AMOS 3:5 - Pathien Lekhabu Inthieng (BSI)

⁵ A ta dinga tawktar a um naw chun vate chu hnuoia chânga chun a âwk hlak am a nih? Châng chu ieng- khawm âwk loin hnuoia inthawk chun ân chim hlak am a nih?

AMOS 3:5 ပူးပေါင်းရင်းမြစ်များ

INPÂKNA HLABU 140:5

Mi chapohai chun ka âwkna dingin châng an kam rûk a, hruihruolhai leh; Lampui sîra chun lên an phah a, Ka âwkna dingin chânghai an kam a.

THUHRILTU 9:12

Mihriem chun a hun chu a hrietthiem nawh a; ngahai chu lên ṭiuma mana an um ang le, vatehai chu chânga an âwk angin chuong ang bawk chun, an chunga a hung tlung thut pha chun mihriem nauhai khawm chu hun ṭha nawa chun âwkin an um hlak a nih.

JEREMIA 31:28

Chun, anni chu hmalthla ding le, sukchim ding le, peithla ding le, sukse ding le, sukrinum dinga ka enkai zing ang khan, chuong ang bawk chun, anni chu bâwl ding le phun dingin enkai zing ka tih, LALPA chun a tih.

DANIEL 9:14

Chuleiin, LALPA chun thil ṭha naw chu a hmu zing a, kan chungah a hung intlungtir tah a nih; LALPA kan Pathien chu a sinthaw a thawhai po poa chun a fel a nih, keini ruok chun a râwl chu kan awi nawh a.

AMOS 3:4

Sakeibakneiin ramhnuoia sa a man lai naw chun ân rûm hlak am a nih? Sakeibaknei vânglaiin ieng- khawm a man naw chun a pûka inthawk chun ân rûm hlak am a nih?

AMOS 3:6

Khawpuiah mi ṭi lo dingin taw- tawrâwt an mût thei am a nih? LALPA thaw lo chun khawpuia chun sietna a tlung thei ding am a nih?