2 TIMOTHE 2:24 - Pathien Lekhabu Inthieng (BSI)

²⁴ Lalpa suok chun do ding a ni si nawh a, mi po po chungah zaidamin, inchûktir thiemin, suol chungah dâwtheiin,

2 TIMOTHE 2:24 ပူးပေါင်းရင်းမြစ်များ

2 CHANCHIN SUINA 24:6

Chun, lal chun thiempu laltak Jehoiada chu a ko a, a kuomah, “Thuthlungna puon ina dingin, Israel mipuihai le LALPA siehlaw Mosie ruot leiman chu Jerusalem le Juda rama inthawka hung la dingin ieng dinga Levi mihai hi i tir naw am a na?

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a âng- sûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

DANIEL 6:20

Daniel kuomah, sakeibakneihai pûk kâwl chu a hung tlung hnai chun, ṭap râwlin a khêk a; lal chun Daniel kuoma chun, “Aw Daniel, Pathien hring siehlawpa, i Pathien a rawng i bâwl zing zing hlak chun sakeibak- neihaia inthawkin a sansuok thei che am a nih?” a ta.

MATTHAI 12:19

Sêl naw nih a, khêk bawk naw nih a; Kawtthlêrhaia khawm tukhawmin a râwl hre bawk naw ni hai.

JOHAN 6:52

Chuongchun, Judahai an insêl a, “Hi mipa hin iengtin am a taksa fâk dingin mi pe thei a ta?” an ta.

THILTHAWHAI 15:2

Chuongchun, Paula le Barnaba chu anni le chun insêl namêna an insêl nawa an inkhing tlat leiin, Paula le Barnaba chu, anni laia tuhai amani leh, chu thubuoi chunga chun, Jerusalema tirkohai le upahai kuoma hang fe dingin an ruot a.

THILTHAWHAI 23:9

Chuongchun, nasatakin an buoi tah a; Pharisai tienga mi Dân inchûktirtu ṭhenkhat an ngîr a, an sêl a, “Hi mipa hi a suolna iengkhawm kan hriet nawh ie; thlarau khawmin, vântirko khawmin ama hi be sienla ieng am pawi a ta?” an ta.

THILTHAWHAI 7:26

Chun, a zîngah anni laia mi pahni an insuol laiin an kuom a hung tlung a, ‘Puhai, unau in nih annâwm; iengdinga indiknawtakin in inthaw am?’ tiin anni rem a tum a.

2 KORINTH 10:1

Chun, kei Paula, nangni laia in mithmua thuhnuoirawltaka um a, nangni laia umnaw phingleh nangni tieng zuom si hlak ngei hin, Krista zaidamna le nunnêmnain ka ngên cheu.

2 KORINTH 10:4

(keini râldo inthuomna chu tisaah a ni si nawh a, kulpui dettak- hai ṭhiekna dinga Pathien zâra thil thaw thei tak a ni lem),

2 KORINTH 6:4

Pathien rawngbâwltuhai angin iengkimah mi mit tlungin kan um lem hlak, nasataka selnaa dâm; hnawchêpnaa dâm,

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

EPHESI 4:2

inngaitlâwmna le thuhnuoirawl- na po po neia, hmangainaa indâwtuo puma dâwtheina neia,

DÂN PAHNINA 34:5

Chuongchun, LALPA siehlaw Mosie chu LALPA thu angin Moab rama chun a thi tah a.

PHILIPPI 2:14

Chierna le insêlnahai um loin iengkim thaw ro,

PHILIPPI 2:3

Esêlna le inngaihlut leia ieng- khawm thaw loin, mi tinin inngai- tlâwmtakin mâni nêkin mi dang ṭha lemah ngai seng raw hai se.

KOLOSSA 3:13

Tûkhawmin tu chunga khawm thupawi nei ang unla, indaw tuoin, inngaidam tuo unla, Lalpa chun a ngaidam ang tak cheu khan ngaidam ve ro.

1 THESSALONIKA 2:7

Krista tirkohai kan nina leiin inkhâwkpuium kan lo ni el thei de khawmin. Nu nau pawmin ama nau- hai a duot angin, nangni laiah zaidamtakin kan um lem kha.

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, daw- theina dâm, thuhnuoirawlna dâm hnawt pei rawh.

TITA 1:1

Paula Pathien suok, Pathien ithlanghai ringna kawnga le, Pathien ngaisak tieng thutak hrietna kawnga Isu Krista tirko bawk chun:

TITA 1:7

Kohran hotu chu Pathien sum enkawltu a ni leiin sawisêlbo a ni ding a nih; mi kâwmaw, lunginrawm, uoin inrui hmang, mi vaw hmang, hlêpna inthieng nawa mi duâm a ni ding a ni nawh.

TITA 1:9

Inchûktirna indik tak kawnga chun mi ân fui theina ding le, sêltuhai chu thiemnaw ân changtir theina dingin inchûktirna ang pei thu ringum chu pawm tlat mi a ni bawk ding a nih.

TITA 3:2

tûkhawm hrilsiet naw ding dâm, kâwmaw insuo naw ding dâm, mi po po kuomah thuhnuoirawlna tinrêng suklanga nuninnêm ding dâmin anni inhriet suotir nâwk rawh.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei nawh a, a vervêk naw a nih.

JAKOB 4:2

In châk a, in nei si nawh a, tuol in that a, in inhnar a, in nei thei si nawh a; in insêl a, in indo a; in hni naw leiin in nei nawh a;

JOSUA 1:1

LALPA siehlaw Mosie chu a thi hnung chun, Mosie rawngbâwltu Nun naupa Josua kuoma chun LALPAIN,

1 PETER 3:8

A tâwp taka chun, in rêngin lung- ril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoi- rawlin um ro.

JUDA 1:3

Dittakhai, ei ichang tlâng san- damna thu in kuoma ziek ka tum hrâm laiin, mi inthienghai kuoma ringna ṭum khata inkawltira um ta chu hum dinga ṭhahnemngai taka thaw dinga infui ding cheuin, in kuomah lekha ziek a ṭul ti ka lo hriet a.