2 SAMUEL 3:35 - Pathien Lekhabu Inthieng (BSI)

³⁵ Chuongchun, sûn a la ni laiin David chu bu infâktir dingin mi po po chu an hung a; nisienlakhawm, David chun, “Nisa tlâk hmaa bu amanih thil dang amani khawm a fâka ka fâk vai chun Pathien chun a law law mi law raw se, chu nêka nasa khawmin,” tiin ṭawng ân khâm a.

2 SAMUEL 3:35 ပူးပေါင်းရင်းမြစ်များ

2 SAMUEL 1:12

chuongchu, Saula le a naupa Jonathan le LALPA mihai le Israel sûnghai chun an sûn a, an ṭah a, zântieng chenin bu an nghei a, kâwlhnâma sukhlum an ni tâk leiin.

2 SAMUEL 12:17

Chun, a sûnghai laia upahai chu an tho a, hnuoia inthawka keitho ding chun a kâwlah an ngîr a; nisien- lakhawm, a tho nuom nawh a, an kuoma khawm bu khawm a fâk bawk nawh.

2 SAMUEL 3:34

I kut hai chu khuop a ni nawh a, i ke hai chu kawl inbun a ni bawk nawh, Mi rilo nauhai hmaa mi a tlûk anga i tlûk el ta chu?” a ta. Chun, mi po po chun ama an ṭa nâwk a.

2 SAMUEL 3:36

Chu chu mi po poin an hriet chun an lâwm êm êm a, lal thilthaw taphawthai chun mipuihai po po chu a suklâwm pei a.

2 SAMUEL 3:9

LALPAIN a kuoma ṭawng a lo inkhâm ta anga David ta dinga ka thaw naw chun Abner chu a law law law el sienla, chu nêka nasa khawmin.

1 CHANCHIN SUINA 10:12

mi hrât huoisenhai po po chu an tho a, Saula ruong le a naupasalhai ruonghai chu an lâk hmang a, Jabes-a chun an hung lâk a, Jabes- a thingsaisuo hnuoiah an ruhai chu an phûm a, ni sari sûng bu an nghei a.

JEREMIA 16:7

mithihai leia anni thlamuon dingin, mihai chun sûnna dingin bei khawi naw ni hai a; an nuhai amanih, an pahai amanih dâwn dingin sûn- puina nohai chu pe bawk naw ni hai.

EZEKIEL 24:17

Inthuok huoi la, amiruokchu, inring loin, mithi ta ding chun sûnna siem naw la, i lukâwm chu kâwm la, i kehaia chun i kekawkhai chu bun la, i hmûrhai chu hup naw la, lusûntuhai bei chu fa naw rawh,” tiin.

EZEKIEL 24:22

Chun, ka thaw ta ang khan thâwng in ta; in hmûrhai chu inkhum naw ti niu a, mihriemhai bei chu fa bawk naw ti niu.

RORELTUHAI 20:23

(Chun, Israel thlahai chu an hang feh a, Pathien hmaah zântieng chenin an hang ṭap a, “Kan unau Benjamin thlahai hi do dingin kan hang inthawk nâwk ding am a nih?” tiin LALPA an indawn a. LALPA chun, “Hang thaw nâwk ro,” a tih a).

RORELTUHAI 20:26

Chuongchun, Israel thlahai po po le mipuihai po po chu an hang feh a, Bethela chun an hang feh a; an ṭap a. LALPA hmaah an ṭhung a; chu ni chun zântieng chenin bu an nghei a; LALPA kuomah pumrawhmang thilinhlân le inremna thilinhlânhai an inhlân a.

RUTH 1:17

i thinaa chun thîng ka ta, chutaka chun phûmin um ve el ka tih. Nang le kei hi thina chau naw thil dangin a mi ṭhe ding chun LALPAIN a law law mi law el sienla, chu nêka nasa khawmin,” a tih a.

1 SAMUEL 3:17

Chun, ama chun, “Ieng thil am LALPA chun i kuomah a hril lie? Ka kuoma hin iengkhawm ip naw rawh aw; i kuoma a hril po po chu ka kuomah ip i nei chun i chungah Pathien chun a thaw thawin thaw sienla, chu nêka nasa khawmin,” a ta.