2 TIMOTHE 2:19 - Pathien Lekhabu Inthieng (BSI)

¹⁹ Nisienlakhawm, Pathien lung- phûm nghet chu a la ngîr zing a, hi inchikna hi a nei a, “Lalpa chun ama tahai chu a hriet,” ti le, “Lalpa hming lam taphawt chun suol fe san raw se,” ti hi.

2 TIMOTHE 2:19 ပူးပေါင်းရင်းမြစ်များ

JOB LEKHABU (THE BOOK OF JOB) 28:28

Chun, mihriem kuoma chun, ‘Ngai ta, Lalpa ṭi chu, varna a nih; Suola inthawka fe hmang chu hrietthiemna a ni bawk a,’ a ta,” tiin

INPÂKNA HLABU 1:6

Lalpa chun mi felhai lampui chu a hriet sih a, Mi rilohai lampui ruok chu bohmang a tih.

INPÂKNA HLABU 112:6

Iengtika khawm ân hnîng âwm si nawh a, Mi fel chu kumkhuoa hriet zingin um a tih.

INPÂKNA HLABU 34:14

Suol chu fe san la, thil ṭha thaw rawh; Inremna zawng la, a hnawtin hnawt rawh.

INPÂKNA HLABU 37:18

LALPA chun mi ṭha famkim nihai chu a hriet a, An rohluo ding chu kumkhuoa um zing ding a nih.

INPÂKNA HLABU 97:10

Aw LALPA hmangaituhai, suol chu theida ro, Ama chun a mi inthienghai hringna chu a vawng ṭha hlak a; Anni chu mi rilohai kuta inthawkin a sanhim hlak.

THUVARHAI 10:25

Thlivir chu a fe hmang el hlak angin, mi khawhlo chu a um ta nawh a, Nisienlakhawm, mi fel chu kumkhaw lungphûm ang a nih.

THUVARHAI 3:7

Nanga mithaia ringawt chun var naw la, LALPA chu ṭi la, rîtlona chu mâksan rawh.

ISAI 14:32

Philistin hnam palaihai chu iengtin am dawn ei ta le? “LALPAIN Zion chu ân ngîr a, a mihai laia rimsihai chu amaa chun tlulût an tih,” tiin nîng a tih.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lung- phûm dingin ka rem hi; ama ringtu chu inhmaw naw nih.

ISAI 63:19

An chunga ro i rêl ngai nawna, i hming put ngailohai ang chu kan hung ni ta hi.

ISAI 65:15

Chun, in hming chu ṭawng inkhâmna dingin ka mi thlanghai kuoma chun mâksan in ta, Lalpa PATHIEN chun sukhlum a ti cheu a, chun, a siehlawhai chu hming dangin ko tâng a tih;

EZEKIEL 9:4

Chun, LALPA chun a kuoma chun, “Khawpui laia chun, Jerusalem laia chun fe suok la, chu sûnga tirdak- umnahai thawa um tahai po po leia khêk a, thuokdawnghai mi chuonghai bâwkhaia chun inchikna sie rawh,” a tih a.

NAHUM 1:7

LALPA chu a ṭha a, lunginzîng nia chun kul nghet a nih, amaa an ringna innghattuhai chu a hriet.

HAGGAI 2:23

‘Chu nia chun, Aw Zerubbabel ka siehlaw, Sealtiel naupa, chel ka ti che,’ sipaihai LALPA chun a tih; ‘nang hi inchikna namna angin siem ka ti che,’ LALPA chun a tih; ‘nang hi ka lo thlang ta si cheh a,’ sipaihai LALPA chun a tih” tiin.

ZEKARIA 3:9

En ta u, Josua hmaa chun lung pakhat sîr sari nei ka sie a; ngai ta u, chutaka chun thil ziek ker ka ta, sipaihai LALPA chun a tih, chun, ni khat sûngin chu ram suolna chu sawn hmang ka tih.

NAMBAR 16:5

Kora le a pâwlhai po po kuoma chun, “Zingah zîngkâr LALPAIN a tahai le ân thienghai chu suklangin ama va hnai dingin hung tîng a ta, a thlanghai ngei chu ama va hnai dingin tîng a tih.

NAMBAR 6:27

Chuongchun, Israel thlahai chunga chun ka hming chu inchuong- tir nîng a ta, chun, keiin anni chu malsâwm ka tih,” tiin.

MATTHAI 24:24

Krista tehlêm le zâwlnei te- hlêmhai an hung suok ding a ni sih a; thei hai sien la chu, thlanghai rau khawm an hlêm theina dingin inchik- na le thilmak ropuitakhai thâwng an tih.

MATTHAI 28:19

“Chuongchun, fe unla, hnam tina mi inchûktir dâmin siem unla, Pa le, Naupa le, Thlarau Inthieng hming chun baptist unla;

MATTHAI 7:23

Chu pha chun, ‘Nangni thil suol thawhai, ka hriet ngai naw cheu, ka kuoma inthawkin fe hmang ro,’ tiin la hril ka tih.

MATTHAI 7:25

Ruo dâm a hung sûr a, tui dâm a hung lien a, thli dâm a hung hrâng a, chu in chu a hung nam sawk sawk a; nisienlakhawm, a chim nawh a; lungpui chunga rem tlat a ni leiin.

MARKA 12:16

Chuongchun, an hung lâk a. Ama chun an kuomah, “Hi hi tu lim le tu hming am a na?” a ta. Anni chun, “Kaisar,” an ta.

MARKA 13:22

Krista tehlêm le zâwlnei te- hlêmhai an hung suok ding a ni sih a; chuonghai chun inchikna le thilmak tak tak thâwng an tih, thei hai sienla, thlanghai rau khawm an hlêm theina dingin.

LUKA 13:27

Chun, ama chun, ‘Ka hril cheu hi, khâwtienga mi am in ni ka hriet nawh; nangni thil suol thaw po pohai, mi fe hmang san vawng ro,’ la tîng a tih.

LUKA 6:48

In bâwltu, inthûktaka choa, lungpui chunga lungphûm remtu ang chu an nih. Chun, tui a hung lienin tui hrâtin chu in chu a khawh a, a sukhnîng thei nawh a, a bâwl ngun leiin.

JOHAN 10:14

Kei chu berâm vêngtu ṭha ka nih; ka ta chu ka hriet a, ka ta khawmin an mi hriet a nih,

JOHAN 13:18

In rênga thu ka hril nawh; ka ithlang hai chu ka hriet, nisienlakhawm, chu chu, ‘Ka bei fatu chun, A kekhawng chu ka chungah ân let tah,’ ti Pathien Lekha Thu kha a hung tlung theina dingin a nih.

JOHAN 3:33

A thu inhriettir awi chun, ‘Pathien chu mi indiktak a nih,’ tiin a hming namin a ziek.

THILTHAWHAI 11:26

Chun, kum khat zet kohranhai inkhâwmnaa chun an ṭhang ve hlak a, mi tamtak an inchûktir hlak a. Antiokeia chun a nih inchûktirhai chu “Kristien” an ti hmasa tak chu.

THILTHAWHAI 15:17

Mi dang, Jentailhai po po ka hming mîn ṭawmpuihai chun, Lalpa an zawngna dingin Chu bâwktê chu tungding ka tih, tiin,

THILTHAWHAI 9:14

Hitaka khawm i hming lam taphawt chu khuop dingin thiempu lalhaia inthawkin thu a hmu zing annâwm,” a ta, a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:2

Pathienin mi a ihriet lâwkhai chu a pei thlâk nawh. Pathien Lekha Thu chun Elija, thu a hril hi in hriet naw am a nih? Ama chun Israelhai chungthu Pathien kuomah ân tlun a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:9

Hmangaina chu vervêkna ṭhang loin ni raw se. Suol tieng chu theida unla, ṭha tieng chu pawm tlat ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:20

mi dang lungphûm chunga rem ka ni nawna dingin, Chanchin Ṭha chu Krista hming lama a umna ta hmuna chun hril loin,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:9

lunginsietna leia Jentailhaiin Pathien an chawimawi theina dingin; “Chuleiin, Jentailhai lai chun, Inpâk ka ti cheh a, I hming chawimawina dingin Hla sak ka tih,” tia ziek ang khan,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:28

Chun, Pathien hmangaituhai amain a ruot anga a kohai ta ding chun, an ṭhatna dingin iengkimin a thawpêk hlak ti ei hriet a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:11

naute chu an la suok hmaa, a sie le aṭha an la hriet hmain thil thaw lei ni loin,

1 KORINTH 1:2

Korintha Pathien kohran umhai, Krista Isua sukthieng, mi inthieng ni dinga kohai kuomah, ram tina ei Lalpa (anni le eini Lalpa) Isu Krista hming lamtuhai po po kuoma leh.

1 KORINTH 8:3

amiruokchu, mi tûkhawmin Pathien a hmangai chun, chu ngei chu ama ihriet a nih.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insuk- fai ei tiu, Pathien ṭi puma inthieng- na sukfamkimin.

GALATI 4:9

Tuta Pathien in hung hriet hnung hin chu — ti nêk hmanin, Pathien mi hriet in hung ni hnung hin chu, ti ding a ni lem — khawvêl A AW B derdêp le teplo mei mei, a suoka um nâwk in inhâwkhai tienga chun, iengtiziea nghakîr nâwk am in na?

EPHESI 2:20

Isu Krista ngei chu a kia lung pawimawtak niin, tirkohai le zâwlneihai lungphûm chunga bâwl in nih.

EPHESI 3:15

(Pa hnuoi le vâna sûngkuo tinrêng hming chawina chu);

EPHESI 4:30

Chun, Pathien Thlarau In- thieng chu suklungngai naw ro, in- tlanna nia dingin amaa chun inchika in um kha.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

1 TIMOTHE 6:19

hringna, hringna taktak chu an vawng theina dingin, hun hung tlung dinga ding chun lungphûm ṭhatak an ta dinga lo rem dingin infui rawh.

HEBRAIHAI 11:10

khuo, lungphûmhai nei mi, Pathien ibâwl le siem chu a nghâk zing leiin.

2 PETER 3:14

Chuleiin, dittakhai, chuong ang thilhai chu in beisei leiin, in- thiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni sih a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.

THUPUONGSUO 17:8

Sahrâng i hmu kha a um ta zet a, a um nâwk ta nawh a; chun, vânsama inthawkin hung suok a ta, bo- hmangnaah fêng a tih. Chun, hnuoia umhai, leihnuoi insieng tîra Hringna Bua hming ziek nawhai chun, sahrâng chu an hmu phâleh, a um ta zeta, a um nâwk ta nawh a, a hung nâwk ding chu mak la tîng an tih.

THUPUONGSUO 2:13

I umna Setan ṭhungpha umna kha ka hriet; chun, ka hming i kawl tlat a, ka thu hretu Antipa, Setan umnaa nangni laia an ithat, ka mi ringumtak um lai ngei khawm khan i mi ringna hi în phat san naw bawk a.

THUPUONGSUO 21:14

Chun, chu khaw kul chun lung- phûm sâwm le pahni a nei a, chuonga chun Berâmte tirko sâwm le pahnihai hming a chuong a.

THUPUONGSUO 22:4

a hmêl hmûng an ta, a hming chu an bâwkah chuong bawk a tih.

THUPUONGSUO 3:8

I thilthawziehai ka hriet. Ngai ta, tûkhawm ikhâr thei naw kawt- khâr hawng sa i hmaah kân umtir, thilthawtheina tlâwmtê i nei leiin: chu chu sa khawm chun ka thu i pawm a, ka hming khawm în phat naw kha.