AMOS 2:8 - Pathien Lekhabu Inthieng (BSI)

⁸ mâichâm tin bula puon siekham chunga chun an zâl hlak a, an Pathien ina chun mi an inchawitir manhai chun uoin an dâwn hlak a.

AMOS 2:8 ပူးပေါင်းရင်းမြစ်များ

FESUOKNA 22:25

“I kuoma ka mihai pasie tukhawm kuomah tangka în pûktir chun, a chunga chun lei inbattirtu ang i ni ding a ni nawh a; ama chunga chun a pung i hnawt kher ding a ni nawh.

ISAI 57:7

Tlâng insâng inzotak chunga chun i khum chu i sieh a, chutaka bawk chun inthâwina inhlân dingin i fe hlak.

EZEKIEL 18:12

mi tlasam le mi rimsihai lo insuksuoltir tah a, thawluinaa lo sukse tah a, hnina lo ngaisak lo a, milimhai tienga a mithai lo inlên tah a, tirdakumnahai lo thaw tah a,

EZEKIEL 18:7

tukhawm ân suksuoltir nawh a, battu kuoma chun a hnina chu ân hmutir a, thawluinain tukhawm a suksiet nawh a, mi phîngṭâmhai chu bei a lo pêk tah a, saruokhai chu silfên a lo inkhum tah a;

EZEKIEL 23:41

lal khum a hmaa dawkân buot- saia um chunga chun i ṭhung a, chu chunga chun ka riminhnikhai le ka hriek chu i sie kha.

HOSEA 4:8

Ka mihai suolna an fâk a, An khawhlonaa chun an lungril an innghat a;

HOSEA 7:14

An lungril takin an mi ko nawh a, An khum laizâwlah an chierinthluok mei mei a nih; Bu le uoin dingin an inkhâwm a, ka chunga chun an hel sih a.

AMOS 3:14

“Israel bawsietnahai chu ama chunga ka hrem chun, chu nia chun Bethel khuoa mâichâmhai kihai chu tanbawng an ta, hnuoiah tlâng an tih.

AMOS 4:1

Nangni Basan hmun sebâwngpui, Samari tlâng chunga um, rim- sihai nêksâwr a, tlasamhai nêk a, an lalhai kuomah, “Hung la unla, dâwn ei tiu,” tituhai, hi thu hi lo hre ro.

AMOS 6:4

saiha khuma zâl a, an ṭhungpha sei chunghaia inzih a, berâm ruol laia berâmte le sebâwng umna laia sebâwng tuoihai fah a;

AMOS 6:6

berbu liena uoin dâwn a, hriek ṭhataka innâl hlakhai chu; nisienla- khawm, Josefhai rinumna leiin an lungngai nawh.

1 KORINTH 10:21

Lalpa no le khawhri no dâwn kawp thei naw ti niu, Lalpa dawkâna le khawhri dawkâna chu fa kawp thei naw bawk in tih.

1 KORINTH 10:7

Anni laia mi ṭhenkhat milim betu an ni ang khan milim betu ni naw ro, “mipui chu fa le dâwn dingin an ṭhung tâwl a, infiem dingin an tho nâwk a,” ti ziek ang khan.

1 KORINTH 8:10

Nang hrietna nei mi, tûkhawm- in milim biekna ina thlaithlêng awta an hmu si che chun, anni chu mi hrâtnaw lo ni hai sienla an sie le ṭha hrietna chun milim kuoma inthâwina thil fâk a hung ngam ding a ni naw am a nih?

RORELTUHAI 9:27

Chuongchun, lo tieng an feh a, an grêphai chu an lo a, an chîl a, ruoi an ṭheh a, an pathien inah an lût a, an fâkin an dâwn a, Abimelek chu an deusawh a.