2 SAMUEL 6:18 - Pathien Lekhabu Inthieng (BSI)

¹⁸ Chun, Davidin pumrawhmang thilinhlân le inremna thil inhlânhai ân hlân zo chun, sipaihai LALPA hmingin mipuihai chu mal a sâwm a.

2 SAMUEL 6:18 ပူးပေါင်းရင်းမြစ်များ

INṬANNA 14:19

Chun, ama chun Abram chu mal a sâwm a, “Abram chu hnuoi le vân neitu, Pathien Chunghnungtak mal- sâwmin um sien;

2 SAMUEL 6:19

Chun, mipui po po, Israel mi pumpuihai chu a nuhmei a pasalin mi tin el chu bei hlawm khat le sa tlin khat le grêp ra emṭâwl bâwr khat a sem seng a. Chuongchun, mi po po chu mâni in tieng an fe ta seng a.

1 LALHAI 8:14

Chun, lal chu a hnungtieng chun a nghah a, Israel hung pung- khâwmhai po po chu mal a sâwm a, chuongchun, Israelhai pungkhâwm- hai po po chu an ngîr ṭhuop a.

1 LALHAI 8:15

Chun, ama chun, “LALPA Israelhai Pathien, ka pa David kuom- a ama bau ngei a,

1 LALHAI 8:55

Chun, a ngîr a, râwl inringtakin Israel mi pungkhâwmhai po po chu mal a sâwmpêk a:

1 CHANCHIN SUINA 16:2

Chun, David chun pumraw- hmang thilinhlân le inremna thilin- hlân chu ân hlân hnung chun, LALPA hmingin mipuihai chu mal a sâwm tah a.

2 CHANCHIN SUINA 30:27

Chun, thiempuhai, Levi mihai chu an tho a, mipuihai chu mal an sâwmpêk a; an râwlhai chu hrietin a um a, an ṭawngṭainahai chu a umna inthieng vâna chun a hang tlung a.

2 CHANCHIN SUINA 31:8

Chun, Hezekia le hotuhai chu an hung a, thil siekhâwmhai chu an hmu chun LALPA le a mi Israelhai chu an inpâk a.

2 CHANCHIN SUINA 6:3

Chun, lal chu a ngha kîr a, Israel inkhâwmhai po po chu mal a sâwm a; Israel mipuihai po po chu an ngîr ṭhup a.

INPÂKNA HLABU 129:8

“LALPA malsâwmna in chungah um raw se, LALPA hmingin mal kan sâwm cheu hi,” A fe khêltuhaiin an ti ngai bawk nawh.

FESUOKNA 39:43

Mosie chun an sinthawhai po po chu a en a, LALPAIN thu a pêk ang tak chun an thaw zo tah ti a hmuh a; chuong ang tak chun an thaw zo tah a; chun, Mosiein anni chu mal a sâwm tah a.

THILTHAWHAI 3:26

Pathienin a Siehlaw chu a ruot a, in suolhai innghatsantir seng cheua mal sâwmpêk ding cheuin, nangni kuomah a hung tir hmasa tak a ni hi,” a ta.

JOSUA 22:6

Chuongchun, Josua chun anni chu mal a sâwm a, ân fetir tah a; chuongchun, an puon inhai tieng chun an fe tah a.