2 SAMUEL 6:19 - Pathien Lekhabu Inthieng (BSI)

¹⁹ Chun, mipui po po, Israel mi pumpuihai chu a nuhmei a pasalin mi tin el chu bei hlawm khat le sa tlin khat le grêp ra emṭâwl bâwr khat a sem seng a. Chuongchun, mi po po chu mâni in tieng an fe ta seng a.

2 SAMUEL 6:19 ပူးပေါင်းရင်းမြစ်များ

2 SAMUEL 6:18

Chun, Davidin pumrawhmang thilinhlân le inremna thil inhlânhai ân hlân zo chun, sipaihai LALPA hmingin mipuihai chu mal a sâwm a.

2 SAMUEL 6:20

Chuongchun, David chu a sûnghai malsâwm dingin a fe tah a. Chun, Saula naunu Mikal chu David tuok ding chun a hung suok a, “Vawisûna Israel lal chu a va ropui de! Mi hotak inzakna châng hre lo, ruoka um ang elin vawisûn khan a siehlaw nunghâkhai mithmuah ruok- in a um kha teh!” a lo tih a.

1 LALHAI 8:66

A ni riet ni chun mipuihai chu ân ṭintir a; chun, lal chu mal an sâwm a, chuongchun, LALPAIN a siehlaw David le a mi Israelhai chunga a ṭhatna chuong zozai ân langtir lei chun lungril hlim le lâwmtakin an in tieng an fe tâwl tah a.

1 CHANCHIN SUINA 16:3

Chun, Israel mihai mi tin el chu a nuhmei a pasalin, bei tlang le sa tlin le grêp ra ṭâwl a pêk seng a.

1 CHANCHIN SUINA 16:43

Chun, mi po po chu mâni in seng- ah an ṭîn tah a; David khawm chu a in- sûng chu mal sâwm dingin a ṭîn tah a.

2 CHANCHIN SUINA 30:24

Juda ram lal Hezekia chun mipui inkhâwmhai chu inhlân dingin bâwngchal sâng khat le, berâm sâng sari a pêk a; chun, hotuhai chun mipuihai chu bâwngchal sâng khat le berâm sîng khat an pêk bawk a, thiempu tam tawk tak el chu an insukthieng bawk a.

2 CHANCHIN SUINA 7:10

Chuongchun, thla sarinaa ni sâwmhni pathum ni chun mipuihai chu an puon in tienghai chun, a mi Israelhai chunga le Solomon chunga le David chunga LALPAIN ṭhatna a lo inentirna lei chun lungrila lâwmtak le thafântak chun a tir kîr tah a.

NEHEMIA 8:10

Chuongchun, ama chun an kuomah, “Fe unla, a thâu thâu fa unla, a thlum thlum dâwn unla, ieng- khawm buotsai nei lohai ta dingin chanpuol inphur unla, vawisûn ni hi ei LALPA ta dinga ni inthieng a ni hi; lungngaiin um naw ro, LALPA chunga lâwmna chu in hrâtna a ni sih a,” a ta.

HLAHAI HLA 2:5

Grêp ra ṭâwl bâwrhai le chun mîn umtir la Apple chun mi sukhlim rawh. Hmangainain ka na sih a.

EZEKIEL 45:17

Chun, ruoiṭhenahaia le, thla tharhaia le, châwlnihaia le, Israel sûngkuo ruoiṭhena hunbi neihaia chun, pumrawhmang thilinhlânhai, bu thilinhlânhai, dâwnmi thilinhlân- hai inhlân chu lal chan chu ni ve thung a tih; Israel sûngkuo ta dinga intlanna siemna dingin, suol thilin- hlânhai, bu thilinhlânhai, pumraw- hmang thilinhlânhai, inremna thilin- hlânhai chu a buotsai ding a nih.

HOSEA 3:1

Chun, LALPA chun ka kuomah, “Fe nâwk ta la, nuhmei, mi dang- in an idit lai, uirenu chu va hmangai rawh, Israel thlahai chu pathien dang tieng nghain grêp bei thlum chu ngaina hai sien khawm LALPAIN a hmangai zing ang bawk hin,” a tih a.

THILTHAWHAI 20:35

Iengkim ka thaw taphawt ka thawhmu hlak cheu kha, chuonga sininrim pum le, Lalpa Isu thu hre zing pumin mi hrâtnawhai in ṭhang- pui ding a nih; ama ngeiin, ‘Iengkhat lâk nêkin pêkin lukhâwng a nei lem’, a ti kha,” a ta.

EPHESI 4:8

Chuleichun, “Chung tienga a hang fe lai khan, Sal intânghai chu a ṭhuoi a; Mihriemhai kuoma khawm, Thilpêkhai a pêk a,” a ti chu.

JOSUA 22:6

Chuongchun, Josua chun anni chu mal a sâwm a, ân fetir tah a; chuongchun, an puon inhai tieng chun an fe tah a.