2 TIMOTHE 3:12 - Pathien Lekhabu Inthieng (BSI)

¹² Anih, tûkhawm Krista Isua Pathien ngaisaka um tum taphawt chun suknawmnatnahai tuor bawk an tih.

2 TIMOTHE 3:12 ပူးပေါင်းရင်းမြစ်များ

MATTHAI 16:24

Chun, Isûn a închûktirhai kuomah, “Tukhawmin mi zui a nuom chun, mâni inhnâwlin, a kraws putin, mi zui raw se.

MATTHAI 23:34

“Ngai ta u, chuleichun, in kuomah zâwlneihai, mi varhai, inchûktirtuhai, ka hung tir ding a nih; ṭhenkhat sukhlum in ta, krawsah hemdêng in tih, ṭhenkhat inkhâwmna inhaiah savun hruiin vuong in ta, khaw tinah suknawmna zui pei in tih.

MARKA 10:30

hi dam sûng ngei khawm hin, inhai, unaupahai, farnuhai, nuhai, nauhai, ramhai dâm a lêt zain, suknawmnatnahai leh, hmu naw ding tukhawm an um nawh, hun la hung tlung dinga chatuona hringna leh.

JOHAN 16:2

Inkhâwmna inahai inhnawngtir an ti cheu a, anih, tûkhawm a sukhlum dinghai po cheuin Pathien chungah thilṭha thawin inhrieng an tih, chuong ang hun chu a tlung ding a nih.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuong- takin um ro, keiin khawvêl ka hne tah,” a ta.

JOHAN 17:14

I thu an kuomah ka pêk tah; chun, khawvêlin anni chu an theidah a, khawvêla mi an ni naw leiin, kei khawvêla mi ka ni naw ang bawkin.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

1 KORINTH 15:19

Tulai dam sûng chaua Krista chunga beiseina nei ei ni chun mi po poa lungsietumtak lo nîng ei tih.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni loin, Pathien lungin- sietna lemin, khawvêla hin kan châng kha, nangni tiengah kan châng ṭha nâwk zuol a.

2 KORINTH 4:9

Suknawmnatin kan um a, nisien- lakhawm, mâksanin kan um si nawh; vuok thlûkin kan um a; nisienla- khawm, sukbohmangin kan um si nawh.

1 TIMOTHE 2:2

lalhai le thuneituhai po po ta ding khawmin; Pathien ngaisak le inzaumtaka inrema thlamuonga ei khawsak theina dingin.

1 TIMOTHE 3:16

Chun, Pathien ngaisakna thu- rûk chu sêl ruol loin a ropui a nih: “Ama, tisaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

1 TIMOTHE 6:3

Mi tûkhawmin inchûktirna dang ân chûktir a, thutak (Ei Lalpa Isu Krista thu) le, Pathien ngaisakna inchûktirna tieng a awi naw chun,

TITA 1:1

Paula Pathien suok, Pathien ithlanghai ringna kawnga le, Pathien ngaisak tieng thutak hrietna kawnga Isu Krista tirko bawk chun:

TITA 2:12

Pathien ngaisak nawna le, khawvêl châknahai bânsanin, tulai khawvêla hin insûm le feltak le Pathien ngaisakin ei um ding a nih ti mîn chûktirin,

JOSUA 17:14

Josef thlahai chun Josua kuom- ah, “Iengtiziea rohluo ding chanpuol pakhat le chan khat chau i mi pêk bîk am a na, LALPA hlakin mal a mi sâwm nasa a, kan tam hle sih a?” tiin an hril a.

1 PETER 3:14

Nisienlakhawm, felna leia lo tuor ta dâm in ni chun, hamṭhâng in tih. An ṭitumna chu ṭi naw unla, lunginzîng bawk naw ro.

2 PETER 3:11

Chuong thilhai chu chuong anga bohmang vawng ding a nih ti in hriet leiin um dân inthieng le Pathien ngaisak kawnga chun mi ieng ang am in ni ding a na?

THUPUONGSUO 12:4

A mei chun vân arasi hmun thuma ṭhea hmun khat chu a kei a, hnuoiah a peithlâk tah a. Chun, a nei phaa a nau chu a lem theina dingin drakon chu nuhmei nau nei ding hmaa chun a ngîr zing a.

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hieng hi rinum nasataka inthawka suokhai kha an nih, an puonhai Berâmte thisena sâwpin an sukvâr tah a.