2 SAMUEL 6:16 - Pathien Lekhabu Inthieng (BSI)

¹⁶ Chun, LALPA bâwm chu David khuoa a lût lai chun Saula naunu Mikal chun tukvera inthawk hin a lo thlîr a; LALPA hmaa David lâm le inchâwm chu a zuk hmuh a, a hmusit lungril tah a.

2 SAMUEL 6:16 ပူးပေါင်းရင်းမြစ်များ

2 SAMUEL 3:14

Chun, David chun Saula naupa Is-boseth kuoma chun, “Philistin mihai ser vun za khata kân châwk ka nuhmei Mikal chu mi hung pe rawh,” tiin mihai a tir a.

2 SAMUEL 5:7

Nisienlakhawm, David chun Zion kul chu a lâk a, chu chu David khuo chu a nih.

2 SAMUEL 6:15

Chuongchun, David le Israel mi po pohai chun khêk dur dur pum le tawtawrâwt mût ruoi ruoi pumin LALPA bâwm chu an lâk tah a.

2 SAMUEL 6:20

Chuongchun, David chu a sûnghai malsâwm dingin a fe tah a. Chun, Saula naunu Mikal chu David tuok ding chun a hung suok a, “Vawisûna Israel lal chu a va ropui de! Mi hotak inzakna châng hre lo, ruoka um ang elin vawisûn khan a siehlaw nunghâkhai mithmuah ruok- in a um kha teh!” a lo tih a.

1 CHANCHIN SUINA 15:29

Chun, LALPA thuthlungna bâwm chu David khawpui chu a hung tlung chun, Saula naunu Mikal chu tukvera hin a hei dâk a, lal David chu thil sut a, lâmin a hei hmu tah a; chuongchun, a lungril chun a hmusit hle tah a.

INPÂKNA HLABU 123:3

Aw LALPA, mi lunginsiet rawh, mi lunginsiet rawh, Hmusitna kan tuor nasa taluo tah.

INPÂKNA HLABU 69:7

Nangma leia hrilsiet ka tuor leiin. Inzaknain ka hmai ân khum zo tah.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

THILTHAWHAI 2:13

Ṭhenkhatin an nuisan a, “Uoin thar an inrui a ni hi,” an ta.

1 KORINTH 2:14

Khawvêl mi chun Pathien Thlarau thil chu a lâwm ngai nawh, ama ngaia chun invêtthlâk a ni sih a; Thlaraua hriet chieng a ni leiin a hriet thei naw hrim a nih.

1 SAMUEL 18:17

Chun, Saula chun David kuom- ah, “Ngai ta, ka naunuhmei upa lem Merab hi nuhmeiah inneitir ka ti che, huoitakin mi ṭan phawt el la. LALPA indonahai chu do rawh,” a ta. Saula chun, “Kei chun chu a chunga hin kutthlâk loin, Philistin mihaiin thlâk lem raw se,” a ti a nih.

1 SAMUEL 18:20

Chun, Saula naunu Mikal chun David chu a hmangai a, Saula chu an hril a, chu chun a suklâwm a.