) 9:7

Nisa chu thu a pêk a, a hung suok ta nawh a; Arasihai chu a khârkhip bawk a.

INPÂKNA HLABU 135:7

Ama chun sûmhai chu kâwlkila inthawkhai chun ân lâwntir hlak a, Kâwlinlep dâm ruo dingin a siem hlak, A sum ina inthawkhai chun thli a lâk suok hlak.

INPÂKNA HLABU 139:2

Nangin ka ṭhung le ka ngîr hi i hriet hlak a, Ka ngaituona hi hlataka inthawk khawmin i hriet thiem hlak.

INPÂKNA HLABU 147:18

A thu chu a tir suok a, chuong chu a suktui a, A thli ân hrângtir a; chuongchun, tuihai chu a hung luong hlak.

INPÂKNA HLABU 65:6

Thilthawtheinaa tâia inkhita, Mâni hrâtnaa tlânghai sukhnîng hlaktu chu i nih;

FESUOKNA 10:22

Chun, Mosie chun vân tieng a bân a phar a; chuongchun, ni thum sûng chu Aigupta ram sûng po poa chun inthim sa mup el chu a um tah a;

FESUOKNA 14:20

Israel mihai le Aigupta mihai riebûk inkâra chun a hung a. Chuongchun, sûm le inthim chu a um a, zân chu sûm chun a sukvar hlau thung a, zânkhuoin tu tu khawm an inhnai tuo nawh a.

ISAI 40:12

Tuin am tuihai chu a kutpha zâwla chau inkhih a, vân khi khâp chaua inkhih a, hnuoia pilvut hi te- khâwng pakhat chaua thun vawng a, tlânghai chu khaina chaua bûk a, muol pâwng hai chu bûkna chaua bûk kha le?

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi LALPA, chuong thilhai po po thaw hlaktu chu ka nih,” tiin.

ISAI 47:4

A mîn tlantu chu a hming sipai- hai LALPA a na, Israelhai Mi Inthieng chu.

ISAI 48:2

(Khawpui inthienga mi an inti si hlak a, Israelhai Pathien chungah ringna an innghat bawk a nih; a hming chu sipaihai LALPA a nih).

ISAI 5:30

Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lungin- zingna ruok nîng a tih, var hlak chu chutaka sûmahai chun sukthimin a um a.

JEREMIA 10:13

a râwl a hung insuo pha chun vânhaia tuihai chu a hung phul a, leihnuoi tâwpnaa inthawk dâm chun tuihu chu ân kaitir a, ruo ta ding chun kâwlinlephai a siem a, a robâwmhaia inthawk chun thli chu a hung lâk suok a.

JEREMIA 10:16

Jakob chanvo chu hieng ang hi a ni ve nawh a; thil po pohai siemtu chu a na; Israel chu a rochan hnam a na; sipaihai LALPA chu a hming a nih.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin LALPA in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem tah a.

JEREMIA 46:18

Laltak a hming khawm sipaihai LALPA chun, ka hring zing angin; tuisuoriet panga Karmel ang le, tlânghai laia Tabor tlâng angin, ama chu hung ngei ngei a tih.

JEREMIA 51:16

a râwl a hung insuo pha chun, vânhaia tuihai ân ri hum hum a; leihnuoi tâwphaia inthawk chun tui- hu dâm chu ân zâmkaitir bawk a, ruo ta dingin kâwlinlephai chu a siem a, a robâwmhaia inthawk chun thlihai chu a hung lâk suok a.

JEREMIA 51:19

Jakob chan chu hieng ang hi chu a ni nawh; ama chu thil po poa hmasa a na, Israel khawm chu a rochana a chipui a nih; Sipaihai LALPA chu a hming a nih.

DANIEL 2:28

amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

DANIEL 2:30

Keima chungthua chun, mi dang hrim nêka varna ka hau lem leia hi thurûk hi phuong a ni nawh a; amiruokchu, a umzie chu lal kuoma inhriettir a ni theina ding le i lungrila i ngaituohai chu i hriet theina dingin a ni lem.

HOSEA 12:6

Chuongchun, nang chun i Pathien tieng ngha la, Lunginsietna le rorêlna hmang la; I Pathiena chun innghat rawp rawh.

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasa- tak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

AMOS 3:13

Ngai unla, Jakob sûnghai chunga chun inhriettir ro,” sipaihai Pathien, Lalpa PATHIEN chun a tih.

AMOS 5:27

Chuleiin, Damaska khaw khêl- tieng salah infetir ka ti cheu,” LALPA, a hming sipaihai Pathien chun a tih.

AMOS 5:8

Siruk le Sizucho siemtu le thina deihlim zîngkâra inchangtirtu le, sûn chu zân inthima siemtu, tuisuoriet tuihai ko a, hnuoi chunga inluong- tirtu chu, ama chu zawng unla, a hming chu LALPA a nih,

AMOS 6:8

LALPA, sipaihai Pathien chun, Lalpa PATHIEN chun ama le ama insâlin ṭawng ân khâm a: “Jakob chapona chu ka tirdak a, a lal inhai ka theida a; chuleiin, khuo le a sûnga um po pohai chu kân mantir ding a nih,” tiin.

AMOS 8:9

Chun, Lalpa PATHIEN chun a hril a, Chu nia chun, sûn changlai nisa intlâktir ka ta, nisa sat lai chun hnuoi chu sukthim ka tih.

AMOS 9:6

vâna a pindanhai siem a, hnuoi chunga pindan inkuol siem a, tui- suoriet tuihai ko a, hnuoi chunga bunthlatu, a hming chu LALPA a nih.

MIKA 1:3

Ngai ta u, LALPA chu a hmuna inthawkin a hung suok a, hung ṭum a ta, hnuoi hmun insânghai chu a chîl ding a ni sih a.

HABAKKUK 3:19

Lalpa, Jehova chu ka hrâtna a na, Ka kehai chu sazukpui kehai angin a siem a, Ama chun ka bâwlhmunhaia chun mîn fetir a tih.

ZEKARIA 12:1

Israel chungthua LALPA thu phurrik chu, Vânhai chu kei- phar a, leihnuoi lungphûmhai chu phûm a, mihriem chu a sûnga a thlarau siempêktu LALPA chun hieng hin a tih:

MATTHAI 9:4

Isûn an ngaituohai chu a lo hriet a, “Iengdinga in lungrila suol in ngaituo am a na?

JOHAN 2:25

Mihriem thu tukhawm ihril a ngai nawh, ama chun mihriem sûnga um taphawt chu a hriet sih a.

JOHAN 3:8

Thli khâwlai khawm a nuom nuomin a hrâng hlak, a ri i hriet deh, nisienlakhawm, khâwtaka inthawka hung am, khâwlai am a fe ding ti i hriet si nawh; tûkhawm Thlaraua pieng chu chuong ang chu an nih,” a ta.

DÂN PAHNINA 32:13

Hnuoi hmun insângahai chun ân chuongtir a, Loa thil rasuok chu a fâk hlak a; Lungpuia inthawka khuoizu ân dâwntir hlak a, Lung changa inthawka hriek leh.

DÂN PAHNINA 33:29

I hamṭha de, aw Israel, Nang ang hrim tu am an um a, LALPA sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.