AMOS 1:5 - Pathien Lekhabu Inthieng (BSI)

⁵ Damaska khaw kawtkhâr thîr chu suktliek ka ta, Aven ruoma in- thawka a hluotuhai le Eden ina inthawka lal hmawl chawituhai chu sukbo ka ta; chun, Suria mihai chu Kir ramah salah um an tih,” LALPA- IN a tih.

AMOS 1:5 ပူးပေါင်းရင်းမြစ်များ

2 LALHAI 14:28

Chuongchun, Jeroboam chan- chin danghai, a thilthaw po pohai, a thilthawtheizie dâm, a râl do thu dâm, kha hmaa Juda ram chan ni hlak Damaska le Hamath khuo Israelhai ta dinga a hung lâkpêk nâwk thuhai chu Israel lalhai inlal lai thu ziekna buah a chuong a ni naw am a nih?

2 LALHAI 16:9

Chun, Assuria lal chun a thuhril chu a lo zâwm a; chuongchun, Assuria lal chun Damaska khuo chu a hang thawh a, a lâk a, a mihai chu Kir ramah salah a ṭhuoi a, Rezin chu a that a.

ISAI 22:6

Chuongchun, Elam mihai chun thal bâwm an chawi a, mihriem chuongna tawlailîrhai le sakawr chung chuong mihai leh; Kir mihai chun phaw tuomna chu an sût a.

ISAI 43:14

LALPA, nangni intlantu, Israel- hai Mi Inthieng chun hieng ang hin a tih, “Nangni leiin Babulon khuoa chun sipaihai ka tir a; chuongchun, an rêng chun, Kaldaihai chu, an lâwmna lawngpuiahai chun mi tlân hmang ṭhuoiin ṭhuoi thlâng ka tih.

ISAI 8:4

Naupang chun, ‘Nu, Pa,’ ti na- châng a hriet hma khawmin Damas- ka hausaknahai le Samaria inthawka râllâk sumhai chu Assuria lal hmaah an fe hmangpui ding a ni sih a,” a ta.

JEREMIA 50:36

Chapohai chunga chun kâwl- hnâm chu a um a, invêtpui an ta, kâwlhnâm chu a mi thilthawtheihai chungah a um a, beidawng an tih.

JEREMIA 51:30

Babulon mi thilthawtheihai chun indo chu an ṭhul a, an kulahai chun an um zing a; an thilthawtheina khawm a thlâwn a, nuhmeihai ang el an ni tah a; a chêngna hmunhai chu meia rawin a um a, ân huonna thîr- hai khawm chu sukthliekin a um tah a.

ṬAP HLA 2:9

A dâi kawtkhârhai chu hnuoiah an tlumhmang a; a kalna thîrhai chu a suktliekin a suksiet tah a; A lal le hotuhai chu dân um nawnaa hnamhai laia chun an um a; Anih, a zâwlneihai khawma LALPAA inthawka thilhmulâwk an hmu ta nawh.

EZEKIEL 27:23

Haran le, Kanne le Eden, Seba sumdâwngtuhai chu, Assur le Kilmad leh i sumdâwngtuhai an nih.

EZEKIEL 30:17

Aven le Pi-beseth tlangvâlhai chu kâwlhnâmin tlûng an ta, chun, hieng khawpuihai hi sala ṭhuoiin um an tih.

HOSEA 10:8

Israel suolna Aven hmun insânghai khawm chu suksiet nîng a tih, An mâichâmahai chun hling le hlohlingnei hung ṭo a tih. Tlâng kuoma chun, “Mîn khum rawh,” tîng an ta; Muol kuoma chun, “Mi del rawh,” tîng an tih.

AMOS 5:5

nisienlakhawm, Bethel khuo chu zawng naw unla, Gilgala chun lût naw bawk unla. Beer-seba khuoah kai bawk naw ro; Gilgal khuo chu matheiloin sala manin a um ding a ni sih a; Bethel khuo chu teplo hung nîng a tih.”

AMOS 9:7

LALPA chun, “Aw Israel nauhai, ka chungah Ethiopia nauhai angin in um naw am a nih? Aigupta rama inthawka Israel le Kaphtor rama inthawk Philistin mihai le Kir rama inthawka Suria mihai ka ṭhuoi suok nâwm a nih?

NAHUM 3:13

Ngai ta, i sûnga i mipuihai chu nuhmei an na, i hmêlmahai ta dingin i ram kawtkhâr chu ân hawng huoi a, în kalna thîr tluonhai chu meiin a kâng hmang a nih.