AMOS 2:4 - Pathien Lekhabu Inthieng (BSI)

⁴ LALPAIN hieng ang hin a tih, “Juda bawsietna pathum leiin, anih, pali leiin, a hremna sukbo naw ning; LALPA dân chu an pawm nawh a, a thupêkhai chu an vawng nawh a;

AMOS 2:4 ပူးပေါင်းရင်းမြစ်များ

2 LALHAI 17:19

Judahai khawm chun LALPA an Pathien thupêkhai chu an zâwm nawh a, Israelhaiin an pawm thu- ruothai ang chun an um lem a.

2 CHANCHIN SUINA 25:14

Chun, Amazia chu Edom mihai that a hung kîr hnung chun, Seir thlahai pathien chu a hung lâk a, a pathienhai ni dingin a sieh a, an hmaa chun a kûn a, an kuoma chun riminhnikhai a raw tah a.

2 CHANCHIN SUINA 30:7

Nangni chu in thlatuhai Pathien LALPA chunga bawsetu inthlatuhai le in unauhai ang kha chu ni naw unla, chuong lei chun sietnaah anni chu a pêk suok tah a ni kha in hmuh a.

NEHEMIA 1:7

I chungah ṭha lotakin thil kan lo thaw tah a, i siehlaw Mosie kuoma i pêk, thupêkhai, dânhai, rorêlhai chu kan lo zâwm ta si nawh a.

NEHEMIA 9:26

Nisienlakhawm, an hung kâw- mawh a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thawh a.

ISAI 28:15

“Thina kuomah thu kan thlung tah, Seol leh thu kan intiem tah; vuokna tui lien liem chu a luong tlang pha khawm keini chen chun luong naw nih; khêl thu dâm kan inhumhim- na dingin kan hmang a, khêl hnuoi- ah kan inbihmang ta sih a,” in ti leiin;

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut chang- tieng hin khêl a um naw am a nih?’ a ti thei nawna dingin ama chu ân pêttir tah.

JEREMIA 16:11

nang chun an kuomah, ‘In thla- tuhai chun an mi lo nghatsan tah a, LALPA chun a tih: Pathien danghai chu an zui a, a rawng an bâwl a, anni chu chibai an bûk a, kei chu an mi lo mâksan a, ka dân khawm an lo zâwm ta naw lei khan a nih,

JEREMIA 16:12

in thlatuhai nêk hman chun thil suol in thaw lem a, ngai ta u, mi tin el chu mâni lungril ngarna ang peia fein, keia thu chu in ngai ta nawh a;

JEREMIA 17:27

Amiruokchu, châwlni chu in- sera, châwlnia Jerusalem dâi kawt- khârhaia phur phura lût lo dinga ka thu in ngai naw chun, chutaka dâi kawtkhâra chun mei sêm ka ta, Jerusalem in ropuihai chu kâng- hmang a ta, sukmit ni ngai hrim hrim naw ni.

JEREMIA 6:19

Aw leihnuoi, lo hre ta, ngai ta, ka thuhai chu an ngai naw leiin hi hnam chunga hin thil ṭha naw, an ngaituonahai ra ngei chu kân tlungtir ding a nih; ka dân hlak chu an lo hnâwl a.

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

JEREMIA 8:9

Mi varhai chu an inzak a, sukbei- dawngin an um a, ṭhuoi hmangin an um a; en ta u, LALPA thu chu an dit naw chu: annia chun ieng ang varna hrim am a um a na?

JEREMIA 9:14

nisienlakhawm, an lungril ngarna ang pei chu an hraw lem a, Baal hnung chu an zui a, an thlatu- haiin anni an lo inchûktir ta ang khan;

EZEKIEL 13:22

Mi fel lungril ka suklungngai naw chu thukhêla in suklungzîng tâk leiin mi rilo kuthai khawm in lo suk- hrât tah a, a lampui riloa inthawka a kîr nâwk nawna dingin hringna thu in tiem a;

EZEKIEL 20:13

Amiruokchu, Israel sûngkuo chu thlalêra khan ka chungah an hel a, ka thuruotahai chun an fe nawh a, chuong chu miin a thawa a hringna dinghai ka rorêlhai khawm chu an dang kîr a; ka châwlni khawm chu nasatakin an suksiet a, chun, kei chun thlalêra chun anni chu kâng- hmang dingin ka lunginsenna chu an chungah ka bunthlâk ding a nih ka ti tah a.

EZEKIEL 20:16

ka rorêlhai chu an dang kîr a, ka thuruothai chu an hraw nawh a, ka châwlnihai chu an bâwsiet ta leiin; an lungrilhai chun an milimhai chu a zui sih a.

EZEKIEL 20:18

Chun, an thlahai kuomah thla- lêra khan, ‘In thlatuhai thuruothai chu hraw naw unla, an rorêlhai chu pawm bawk naw unla, an milimhai chun nangni le nangni insukpawrche bawk naw ro;

EZEKIEL 20:24

ka rorêlhai chu an phursuok nawh a, ka thuruothai khawm an dangkîr bawk leiin le, ka châwlnihai khawm chu an sukpawrcheh a, an thlatuhai milimhai chu an mit chun a en zing leiin.

EZEKIEL 20:30

Chuleiin, Israel sûngkuohai kuoma chun hril la, Lalpa PATHIEN chun hieng hin a tih: In thlatuhai thaw dân ang bawkin nangni le nangni in insukpawrche ding a ni maw? An tirdakumna chu châkin in zâwm ve ding a ni maw?

EZEKIEL 22:28

Chun, a zâwlneihai chun an kuoma aisân inkhêlhai le, teplohai chu hmuin anni ta ding chun chirhak sukhnâk lo chun an chârkhum a; LALPAIN thu a hril naw sa khawma, Lalpa PATHIEN chun hieng hin a tih, an tih a.

EZEKIEL 22:8

Nang chun ka thil inthienghai chu i hmusit a; ka châwlnihai khawm chu i lo bawsiet tah a.

HOSEA 12:2

LALPA chun Juda chunga khawm hêkna ding a nei bawk a, Jakob chu a um dân angzie peiin hrem a tih; A thilthaw angzie peia thungin.

HOSEA 12:3

Sula khawm khan a unaupa chu a kekhawngah a hung man a, A hung puitling khan Pathien chu a thawh a,

HOSEA 6:11

Ka mihai sal intângnaa inthawka ka ṭhuoi kîr pha chun, Aw Juda, i ta ding khawma ra sîk ding ruot a nih.

AMOS 1:3

LALPAIN hieng ang hin a tih, “Damaska khaw bawsietna pathum leiin, anih, pali leiin, a hremna sukbo naw ning: Gilead ram chu bu râwtna thîrhai chun an râwt leiin;

AMOS 3:2

“Nangni chau hi khawvêla sûng- kuo po po laia ka hriet in na; chuleiin, in khawhlona po poahai chun hrem ka ti cheu.

MIKA 6:12

Chutaka mi hausahai chu pâwngnêknain an sip sih a, chutaka chênghai chun khêl an hril a, an bau sûnga an lei chu mi hlêm hmang a nih.

HABAKKUK 2:18

Milem a kera ker, a siemtuin a iker chun Ieng am ṭhangkaina a nei? Milim a sunga sung le khêlhlip inchûktirtu, Milim ṭawng thei nawhai siem a, A siemtuin ama sinthaw nâk nâk a ringzoa hin, Ṭhangkâina ieng am a um a?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:25

Pathien thutak chu khêla inchangtirin, a siemtu biek nêkin a isiemhai chu bein an rawng an bâwl ta lem sih a. A siemtu chu kumkhuoa inpâk tlâk a nih! Amen.

1 THESSALONIKA 4:8

Chuleiin, a pawisa nawtu chu mihriem pawisa naw a ni nawh a, Pathien, a Thlarau Inthieng pe hlaktu cheu kha pawisa naw a ni lem.

1 PETER 1:18

In thlatuhai ipêk sâwng, in um dân ieng ni barloa inthawk chu, thil se thei, tangka le rângkachaka intlan in ni nawh a,

RORELTUHAI 10:6

Israel mipui chun LALPA mit- hmua thil suol chu an lo thaw nâwk tah a, Baalhai le Astaroth, Suria mi- hai pathienhai, Zidon mihai pathien- hai, Moab mihai pathienhai, Ammon mihai pathienhai, Philistin mihai pathienhai rawng an lo bâwl tah a; chuongchun, LALPA chu an nghat- san a, a rawng an bâwl ta nawh a.