2 TIMOTHE 4:2 - Pathien Lekhabu Inthieng (BSI)

² Thu chu hril rawh, a huna khawm, a hun nawa dâm khawm thaw pei rawh; dawtheitaka inchûk- tir peiin an thiem nawna inhriettir la, infui la, kâwk rawh.

2 TIMOTHE 4:2 ပူးပေါင်းရင်းမြစ်များ

INPÂKNA HLABU 40:9

Inkhâwmna ropuitaka chun felna chanchin ṭha ka khêkpui a, Aw LALPA, ngai ta, Ka bau hi inro naw ning ti i hriet deh.

JONA 3:2

“Tho la, Ninevi khuo, khaw ropuitaka chun fe la, thu hril ding ka tuk che hi va tlânginsampui rawh,” tiin.

LUKA 7:23

Chun, tûkhawm ka chunga lungninawna hmu naw chu an hamṭha,” a ta, a dawn a.

LUKA 7:4

Chun, anni chu Isu kuom an va tlung a, ṭhahnemngaitakin an ngên a, “Ama hi, i thawpêk tlâk a nih:

LUKA 9:60

Isu ruok chun a kuomah, “Mithiin anni mithi chu vui raw se; nang chun Pathien ram thu va hril dar lem rawh,” a ta.

THILTHAWHAI 13:5

Chun, Salamis khuoa an um laiin, Juda inkhâwmna inahai Pathien thu an hril hlak; Johan khawm kha an rawng bâwl dingin an ṭhuoi veh a.

THILTHAWHAI 16:13

Chun, Châwlniin kul kawtkhâr puo tienga vadung panga, ṭawng- ṭaina hmun ni dinga kan ringa chun kan feh a; chun, kan ṭhunga nuhmei hung khâwmhai kuoma chun thu kan hril a.

THILTHAWHAI 20:7

Chun, ni saria ni hmasataka chun, bei khawi dinga kan um khâwm laiin, Paulain a zînga fe a tum leiin ṭhahnemngaitakin thu a hril a; zân ril chenin thu a hril pei a.

THILTHAWHAI 28:16

Chun, Roma kan lût chun, Paula chu a vêngtu sipai kuomah a khât chaua um an phal a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:15

Tir an ni naw chun iengtin am thu hril an ta? “Thil ṭha chanchin lâwmum intluntuhai ke chu a va mawi de!” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:12

beiseina kawnga chun, lâwm unla; rinum tuor kawnga chun tuor- sel unla, ṭawngṭaina kawnga chun ṭawngṭai fan fan ro.

GALATI 6:6

Chun, thu inchûktir dawngtu chun, thilṭha po po inchûktirtu kuomah pe ve raw se.

KOLOSSA 1:25

Pathien thu hril kim dinga enkawlna sin Pathienin in ta dinga a mi pêk ang peiin chuonghai rawng- bâwltua siem ka nih.

KOLOSSA 4:3

Khuopa ka umna san, Krista thurûk chu hril dinga Pathienin thu ta dinga kawt a mi hawngpêk theina dingin, kei ngei khawm mi ṭawngṭai pêk ro;

1 THESSALONIKA 1:6

Chun, thu chu rinum tuor pumin Thlarau Inthienga lâwmin in lo pawm a, keini le Lalpa inchûktuhai in lo nih.

1 THESSALONIKA 5:14

Chun, unauhai, kan ngên cheu, dân ang nawa umhai chu kâwk unla, lungril chînhai chu infui unla, a hrât nawhai chu ṭhangpui unla, mi po po chungah dâwthei takin um ro.

1 THESSALONIKA 5:20

Thu hrilhai hmusit naw ro;

1 TIMOTHE 4:13

Ka hung hmakhat chu tiem dâm, thu hril dâm, inchûktir dâm thaw rawh.

1 TIMOTHE 5:20

Thil suksuoltuhai chu mi po po hmaah kâwk rawh; mi dang khawma an ṭi ve theina dingin.

2 TIMOTHE 2:21

Chuleiin, miin chuong thilhaia inthawk ân siekieng chun, bêl in- thieng, Lalpa hmang tlâk, sin thaw ṭha tinrênga in zosa, ngaihlut ding mi nîng a tih.

2 TIMOTHE 2:25

ama do dinga insiemhai chu thuhnuoirawl takin ân chûktir lem ding a nih; chuongchun, sima thutak an hung hriet theina dingin Pathienin hun remchâng a pêk el thei a nih;

2 TIMOTHE 3:10

Nang ruok chun ka închûktirna dâm, ka um dân dâm, ka thiltum dâm, ka ringna dâm, ka dawtheina dâm, ka hmangaina dâm, ka selna dâm i hriet hle kha;

TITA 1:13

Chu thu inhriettir chu ân dik a nih. Chuleiin, ringnaa chun an indik theina dingin natakin kâwk rawh.

TITA 2:15

Thuneitakin, chuonghai chu hril la, kâwk rawh. Tûkhawmin hmu- sit naw raw hai se che.

HEBRAIHAI 13:22

Nisienlakhawm, unauhai, ka ngên cheu, infuina thu hi ngai thei hrâm ro; in kuomah thu tlâwmtê ka ziek sih a.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.