2 SAMUEL 7:1 - Pathien Lekhabu Inthieng (BSI)

¹ Chun, lal chu a inah a um a, LALPAIN an vêla a hmêlmahai po poa inthawka râlmuonga ân umtir hnung chun,

2 SAMUEL 7:1 ပူးပေါင်းရင်းမြစ်များ

2 SAMUEL 5:11

Chun, Tura lal Hiram chun David kuomah mi a tir a, sidar thinghai a thawn a, themthiemhai le lung suttuhai a tir bawk a, David ta ding chun in an bâwlpêk a.

2 SAMUEL 6:23

Chuongchun, Saula naunu Mikal chun a thi chenin nau a nei ta nawh a.

2 SAMUEL 7:11

ka mi Israelhai chunga rorêl- tuhai ka ruot lai ang kha ni bawk ta naw nih; chun, i hmêlmahai po poa inthawk hin inchâwltir ka ti che. Chun, chu naw hrima khawm, LALPAIN, LALPA chun sûngkuo indinpêk a ti che ti a hril a nih.

1 LALHAI 5:4

Tu ruok hin chu LALPA ka Pathien chun kil tinah muongna a mîn neitir tah a, hmêlmahai khawm an um ta naw bawk a.

1 CHANCHIN SUINA 22:6

Chun, a naupa Solomon chu a ko a; Israelhai Pathien, LALPA ta dinga in bâwl dingin thu a pêk tah a.

1 CHANCHIN SUINA 22:7

David chun Solomon kuomah, “Ka naupa, keia ta ding chun ka Pathien LALPA hming ta dinga in bâwl chu ka lungrilah a um a.

1 CHANCHIN SUINA 28:2

Chun, lal David chu a kein a ngîr a, “Ka unauhai, ka mihai, lo ngai ta u; keia ngaia chun LALPA thuthlungna bâwm châwlna ding in le, Pathien ke innghatna ding hmun bâwlpêk chu ka lungrilah a um a; chuongchun, a in bâwlna ding khawm chu ka siem zo hieu tah a.

2 CHANCHIN SUINA 14:6

Juda rama chun khawpui kul neihai chu a bâwl a, LALPAIN ama chu châwlna a pêk leiin, ram chu a re ṭawk ṭawk a, chuong kumahai chun indona a nei si nawh a.

2 CHANCHIN SUINA 20:30

Chuongchun, Jehosaphat ram huop sûng chu a re ṭawk ṭawk a; a Pathien chun a vêl po poa chun râl- muongna a pêk sih a.

INPÂKNA HLABU 132:5

LALPA hmun ding ka zawng suok hmakhat chun, Jakob Mi Hrât umna ding chu,” tiin.

INPÂKNA HLABU 18:1

Aw LALPA ka hrâtna, ka hmangai che.

THUVARHAI 16:7

Mi a um dânin LALPA a suklawm chun, A hmêlmahai ngei khawm ama le inrem dingin a siem.

MATTHAI 25:16

Chun, talent nga dawngtu chu chuonghai chun a va sumdâwng nghâl tah a, talent nga dang a sukdawk tah a.

THILTHAWHAI 7:46

Chu David chu Pathien mithmuin ditsak tlâkin a um a, Jakob Pathien ta dinga umna ding siempêk a hnih a.

JOSUA 21:44

Chun, LALPAIN an thlatuhai kuoma inkhâma a lo tiem ta ang ngei khan hmun tinah muongna a pêk a, an hmêlmahai po po chu tukhawm an hmaa ṭhang thei an um nawh a;

JOSUA 23:1

Kum ieng zât lai amanih ân vawi a, Israelhai chu an kâwl- vêla hmêlma po pohaia inthawk muongna LALPÂN a pêk hnung chun, Josua khawm chu a hung upa tah a, a hung tar ta hle el a.