2 SAMUEL 7:24 - Pathien Lekhabu Inthieng (BSI)

²⁴ Chuongchun, i mi Israelhai chu chatuona i mihai an ni theina dingin i ta dingin i suknghet tah a; chun, LALPA, nang chu an Pathien i hung ni tah a.

2 SAMUEL 7:24 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kum- khaw ro dingin ka pêk ding cheu a nih; chun kei hi an Pathien nîng ka tih,” a tih a.

2 SAMUEL 7:23

Aigupta rama inthawk le hnam tin le an pathienhaia inthawka i ta dinga în tlansuok, i mihai hmaa i ta dinga thil ropuitak le i ram ta dinga thil ṭiumtak thaw ding le ama hming ropuitak siem dinga Pathienin ama mihai ni dinga a hung intlansuok i mi Israelhai ang hrim hrim hi khawvêla hin hnam dang tu am an um a?

2 SAMUEL 7:25

Chuongchun, Aw LALPA Pa- thien, i siehlaw chungchâng thu le a sûnghai chungchâng thu i hril chu chatuona dingin suknghet la, i hril ta ang khan thaw rawh.

1 CHANCHIN SUINA 17:22

I mi Israelhai chu nangin i mi- hai ngei ni kumkhuo dingin i siem a; nang LALPA chu an Pathien i ni sih a.

INPÂKNA HLABU 48:14

Hi Pathien hi kumkhawtluonga ei Pathien a ni ding a ni sih a, Thi chen khawma a mi ṭhuoitu ning a tih.

FESUOKNA 15:2

LALPA chu ka hrâtna le ka hla a nih, Ka sandamna khawm a hung ni tah; Hi hi ka Pathien a na, ama chu inpâk ka tih: Ka thlatu Pathien a na, ama chu chawimawi ka tih.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rik- phurna hnuoia inthawka la suoktu cheu, in Pathien LALPA ka nih ti hre tâng in tih.

ISAI 12:2

Ngai ta, Pathien chu ka san- damna a na, ring ka ta, ṭiin um naw ning ah; LALPA Jehova chu ka hrâtna le ka hla a ni sih a; a mi sandamtu a lo ni ta bawk a,” tiin.

JEREMIA 31:1

LALPA chun, “Chu pha chun Israel pahnam po pohai Pa- thien chu nîng ka ta, anni chu ka mihai nîng an tih,” a tih.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, LALPA chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

JEREMIA 32:38

anni chu ka mihai nîng an ta, kei khawm an Pathien nîng ka tih;

HOSEA 1:10

Nisienlakhawm, Israel nauhai chu tuisuorieta phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni ang- in fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘LALPA chu ka Pathien a nih,’ mi tîng an tih,” a ta.

JOHAN 1:12

Nisienlakhawm, ama lâwm taphawt chu, an kuomah Pathien nauhai ni theina ding a pêk, a hming ringtuhai chu.

DÂN PAHNINA 26:18

chun, vawisûn hin a tiem ta cheu ang khan, a thupêkhai po po chu in zâwm a, ama chanpuol bîk ni ding le

DÂN PAHNINA 27:9

Chun, Mosie le thiempu Levi mihai chun Israel mi po pohai chu an biek a, “Aw Israel mihai, ngun- takin lo ngai ta u, vawisûn hin LALPA in Pathien mihai in hung ni tah a.

DÂN PAHNINA 32:6

Aw mi invêt le var nawhai, Chuong ang chun maw LALPA chu in thung ding chu? Ama chu ân dintu che i pa, Siemtu che le inngîr dettu che ni lo am a nih?

1 PETER 2:10

Inhma khan mi hrim in ni nawh a, tuhin chu Pathien mi in ni tah a; inhma khan zângaina in hmu nawh a, tuhin chu zângaina in hmu tah a.