2 TIMOTHE 3:16 - Pathien Lekhabu Inthieng (BSI)

¹⁶ Pathien Lekha Thu tinrêng hi Pathien inthuok khuma pêk a nih a; inchûktir kawnga dâm, thiemnaw inchangtir kawnga dâm, kâwk kawnga dâm, felna inchûktir kawnga dâm a ṭhahnem bawk a nih;

2 TIMOTHE 3:16 ပူးပေါင်းရင်းမြစ်များ

2 SAMUEL 23:2

LALPA thlarau chun keima mi hmangin a hril a, A thu chu ka leiah a um a.

NEHEMIA 9:20

Anni inchûktir dingin i thlarau ṭhatak chu i pêk bawk a, i manna chu an baua a lût i phal naw nawh a, an dangchâr sukrêna dingin tui i pêk a.

INPÂKNA HLABU 119:11

I chunga thil ka suksuol nawna dingin, I thu chu ka lungrilah kân khâwl khâwm a.

INPÂKNA HLABU 119:130

I thu hrilfie hin mihai a sukvar a, Mi mâwlhai chu ân hrietthiem- tir hlak.

INPÂKNA HLABU 119:9

Tleirâwlin iengtin am a um dân sukthieng thei a ta? I thu ang peia a um dân chu vêngṭhain,

THUVARHAI 15:10

Lampui mâksantu ta ding chun sukdikna lungngaiumtak a um hlak, Kâwkna theidatu chu thi ngei a tih.

THUVARHAI 15:31

Hringna sukdikna ngaithlâkna neitu chu, Mi var lai chun chêng a tih.

THUVARHAI 6:23

Thupêk chu khâwnvar a na, inchûktirna chu var a ni sih a; Inchûktirna thununnahai chu hringna lampui a nih;

MIKA 2:7

Aw Jakob sûnghai, LALPA thla- rau chu hnâwdein a um am a nih? Hieng hi a thilthaw am a ni ti a ni dîm a nih? Indiktaka umhai chunga chun ka thu hin thil ṭha a thaw naw am a nih?

ZEPHANIA 3:2

Ama chun râwl chu a pawisa nawh a, sukdikna chu a pawm nawh a, LALPA khawm chu a ring nawh a; a Pathien khawm chu a hung hnai bawk nawh a.

MATTHAI 13:52

Chun, ama chun an kuomah, “Chuong a ni chun Dân inchûktirtu vân ram lampui inchûktira um taphawt chu, in neitu, a ro bâwma inthawka thil tharhai le, thil hluihai phawr dawk hlaktu ang chu a nih,” a ta.

MATTHAI 21:42

Isu chun an kuomah, “Pathien lekhaa, ‘In bâwltuhai lung dit naw kha, Chu ngei chu a kia lung ṭhangkai tak a hung ni tah. Chu chu Lalpa thaw a na, Ei mithmua hin a mak a nih,’ ti hi in tiem ngai naw am a nih?

MATTHAI 22:43

Ama chun an kuomah, “Ieng- tiziein am David chun Thlarauin ‘Lalpa’ tiin,

MATTHAI 26:54

Nisienlakhawm, ngên ang lang, iengtin am Pathien Lekha Thu-hieng anga hung um ding thu hi-tlung thei a ti leh?” a ta.

MATTHAI 26:56

Nisienlakhawm, zâwlnei lekha thuhai a tlung theina dingin hieng po po hi a hung tlung tah a ni hi,” a ta. Chu lai chun, inchûktirhai po po chun ama an thlathlam a, an tlân hmang ta vawng a.

MARKA 12:24

Isûn an kuomah, “Hi lei hin a nih in ngai suol rawp hlak, Pathien Lekha Thu le Pathien thil thaw theizie in hriet naw leiin.

MARKA 12:36

David ngeiin, Thlarau Inthieng- in, ‘Lalpa chun ka Lalpa kuomah, Ka changtieng ṭhung rawh, I hmêlmahai i kepha hnuoia ka sie hmakhat chu,’ a tih a,

JOHAN 10:35

Pathien thu tlungnahai hman pathienhai an ti chun, (Pathien Lekha thu bân thei a ni si nawh a)

JOHAN 3:20

Tûkhawm thil suksuol taphawt chun var an theida hlak, vara khawm an hung nawh, chuong naw chun, an thilthawhai inlang a tih.

THILTHAWHAI 1:16

“Unauhai, Thlarau Inthiengin, David baua, Isu mantuhai ṭhuoitu Juda thu a hrillâwk kha, kha Pathien Lekha Thu kha hung tlung ding a ni hrim a nih.

THILTHAWHAI 18:25

Ama chu Lalpa Lam thu in- chûktir tah a na, lungrila ṭhahnem- ngaitak a ni leiin Isu chanchin nguntakin a hril a, ân chuktir hlak a, Johan baptisma thu chau a hriet sih a.

THILTHAWHAI 20:20

Khâng khan a sâwt ding thil chu in kuomah iengkhawm hril intîm ka nei nawh a, vantlâng lai dâm inchûktir ka ma naw kha.

THILTHAWHAI 20:27

Pathien rêl po po arêngin in kuoma hril kân tîm nawh a.

THILTHAWHAI 28:25

An inngei ta nawh a, Paulain thu baukhat a hril zoin an suok tah a. A thu hril chu hi hi a nih: — “Thlarau Inthiengin zâwlnei Isai bauin in thlatuhai kuoma a hril kha ân dik ngawt el,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:4

Pathien Lekha thua tuorselna le lungmuongna hmua beiseina ei nei theina dingin, inhmaa ziekhai ta- phawt chu eini inchûktirna dinga ziek an ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:20

invêthai sukvartu le nautêhai inchûktirtu niin în ring a, Dâna chun varna le thutak um dân i nei leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:2

Kawng tinrêngah a sâwt hle. Pathien thuhai an kuomah inkawl- tira a um lei a ni tak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:23

Chuongchun, a ringna chu a felnaa ngai a ni ti ama ta ding chaua ziek a ni nawh a,

1 KORINTH 12:7

Chun, ṭhathnempui tlâng seng dingin Thlarau inhriettirna chu mi tin kuomah pêk seng a nih.

GALATI 3:8

Pathien Lekha thu chun, Pathienin ringna leiin Jentailhai thiem ân changtir ding a nih ti hre lâwkin, “Nangmaa chun hnam tin malsâwmpêkin um an tih,” tiin Abraham kuomah Chanchin Ṭha chu a hril lâwk kha.

DÂN PAHNINA 29:29

Thil inthuphai chu LALPA ei Pathien ta a na, thil suklanghai ruok chu hi dân thu po po hi ei zâwm theina dingin eini le ei thlahai ta kumkhuo ding a nih.

DÂN PAHNINA 4:36

Ân chûktir theina ding cheuin vâna inthawkin a râwl a hung inhriettir cheu a, hnuoi chunga hin a meipui chu ân hmutir cheu a, meia inthawkin a thu chu in lo hriet a.

2 TIMOTHE 2:25

ama do dinga insiemhai chu thuhnuoirawl takin ân chûktir lem ding a nih; chuongchun, sima thutak an hung hriet theina dingin Pathienin hun remchâng a pêk el thei a nih;

2 TIMOTHE 4:2

Thu chu hril rawh, a huna khawm, a hun nawa dâm khawm thaw pei rawh; dawtheitaka inchûk- tir peiin an thiem nawna inhriettir la, infui la, kâwk rawh.

HEBRAIHAI 11:1

Chun, ringna hi thil beiseihai um ngeia hrietna, thil hmu lohai hrietchiengna a nih.

HEBRAIHAI 3:7

Chuongchun, Thlarau Inthieng hril ang bawkin:— “Vawisûn hin a râwl in hriet chun,

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.