AMOS 2:7 - Pathien Lekhabu Inthieng (BSI)

⁷ rimsi lu chunga pilvut phul châk ngawi ngawi le, zainêmhai lampui sukkâwipêk hlakhai chu: chun, mi pakhat chu a pa leh nunghâk pakhat kuoma ka hming sukse dingin an fe hmunkhat hlak a!

AMOS 2:7 ပူးပေါင်းရင်းမြစ်များ

2 SAMUEL 12:14

Amiruokchu, hi i thilthaw hin Pathien hrilsietna remchângtak LALPA hmêlmahai ta dinga i siem leiin naupang nangmaa inthawka pieng chu thi ngei a tih,” a ta.

1 LALHAI 21:4

Chun, Jezreel mi Naboth chun a kuoma chuong ang thu chu a hril lei chun Ahab chu ngûitak le lungâwi nawtakin a inah a lût tah a, “Ka puhai ro pe thei naw ning che,” a ti tlat sih a. Chuongchun, a khuma chun a zâl a, khingtieng a nghah a, bu hrim hrim khawm a fâk nuom ta nawh a.

THUVARHAI 28:21

Mihai thlierbîkna nei hi a ṭha nawh a, Bei hlek lei mei meiin min a bawsiet bawk ding a ni nawh.

ISAI 10:1

Fel nawtaka thu ruottuhai le indik nawtaka ziektuhai chu an chung a rik ie!

ISAI 10:2

Pasiehai chu rorêlna fel inkhêltir ding le ka mihai laia pasiehai hmu thei ding âwm hrim hrim lâkpêk dinga, hmeithaihai chu an râllâk anga an um theina dingin le pa nei nawhai chu an thil lâkpêk anga an siem theina dinga thawtuhai chu.

ISAI 3:14

LALPA chun a mihai upahai chunga le, an mi lienhai chunga chun ro rêl a tih. LALPA Sipaihai LALPA chun, “Nangni rawi hi in nih, grêp huon fa zotuhai chu;

ISAI 3:15

mi rimsihai kuoma inthawka sum lâk chu in inah a nih a um chu; iengtiziea ka mihai chu in namsâwr a, rimsihai hmai chu in râwtnawi am a ni leh?” a ta.

EZEKIEL 22:11

Mi pakhat chun a tuolbâwm nuhmei chunga chun thil tirdakum chu a thawh a; mi dang chun hurtak- in a monu chu a sukpawrche bawk a; mi dang chun i sûngah a pa naunu, a farnu chu ân tlâwm bawk a.

EZEKIEL 36:20

Chun, hnamhai laia an hung chun, an fena tieng tieng ka hming inthieng chu an sukpawrcheh a; chu- taka chun mihai chun, ‘Hienghai hi LALPA mihai chu an na, a rama inthawka suokhai chu an nih,’ an tih a.

HOSEA 4:14

In naunuhmeihaiin nawchi an zawr a, In mohaiin uiret an chîng khawma hrem naw ning, Anni ngei khawm nawchi- zawrhai leh an fe pêt a, Nawchizawrhai leh an inthâwi hmunkhat sih a; Hrethiem lo mipuihai chu tlu sieng an tih.

LEVI DÂN 18:15

I monu saruokna chu i hlîm ding a ni nawh, i naupa nuhmei a na, a saruokna i hlîm ding a ni nawh.

LEVI DÂN 18:21

Molek puola meia pei lût dingin i rîla ra hrim hrim chu i pêk ding a ni nawh a, i Pathien hming chu i suksiet ding a ni bawk nawh: Kei hi LALPA chu ka nih.

LEVI DÂN 18:8

I pa nuhmei saruokna i hlîm ding a ni nawh, i pa saruokna a nih.

LEVI DÂN 20:3

Kei khawmin ka hmun inthieng sukpawrche ding le, ka hming in- thieng sukpawrche dinga a rîla ra Molek a pêk leiin, chu mi chunga chun ka hmai sukthim ka ta, a chi- puihai laia inthawk chu sukbohmang ka tih.

AMOS 4:1

Nangni Basan hmun sebâwngpui, Samari tlâng chunga um, rim- sihai nêksâwr a, tlasamhai nêk a, an lalhai kuomah, “Hung la unla, dâwn ei tiu,” tituhai, hi thu hi lo hre ro.

AMOS 5:11

Chuleiin, mi rimsihai sirdein bu in lâkpêk a, lung intieng inhai in bâwl a, nisienlakhawm, a sûngah chêng naw ti niu; grêp huon inhawihai in siem a, nisienlakhawm, a uoin dâwn naw ti niu.

AMOS 5:12

In bawsietnahai tamzie le, in suolnahai a nasatzie ka hriet sih a; mi felhai suknawmna a, thamna la a, kawtkhâra tlasamhai an chantâwk nghatsantuhai.

AMOS 8:4

Chun, hi hi ngai ta u, nangni tlasamhai fa zo nuom a, ram mi rimsi sukbo nuomhai,

MIKA 2:2

Mi lohai an inhnar a, an lâkpêk a, inhai an inhnar a, an lâk el bawk a; mi le an sûnghai, mi le an ro chenin an hnuoisieh a.

MIKA 2:9

Ka mi nuhmeihai chu an in in- hawitaka inthawkin in hnawt dawk a, an naupangtêhaia inthawkin ka ropuina chu in lâk hmang sawng a nih.

ZEPHANIA 3:3

A sûnga chun a mi ṭhahai chu sakeibaknei inrûm lai ang an na; a rorêltuhai chu zâna sihalhai ang an nih; a zînga chen dingin iengkhawm an hla naw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:24

An ziek ang ngei khan, Pathien hming chu nangni leiin Jentailhai laiah sukpâwiin a um ta a ni hi.

1 KORINTH 5:1

Nangni lai indit a um ti ân thang veng vung a nih, chuong ang indit chu Jentailhai lai hmana um ngai lo, nangni laia mi pakhatin mâni pa nuhmei a nei kha.