2 SAMUEL 5:20 - Pathien Lekhabu Inthieng (BSI)

²⁰ Chuongchun, David chu Baal- perazima chun a feh a, chutaka chun David chun anni chu a hneh a, “LALPAIN ka hmêlmahai chu tuiting inṭhe ang elin ka hmaah a mi sukdarpêk tah,” a ta. Chuleiin, chu hmun hming ding chun Baal-perazim ân bûk a.

2 SAMUEL 5:20 ပူးပေါင်းရင်းမြစ်များ

2 SAMUEL 19:9

Israelhai ruok chu anni puon in sengah an fe tah a. “Lal chun ei hmêlmahai kuta inthawkin a mi sansuok a, Philistin mihai kuta inthawkin a mi sandam tah a; chun, tuhin hi rama inthawk hin Absalom chu a tlân hmangsan a.

1 CHANCHIN SUINA 14:11

Chuongchun, Baal-perazim chenin an hang feh a; David chun chutaka chun anni chu a hne tâwl a; chun, David chun, “Pathien chun ka hmêlmahai chu ka kutah, tui ting inṭhe ang elin a sukdar tah a ni hi,” a tih a. Chuleiin, chu hmun hminga chun Baal-perazim an inbûk tah a.

INPÂKNA HLABU 60:1

Aw Pathien, nangin i mi thlauthlâk a, i mi suksiet a, I lo lunginsen tah am; aw, mi tungding nâwk rawh.

ISAI 28:21

A sin, a sin danglam chu, a thaw theina ding le, a thilthaw, a thilthaw danglam chu a muolsuo theina dingin, LALPA chu Perazim tlânga a tho ang khan a tho ding a ni sih a, Gibeon ruoma a lunginsen ang khan a lunginsen ding a ni sih a.

HABAKKUK 3:13

I mihai sandamna dingin i fesuok a, I hriek nâl sandamna ding chun. Mi rilo sûngkuoa inthawk chun lu chu i sukhliem a, Ring chenin a lungphûm chu i suklang tah a.