2 SAMUEL 6:14 - Pathien Lekhabu Inthieng (BSI)

¹⁴ Chun, David chu a theitâwpin LALPA hmaah a lâm a, David chun puonzaiinhmi thiempu zakawsîng a hâk a.

2 SAMUEL 6:14 ပူးပေါင်းရင်းမြစ်များ

2 SAMUEL 6:15

Chuongchun, David le Israel mi po pohai chun khêk dur dur pum le tawtawrâwt mût ruoi ruoi pumin LALPA bâwm chu an lâk tah a.

2 SAMUEL 6:20

Chuongchun, David chu a sûnghai malsâwm dingin a fe tah a. Chun, Saula naunu Mikal chu David tuok ding chun a hung suok a, “Vawisûna Israel lal chu a va ropui de! Mi hotak inzakna châng hre lo, ruoka um ang elin vawisûn khan a siehlaw nunghâkhai mithmuah ruok- in a um kha teh!” a lo tih a.

1 CHANCHIN SUINA 15:27

David chu puon zai inhmi puonin ân thuom a, Levi mihai po po bâwm zâwntuhai le, hlasaktuhai le, hlasaktuhai hotu Kenania hai le chun chuong ang bawkin an inthuom a; David chun zakawsîng puon zai inhmi chu a hâk bawk a.

INPÂKNA HLABU 149:3

A hming chu lâmin inpâk hai sienla, Khuongtê le ṭingṭang leh ama inpâkin hla sak raw hai se.

INPÂKNA HLABU 150:4

Khuongtê le lâmin ama chu inpâk unla, Ṭingṭang chi tum tum le theihlein ama chu inpâk ro.

INPÂKNA HLABU 30:11

Ka mithi ngaina chu ka ta ding- in lâmnaah în changtir a, Ka saiip puon chu i mi hlîppêk a, ka kâwngah hlimnain i mi khit tah a:

INPÂKNA HLABU 87:7

Hlasaktuhaiin, lâmhai le chun, “Ka tuihnâr po po chu nangmaah a nih a um chu,” tîng an tih.

FESUOKNA 15:20

Chun zâwlneinu Miriam, Aron farnu chun khuongtê a lâk a, nuhmei po po chun khuongtêhai le lâmin an zui a.

FESUOKNA 15:21

Miriam chun, “Ropuitaka a hne ta leiin LALPA kuoma chun hla sak ro; Sakawr le a chunga chuong chu tuipuiah a pei lût a,” tiin a dawn a.

FESUOKNA 19:6

Chun, ka ta dingin thiempuhai ram le hnam inthieng ni bawk in tih. Hieng thuhai hi a nih Israel thlahai kuoma i hril ding chu,” a tih a.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna ama- nih, sinthawna amanih a um ta si nawh a.

EZEKIEL 46:10

An lût pha chun, lal chu anni le chun a lût ding a na, chun, an suok pha khawma, anni ruolin a suok ding a nih.

LUKA 15:25

“Chun, a naupa upa lem chu loah a um a; chun, in a hung tlung tâwm chun iengkhat mûtrîk le lâm ri a hriet tah a.

DÂN PAHNINA 6:5

LALPA in Pathien chu in lungril po poin, in lungvar po poin, in hrâtna po poin in hmangai ding a nih.

KOLOSSA 3:23

Iengkim in thaw taphawt chu mihriem ta ding anga thaw loin, Lalpa ta ding anga thaw lemin, inhâwktakin thaw ro;

RORELTUHAI 11:34

Chun, Jeptha chu a umna khuo Mizpa chu a tlung tah a; chun, ngai ta, a naunu chun khuongtehai leh lâmin ama a lo tuok a, a nau nei sun a na, ama naw chu naunuhmei le naupasal dang hrim a nei nawh.

RORELTUHAI 21:21

lo thlîr zing unla, Siloa nu- nghâkhai rawi lâmnaa lâm dinga an hung suok pha, grêp huona inthawk chun hung suok unla, Silo nu- nghâkhai chu mâni nuhmei ding seng man unla, Benjamin mihai ramah fe vawng el ro.

1 SAMUEL 2:18

Samuel chu naupang ni sien khawm, puon zai inhmi zakawsîng hâkin LALPA hmaah rawng a bâwl a.

1 SAMUEL 2:28

Chun, Israel hnam po po laia ka mâichâma hang fe a, riminhnik raw a, ka hmaa zakawsîng hâk dingin ka thiempu dingin ama chu ka ruot a ni naw am a nih? I thlatuhai chu Israel mihai pumrawhmang thil inhlân po po ka pêk a ni naw am a nih?

1 SAMUEL 22:18

Chun, lal chun Doeg kuoma chun, “Nang nghakîr la, thiempuhai kha thaw rawh,” a ta. Edom mi Doeg chu a nghakîr a, thiempuhai chu a thawh a, chu ni chun puon zai inhmi sil thiempu zakawsîng hâk, mi sâwmriet le panga a that a.