2 SAMUEL 7:27 - Pathien Lekhabu Inthieng (BSI)

²⁷ Aw Sipaihai LALPA, Israel Pathien, i siehlaw kuomah, ‘Sûngkuo chu inngîrpêk ka ti che,’ tiin i phuong ta sih a, chuleiin, i siehlaw hin hi ṭawngṭaina hi i kuomah ân tlun ngam a nih.

2 SAMUEL 7:27 ပူးပေါင်းရင်းမြစ်များ

2 SAMUEL 7:11

ka mi Israelhai chunga rorêl- tuhai ka ruot lai ang kha ni bawk ta naw nih; chun, i hmêlmahai po poa inthawk hin inchâwltir ka ti che. Chun, chu naw hrima khawm, LALPAIN, LALPA chun sûngkuo indinpêk a ti che ti a hril a nih.

2 SAMUEL 7:13

Ama chun ka hming dingin in bâwl a ta; chun, a ram lalṭhungpha chu kumkhuoa dingin suknghet ka tih.

1 LALHAI 11:38

Chun, thu ka pêk ang taphawt che i pawm a, ka lampuihai i hrawh a, ka siehlaw David anga ka thuruothai le ka thupêkhai zâwm dinga ka mithmua thilṭha i thaw chun i kuom- ah um pei ka ta, David kân ngîrpêk ang khan sûngkuo nghettak inngîr- pêk ka ti che a, Israelhai hi pêng ka ti che.

INPÂKNA HLABU 10:17

LALPA, zainêmhai dit zâwng chu ngaipêk i ta; An lungril chu buotsai i ta, i na chu inngaitir bawk i tih:

INPÂKNA HLABU 40:6

Inthâwina le thilinhlân chunga hin lâwmna hrim i nei nawh a: Ka nahai hi i mi sukvarpêk tah a; Pumrawhmanga thilinhlân le suol ta dinga thilinhlân chu i phût nawh.

FESUOKNA 1:21

Naudawmtuhai chun Pathien an ṭi leiin Pathienin sûngkuoahai a siem tah a.

RUTH 4:4

Chuleiin, hi thu hi hril cheha i kuomah, ‘Hitaka ṭhunghai mithmua le ka mihai upahai mithmua hin inchaw rawh. În tlan nuom chun intlan la, în tlan naw ding chun mi hril rawh, ka hriet theina dingin, nang naw chu a hang intlan ding âwm tu dang khawm an um si nawh a; chun, nanga dawta chun kei ka nih,’ tiha inhriettir che ṭûlin ka hriet a,” a tih a. Ama chun, “Intlan ka tih,” a tih a.

1 SAMUEL 2:35

Chun, thiempu ringumtak ka ta dingin indin ṭha nâwk ka ta, ama chun chu ka lungril le ka lung tuok- zâwngin thâwng a tih. Chun, sûng- kuo dettakah inngîr ka ta, kum- khuoin ka hriek nâl hmaa chun um a tih.

1 SAMUEL 9:15

Chun, Saula hung hma ni khata chun LALPA chun Samuel chu a lo hril rûk a,