AMOS 3:6 - Pathien Lekhabu Inthieng (BSI)

⁶ Khawpuiah mi ṭi lo dingin taw- tawrâwt an mût thei am a nih? LALPA thaw lo chun khawpuia chun sietna a tlung thei ding am a nih?

AMOS 3:6 ပူးပေါင်းရင်းမြစ်များ

INṬANNA 50:20

Nangni chun ka chungah thil suol thaw in lungril a; nisienla- khawm, Pathien chun, vawisûna an um ang ngei hin, mi tamtak dama sanhimna dingin thil ṭhaha in- changtir a lo lungril lem a ni sih a.

2 LALHAI 6:33

Chun, chuonga anni a la biek lai mêk chun ngai ta, a mi tir chu a hung tlung thla tah a; chun, laltak chun, “Ngai ta, hi thil ṭha naw hi, LALPA hung tir a ni hi, LALPA chu iengding- in am la nghâk ta rawp ka tih a?” a ta.

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi LALPA, chuong thilhai po po thaw hlaktu chu ka nih,” tiin.

JEREMIA 10:7

Aw hnamhai Laltak, tuin am ṭi nâwng an ti cheh a? Nang chun i phu hrim sih a, hnamhai laia mi var po po lai le, an lalram sûngahai chun, nang- a ang hrim tukhawm an um nawh.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 4:5

Juda rama chun hrilfie unla, Jerusalema chun phuong ro, “Rama chun tawtawrâwt chu mût unla, khêk inring unla, hieng hin ti ro: Hung inkhâwm tâwl unla, khawpui kul- neiahai chun fêng ei tiu,” tiin.

JEREMIA 5:22

Kei chu in mi ṭi naw maw? LALPA chun a tih; Keia hmaihmaa, kumkhaw thupêk anga a liem thei nawna dinga tuisuoriet khuopnaa phaiphin sietu hmaah in inthin naw ding maw? chutaka tuifâwnhai chu an hang innawk hlaka chu, a liem thei si nawh a; an inrûm hlaka chu an fe khêl thei bawk si nawh.

JEREMIA 6:1

Nangni Benjamin thlahai, Jeru- salem sûnga inthawk chun himna dingin tlânhmang ro; Tekoaa chun tawtawrâwt mût unla, Beth-hake- rema chun inchikna chu khai unla; thil ṭha naw chu, bohmangna le chun, hmâr tienga inthawk chun a hung dâk sih a.

EZEKIEL 33:3

ram chunga chun kâwlhnâm chu a hung tlung phaa a lo hmu chun tawtawrâwt mût sienla, mipuihai chu vaulâwk raw se;

HOSEA 5:8

Gibea khuoa chun tawtawrâwt mût unla, Rama khuoa chun tawtawrâwt mût ro; Beth-avena chun khêk rak rak unla, Aw Benjamin, i hnung tieng kha!

AMOS 3:5

A ta dinga tawktar a um naw chun vate chu hnuoia chânga chun a âwk hlak am a nih? Châng chu ieng- khawm âwk loin hnuoia inthawk chun ân chim hlak am a nih?

ZEPHANIA 1:16

in insâng kilkhâwr takhai chunga le khawpui kul neihai chunga suklâuna le tawtawrâwt mût ni chu a nih.

ZEKARIA 8:10

Khâng nihaia khan chu mi- hriem ta dingin inhlawfâkna a um nawh a, ran ta ding khawma inhlaw- fâkna hrim a um nawh a; hmêlma leiin mi a lût le suok ta ding khawma muongna hrim a um nawh: mi po po mâni tuolbâwmhai kalin ka sie sih a.

THILTHAWHAI 2:23

Nangni ngeiin in hriet ang khan; kha mipa kha Pathien rêl tlat le hriet lâwk angin an inmantir a, nangnîn mi suolhai kutin krawsah in hemdeh a, in sukhlum tah a.

THILTHAWHAI 4:28

i kut le i lungrilin tlung dinga i ruot lâwk taphawt kha thaw dingin.

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.