2 TIMOTHE 1:3 - Pathien Lekhabu Inthieng (BSI)

³ A mi thlatuhai chena sie le ṭha hrietna inthiengtak neia a rawng ka ibâwl hlak Pathien kuoma chun lâwmthu ka hril a nih; a sûn a zâna ka ṭawngṭainahaia chun ka hrietpui zing hlak che a,

2 TIMOTHE 1:3 ပူးပေါင်းရင်းမြစ်များ

LUKA 2:37

Kum sâwmriet pali zet hmei- thaiin a um a. Ama chun Pathien biekin fesan loin asûn azâna bu nghei dâma ṭawngṭaiin Pathien a biek hlak a.

THILTHAWHAI 22:3

chun, ama chun, “Juda mi ka nih, Kiliki ram Tarsa khuoa pieng ka nih; nisienlakhawm, hi khuoa hin Gamaliel ke bula inchûka inṭhang lien ka nih, ei thlatuhai Dân khermeitak chu inchûka um hlak ka nih, vawisûna nangni ang tak hin, Pathien ta dinga ṭhahnem bawk hlak ka nih.

THILTHAWHAI 23:1

Chun, Paula chun rorêltuhai chu a en zing a, “Unauhai, vawisûn chen hin Pathien mithmua ṭha tienga ka hriet taphawt chu thawin ka um hlak,” a ta.

THILTHAWHAI 24:14

Nisienlakhawm, hi thu hi i kuomah inphuong ka tih, ‘Chi hran,’ an ti, Lam dân angin ei thlatuhai Pathien ka biek hlak, Dân le zâwl- neihai lekhabua ziek po po ringin.

THILTHAWHAI 24:16

Chuleichun, Pathien kuom tienga le mihriem tienga khawm lungril suol naw mawl hi vawn tlat ka tum hlak.

THILTHAWHAI 26:4

A tîra, ka naupang laia inthawk ka chihai lai le Jerusalema ka um dân kha Judahai po poin an hriet a.

THILTHAWHAI 27:23

A ta ka na, a rawng ka bâwl hlak Pathien kha, ama vântirko pakhat vawizân hin ka kâwlah a hung ngîr a, ka kuomah,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:1

Kristaa chun thu taktak ka hril a nih, khêl ka hril nawh, Thlarau Inthieng zâra chun,a ka sie le ṭha hrietna khawmin a mi hrietpui a,

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni loin, Pathien lungin- sietna lemin, khawvêla hin kan châng kha, nangni tiengah kan châng ṭha nâwk zuol a.

GALATI 1:14

chun, ka thlatuhai thurosie chunga ṭhahnem ka ngai nasa bîk leiin, Judahai sakhaw biek dân kawnga chun ka chihai laia ka ruolpui tamtakhai ka lekhêl tah a.

EPHESI 1:16

ka ṭawngṭainaahai chun in hming lamin nangni leia lâwmthu hril ka ma nawh;

1 THESSALONIKA 3:10

In hmêl kan hmu theina ding le, in ringna tienga in tlâksamna kan phuhrûk pêk theina ding cheuin a sûn a zânin nasatakin kan ṭawngṭai zing a nih.

1 TIMOTHE 1:19

ringna le sie le ṭha hrietna inthiengtak pawm tlatin. Mi ṭhen- khathaiin chuong chu pei thlain, ringna kawnga chun lawngkawi angin an kawi se tah a.

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

1 TIMOTHE 5:5

Hmeithai taktak mâkhât chaua um chun Pathien chungah beiseina a nei tlat a, a sûn a zânin hni le ṭawng- ṭaiin a um rawp hlak.

2 TIMOTHE 1:5

Ringna tak tak nangmaa um chu ka hriet zing sih a, chu ringna chu a tîrin i pi Loisiah a um a, i nu Eunikiah a um bawk a, nangmaa khawm a um ti indiktakin ka hriet.

2 TIMOTHE 3:15

Krista Isua ringna um lei chun sandamna hmu khawpa sukvar thei che Lekha Inthienghai chu i naupang laia inthawka hre tah i ni kha.

HEBRAIHAI 13:8

Isu Krista chu zâni leh, vawisûn leh kumkhuo khawmin a pângngaiin um rawp a tih.

1 SAMUEL 12:23

Chu chau khawm chu a ni nawh a, in ta dinga ṭawngṭai mah a, LALPA chunga suol chu keia ta ding khawma a âwm naw tawp a nih; lampui ṭha le lampui indik khîkhmu pei lem ka ti cheu.