2 SAMUEL 3:3 - Pathien Lekhabu Inthieng (BSI)

³ a dawttu chu Kileab, Karmela mi Nabal nuhmei Abigail le an kâra mi a nih; chun, a pathumna chu Absalom, Gesur lal Talmai naunu Maaka naupa a na.

2 SAMUEL 3:3 ပူးပေါင်းရင်းမြစ်များ

2 SAMUEL 13:1

Chun, David naupa Absalom chun farnu hmêl ṭhatak a nei a, a hming chu Tamar a nih. Chun, David naupa Amnon chun ama chu a hmangai a.

2 SAMUEL 14:23

Chuongchun, Joab chu a tho a, Gesura chun a feh a, Absalom chu Jerusalema chun a hung ṭhuoi tah a.

2 SAMUEL 14:24

Chun, lal chun, “Ama in tieng fe sienla, ka hmêl chu hung hmu naw raw se,” a ta. Chuongchun, Absalom chu ama in tieng chun a feh a, lal hmêl chu a hmu ta nawh a.

2 SAMUEL 14:32

Absalom chun Joab chu a dawn a, “Ngai ta, ‘Iengdinga Gesura in- thawka hung am ka nih a? Chutaka chun um zing lang ka ta dingin a ṭha lem ding bah,’ tia lal kuoma tir dingin kân cha cheh a, chuleiin, lal hmêl chu mîn hmutir raw khai, chun, bawsiet- na nei ka lo ni chun mi sukhlum el raw se,” a ta.

2 SAMUEL 15:7

Chun, kum li a hung invawi hnung chun, Absalom chun lal kuoma chun, “Ka hni che a nih, Hebron khuoah LALPA kuoma ka thutiem hlen dingin mîn fetir raw khai.

2 SAMUEL 15:8

I siehlaw hin Suria rama Gesura ka um lai khan, ‘LALPAIN Jerusa- lema a mi ṭhuoi nâwk phawt chun LALPA rawng bâwl ka tih,’ tiin thu ka lo tiem tah a nih,” a ta.

2 SAMUEL 18:33

Chuongchun, lal chu a lungin- zîng ta hle el a, kul kawtkhâr chunga pindana chun a hang feh a, a ṭap a; chun, a hang fe malam chun, “Aw, ka naupa Absalom, ka naupa, ka naupa Absalom, i aia chun kei hi hang thi lem lang aw, Aw Absalom, ka naupa, ka naupa!” a ta.

2 SAMUEL 2:2

Chuongchun, David chu chutaka chun a hang fe tah a, a nuhmeihai pahni Jezreel mi Ahinoam le Kar- mela Nabal nuhmei Abigail le khan.

1 LALHAI 1:6

A pa hlak chun ieng lai khawma, “Iengdinga hienga i thaw am a ni leh?” tiin a suklungawi naw ngai si nawh a; chun, ama hi hmêl ṭhatak a na, Absalom hnuoia mi a nih.

1 LALHAI 2:15

Chun, ama chun, “Ram hi ka ta a ni tah ti le, Israelhai po po khawm hin keima hi lal dingin an mi thlîr zing a nih ti i hriet a, amiruokchu, ram chu ka unaupa ta dingin a hung inlet ta lem a; LALPA lo ruot dânah a ta a ni hrim a nih.

1 CHANCHIN SUINA 3:1

Hienghai hi David naupasalhai Hebrona pienghai chu an nih: nau lutîr Amnon, Jezreel mi Ahinoam inei, a pahnina, Daniel, Karmel mi Abigail inei;

1 CHANCHIN SUINA 3:2

a pathumna, Absalom, Gesur lal Talmai naunu Maaka naupa chu; a palina, Haggith naupa Adonija;

DÂN PAHNINA 3:14

Manasse naupa Jair chun Argob ram po po Gesur mihai le Maakat mihai ram chenin a lâk a; chuongchun, Basan chu, ama hming chawiin Havot-Jair a ta, tu chen hin an la ti zing.)

JOSUA 13:13

Gesur mihai le Maakat mihai ruok chu Israel thlahai chun an hnawt suok nawh. Gesur mihai le Maakat mihai chu tu chen hin Israel mihai lai an la um ta zing lem a nih.

1 SAMUEL 25:3

Chu mipa hming chu Nabal a nih; a nuhmei hming chu Abigail a nih, chu nuhmei chu bengvârtak, hmêl- ṭhatak a na; a pasal ruok chu mi biek intaktak le mi rilotak a nih; Kaleb thla a nih.

1 SAMUEL 25:42

Chuongchun, Abigail chu a tho vak a, sabengtung chungah a chuong a, a hnungzui nunghâk pangahai le chun David mi tirhai chu an zui tah a, a nuhmeiah a um tah a.

1 SAMUEL 27:8

Chun, David le a mihai chu an hang feh a, Gesur mihai dâm, Girzi mihai dâm, Amalek mihai dâm an rûn a; chuong hnamhai chu tienlaia inthawkin Sur ram tieng pang Aigupta ram chena um an nih.