2 TIMOTHE 1:18 - Pathien Lekhabu Inthieng (BSI)

¹⁸ (Chu nia chun Lalpa kuomah zângaina hmu dingin Lalpa chun ruot raw se) Ephesia rawng a bâwl nasat zie kha i hriet ta bawk a nih.

2 TIMOTHE 1:18 ပူးပေါင်းရင်းမြစ်များ

1 LALHAI 17:20

Chun, LALPA chu a ko a, “Aw LALPA ka Pathien, ka umna hmei- thainu chunga hin a naupa hi suk- hlumpêkin thil ṭha naw khawm i hung intlungtir a ni maw?” a ta.

LUKA 1:72

Ei thlâtuhai kuoma a ngilneina suklang a lo tiem thu le, A thuthlung inthieng hre zing dingin,

LUKA 1:78

Ei Pathien lunginsietna leiin, Chungtienga inthawkin nisa suokin mi hung sir a ta,

LUKA 8:3

Herod sum enkawltu Chuza nu- hmei Joanna hai, Susanna hai, mi dang tamtak leh an nih; chuonghai chun mâni neiin an rawng an bâwlpêk a.

THILTHAWHAI 18:19

Chun, Ephesi chu an tlung a, chutaka chun anni chu a mâksan tah a; ama ruok chu inkhâwmna inah a lût a, Judahai kuomah ṭhahnem- ngaitakin thu a hril hrih a.

THILTHAWHAI 18:21

“Pathienin a phal chun, in kuomah la hung nâwk ka tih,” tiin ṭawngbauṭhain a ṭheh a; Ephesia inthawk chu lawngin a fe tah a.

THILTHAWHAI 19:1

Chun, Paula chu khaw sak biel a fang suok zet a, Apollo Korintha a um kâr khan Ephesi chu a tlung a, inchûktir tuhai amanih a hmuh a;

1 KORINTH 1:8

Ama chun ei Lalpa Isu Krista niah sawisêlboa in um theina dingin a tâwp chenin sukdet bawk a ti cheu.

1 KORINTH 16:8

Nisienlakhawm, Pentikost chen Ephesia hin châm zing ka tih,

1 KORINTH 3:13

ni chun a suklang ding a ni sih a, meiin ân lâr ding a ni leiin, mei ngei chun mi tin sinthaw chu ieng ang am a ni fie tâng a tih.

2 KORINTH 9:1

Mi inthienghai rawngbâwl thu chu in kuoma ka ziek a ngai nawh ie,

EPHESI 2:4

Nisienlakhawm, Pathien chun lunginsietna a hauin, a mi hmangai- na nasatak lei khan,

1 THESSALONIKA 2:19

Kan beiseina amanih, kan hlimna amanih, kan lallukhum suong amani chu ieng am a na? A hung phaleh ei Lalpa Isu hmaa chun nangni ngei in ni ding a ni naw am a nih?

1 TIMOTHE 1:3

Makedonia rama ka fe ding laia Ephesia um zing dinga ka ngên che ang khan, mi ṭhenkhathai chu inchûktirna danglam hrim inchûktir lo dinga i kâwk theina ding le,

2 TIMOTHE 1:12

Chu lei chun a nih hieng thilhai khawm hi ka tuor chu, nisienla- khawm, kân zak nawh, ka iâwi chu ka hriet a, a kuoma ka înkawltir chu chû nia ding chun a vawng ṭha thei ti indiktakin ka hriet bawk a.

2 TIMOTHE 1:16

Lalpa chun Onesiphora sûnghai kuomah zângaina pe raw se; ama chun a mi sukhar rawp a, ka khaidiet bun khawm a mîn zâpui si nawh a.

2 TIMOTHE 1:17

Roma a um lai khan nguntakin a mi zawng suok ta lem a nih.

2 TIMOTHE 4:12

Tukik chu Ephesiah ka tir tah a.

2 TIMOTHE 4:8

Tuhin chu felna lallukhum chu ka ta dingin siein a um tah a, chu chu Lalpa, ngaituotu feltak chun chu nia chun mi pêng a tih; ka kuoma chau ni loin, a hung inlang nâwkna ngaituhai po kuoma khawm.

HEBRAIHAI 6:10

In sin thaw le a hming leia hmangaina in inlangtir, mi inthieng- hai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si nawh a.

1 PETER 1:10

Lunginsietna, nangni ta ding ngei lo hrillâwktu zâwlneihai chun, hi sandamna hi zawngin an lo sui ngun hlak a;

THUPUONGSUO 2:1

“Ephesia kohran tirko kuoma chun hieng hin ziek rawh: “ ‘A kut changtienga arasi pasari chawia, rângkachak khâwnvar siena pasari laia inlawn inlawn khan, hieng thu hi a hril a nih: