AMOS 4:10 - Pathien Lekhabu Inthieng (BSI)

¹⁰ “Aigupta ram angin nangni lai hripui ka tir a, kâwlhnâmin in tlangvâlhai chu ka that tah a, in sakawrhai ka ṭhuoi hmang tah a nih; chun, in sipai hmun rimsie chu hnâra innam khawpin kân umtir a, chuong khawm chun ka kuomah in hung kîr nawh,” LALPA chun a tih.

AMOS 4:10 ပူးပေါင်းရင်းမြစ်များ

2 LALHAI 10:32

Chuong lai chun LALPA chun Israelhai chu a thlauthlâk ṭan tah a; chuongchun, Hazael chun Israel ram po poa chun a hne pei a;

2 LALHAI 13:3

Chun, LALPA lung chu Israelhai chunga chun a chawk a, chuongchun, Suria lal Hazael kuta le, Hazael naupa Benhadad kuta chun a pêk ta pei a.

2 LALHAI 13:7

Jehoahaz chu a mihai laia sakawr chung chuong mi sâwmnga le tawlailîr sâwm le, sipai sîng khat ti naw chu nei a phalpêk si nawh a, Suria lal chun a sukbohmang vawng a, pilvut childip ang elin a siem a nih.

2 LALHAI 8:12

Chun, Hazael chun, “Iengdinga ka pu hi a ṭap el am a na?” a ta. Ama chun a dawn a, “Israel thlahai chunga i thil ṭha naw thaw ding chu ka hriet leiin a nih, a kulhai la rawpêk i ta, an tlangvâlhai kâwlhnâmin la that i ta, an nau le têhai chu la pei nâwi i ta, nau vawn lai an nuhmeihai chu i la phirthlêr ding a nih,” a ta.

FESUOKNA 10:27

Nisienlakhawm, Pharao lungril chu LALPAIN a sukngar a, anni chu ân fetir chuong nawh a.

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien LALPA chun hieng hin a tih: ‘Ka hmaa insiehnuoi ieng chen am i nuom naw ding a nih a? Ka rawng an bâwl theina dingin ka mihai chu infetir rawh.

FESUOKNA 14:4

Chun, Pharao lungril chu suk- ngar ka ta, anni chu hung hnawtzui a tih; chun, Pharao le a sipaihai chungah ropuina chang ka tih: chun, Aigupta mihai chun LALPA ka ni mi hre tâng an tih,’ tiin,” a tih a. Chuong ang tak chun an thaw tah a.

FESUOKNA 15:26

ama chun, “LALPA in Pathien rawl chu nguntaka in ngai a, a mit hmuha thildik chu in thawh a, a thupekhai tieng in na in sit a, a dân ziekhai chu in vawng tlat chun, Aigupta mihai chunga kân tlungtir natnahai hrim hrim kha in chungah intlungtir dêr naw ningah: LALPA nangni sukdamtu cheu chu ka ni sih a,” a tih a.

FESUOKNA 8:19

Aisânthiemhai chun Pharao kuomah, “Hi hi Pathien kutpâr a nih,” an tih a. Pharao lungril ruok chu sukngarin a um a, LALPAIN a lo hril ta ang ngei khan, an thu chu a ngai chuong nawh.

FESUOKNA 9:12

Chun, LALPAIN Pharao lungril chu a sukngar a, LALPAIN Mosie kuoma a hril ta angin an thu hril chu a ngai chuong nawh a.

FESUOKNA 9:17

Ka mihai chunga hin nang le nang inchawimawiin, anni chu i lân fetir naw rawp ding a ni maw?

ISAI 34:3

Anni laia thata umhai chu pei suokin um an ta, an ruong rimsie chu innam vut vut a ta; tlânghai chu an thisen suktuiin um a tih.

ISAI 50:11

Mei sêm a, thingthu tivar hlak po pohai, ngai ta u, in mei vara le in thingthu tihai lai chun lêng ro. Hi hi ka kuta inthawka in la hmu ding chu a nih, lungngaitaka in la zâlna ding chu.

ISAI 9:12

Saktieng Suria mihai, thlang- tieng Philistin mihai chun bau kain Israelhai chu fa zo an tih. Chuong ang lâwma a thaw khawm chun a lunginsen chu a la bo chuong si nawh a; a kut chu a lân let ta rawp a.

ISAI 9:13

Nisienlakhawm, mihai chun anni vawtu tieng chu an ngha chuong si nawh a, sipaihai LALPA chu an zawng chuong bawk nawh.

ISAI 9:17

Chuleiin, LALPA chu an tlang- vâlhai chungah lâwm naw nih a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng sih a. Chuong ang lâwma a thaw khawm chun a lunginsen chu a la bo chuong si nawh a, a kut chu a lân let ta rawp a.

JEREMIA 11:22

chuleiin, LALPA chun hieng hin a tih: “Ngai ta, anni chu ka hrem ding a nih; tlangvâlhai chu kâwlhnâmah thîng an ta, an naupasalhai le an naunuhmeihai chu ṭâmin thîng an tih;

JEREMIA 15:3

Chun, an chunga tlung dingin thil chi li ruot ka ta; LALPA chun a tih: kâwlhnâm chu sukhlum dingin, uihai chu keinawitu dingin, chun, chunglêng vatehai le hnuoia ramsa- hai chu fa zotu ding le suksetu dingin.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 18:21

Chuleiin, an thlahai chu ṭâm kuoma chun pe la, anni chu kâwl- hnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 48:15

Moab chu suksietin a um a, a khawpuihai hlak chu meiin a khuh a, a tlangvâlhai hlak chu that thlâk zo an ni tah a, Laltak, a hming sipaihai LALPA chun a tih.

JEREMIA 49:26

Chuleiin, a tlangvâlhai chu a kawtthlêrahai chun tlûng an ta, chu ni chun indo mihai po po khawm chu sukto ṭawk ṭawk nîng an tih, sipaihai LALPA chun a tih.

JEREMIA 5:3

Aw LALPA, i mit chun thudik chu a hmu a ni naw am a nih? Anni chu i vuok a, amiruokchu, an lungngai nawh a; anni chu i fâk zo a, anachu, sukdikna chu an dangkîr sih a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 6:11

Chuleiin, LALPA lunginsenna chun ka sip a; insûm zing chu ka nghawk a nih; kawtthlêra chun nau- panghai laia chun bunthla la, tlang- vâl inkhâwmhai laia le chun; pasal chu a nuhmei le chun lâk nîng an ta, mi upatak le tartak khawm.

JEREMIA 9:22

LALPA chun hieng hin a tih: Thu chu hril rawh, hmun âwlahai chun mihriem ruonghai chu êkdûr ang chun tlâng an ta, busîk hnunga hmu ṭhel ang chau chun, tukhawma la khâwm naw ni.

HOSEA 11:5

Aigupta rama chun kîr nâwk ta naw ni; Nisienlakhawm, hnungkîr an nuom naw leiin, Assuria chu a lal nîng a tih.

JOEL 2:20

amiruokchu, in kuoma in- thawkin hmârtieng sipai ruol chu sawnhmang dai ka ta, ram ṭâwl le râusannaah infetir ka tih, a hmasa pâwl saktieng tuisuorietah, a nu- hnung pâwl thlangtieng tuisuorietah; hung ṭhuoi suok a ta, rimsetakin hung innam a tih, thil nasatak a thaw ta leiin.

LEVI DÂN 26:16

kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

LEVI DÂN 26:25

In chungah kâwlhnâm inlêngtir ka ta; chu chun thuthlung phuba chu lâng a ta, mâni khaw sûng sengah intawm khâwm in tih; chun, nangni lai hri inlêngtir ka ta, hmêlmahai kutah pêk nîng in tih.

AMOS 4:6

“Chun, kei khawma in khawpui po pohaia ha faina le in hmun po pohaia tlâksamna ka pêk cheu a, chuong sa khawm chun ka kuomah in hung kîr nawh a,” LALPA chun a tih.

AMOS 8:3

Lalpa PATHIEN chun, “Chu nia chun biekin hlahai chu khêk rak rak ni tâng a ta, mithi ruong tam a ta, hmun tinah to zingin peihâwn an tih,” a ta.

HAGGAI 2:17

In kut sinthawnahai po poa chun riel le kumthu le ṭêk tlain ka hrem cheu a, anachu ka kuom tieng in la hung ngha naw rawp el hi,” LALPA chun a tih.

DÂN PAHNINA 28:21

“Hluo dinga in lûtna rama inthawka a sukbohmang vawng hma- khat cheu chun LALPAIN hri inkawltir tlat a ti cheu.

DÂN PAHNINA 28:22

LALPAIN ngawrna dâm, khaw- sik dâm, invûngna dâm, pang satna dâm, kâwlhnâm dâm, ṭâwlna dâm, hmawnna dâmin hrem a ti cheu a, in bohmang hmakhat chun hnawt pei a ti cheu.

DÂN PAHNINA 28:60

In ṭi hle hlak Aigupta ram hrihai dâm kha in chungah inlêng- tir nâwk a ta, hri chun chel tlat a ti cheu a.

DÂN PAHNINA 7:15

Chun, LALPA chun hri po po sukkiengpêk vawng a ti cheu a, in hriet ta hnung Aigupta ram hrihai chu in chungah inlêngtir naw nih a, a theidatuhai po po chungah inlêngtir lem a tih.