2 SAMUEL 24:25 - Pathien Lekhabu Inthieng (BSI)

²⁵ Chun, David chun chutaka chun LALPA ta dingin mâichâm a siem a, pumrawhmang thilinhlânhai le inremna thilinhlânhai ân hlân a. Chuongchun, LALPA chu an ram chunga chun a lungâwi a, Israel rama inthawkin hri chu ân kieng tah a.24.24 1 Chr 21.34 24.25 Is 19.22

2 SAMUEL 24:25 ပူးပေါင်းရင်းမြစ်များ

INṬANNA 12:7

Chun, LALPA chu Abram kuomah ân lâr a, “Hi ram hi i thlahai kuomah la pêng ka tih,” a tih a; chuongchun, chutaka chun a kuoma inlâr LALPA ta ding chun mâichâm a siem a.

INṬANNA 22:9

Chun, Pathienin a hril hmun chu an va tlung a; Abraham chun chutaka chun mâichâm a siem a, thing chu a sep khâwm a, a naupa Isak chu a khuop a, mâichâma thing chunga chun ân zâltir a.

INṬANNA 8:20

Chun, Noa chun LALPA ta dingin mâichâm a siem a; chun, sa thieng tinrêng laia mi le, vate thieng tinrêng laia mi a lâk a, mâichâma chun pumrawhmang thilinhlânhai ân hlân tah a.

2 SAMUEL 21:14

Chun, Saula ru le a naupa Jonathan ruhai chu Benjamin rama Zela khuoa a pa Kis thlânah an phûm a, chun, lal thupêk ang pei chun an thawh a. Chun, chu hnunga chun chu ram chunga chun Pathien a lungâwi tah a.

2 SAMUEL 24:14

Chun, David chun Gad kuom- ah, “Ka lunginzîng hle el a, LALPA kutah tlulût phawt el lang; a zângaina chu a nasa hle sih a; mihriem kuta chen chu mîn tlûklûttir naw hram rawh,” a ta.

1 LALHAI 1:1

Tûn lal David chu a kumhai a hung tam a, a hung tar ta hleh a, chuongchun, puonhaiin ama chu an inkhum hlak a, nisienlakhawm, a lum thei chuong nawh a.

EZEKIEL 16:42

Chuongchun, ka lunginthakna chu i chungah hrîtthlâng ka ta, ka îtthîkna chu nangmaa inthawk chun fe hmang tâng a ta, to ṭawk ṭawk ka ta, lunginsen nâwk ta naw ningah.

NAMBAR 17:13

LALPA biekbûk hung hnai ta- phawt chu an thi pei a; kan bohmang vawng el ding nîng a ti maw?” an tih a.

RORELTUHAI 21:4

Chun, a zînga chun mipui chu inhmatakin an tho a, chutaka chun mâichâm an siem a, pumrawhmang thilinhlânhai le inremna thilin- hlânhai an inhlân a.

RORELTUHAI 6:24

Chuongchun, Gideon chun chu- taka chun LALPA ta dingin mâichâm a siem a, Jehova-Salom ân bûk a; tu chen hin Abiezrit mihai khuo Ophraa chun a la um zing a nih.

1 SAMUEL 13:9

Chun, Saula chun, “Pumraw- hmang thilinhlân ding le inremna thilinhlân dinghai chu hitakah ka kuomah hung la ro,” a ta. Chuong- chun, pumrawhmang thilinhlân chu ân hlân a.

1 SAMUEL 14:35

Chun, Saula chun LALPA ta dingin mâichâm a siem a, chu chu LALPA ta dinga mâichâm siem hmasa tak a nih.

1 SAMUEL 7:17

Chun, a in umna a ni leiin Rama khuoa chun a fe nâwk hlak a; chutaka chun Israel mihai ro a rêl a, chutaka chun LALPA ta dingin mâichâm a siem a.

1 SAMUEL 7:9

Chun, Samuel chun berâmte nêne ne lai a lâk a, pumrawhmang thilinhlân dingin LALPA kuomah ân hlân a, Israel mihai ta dingin Samuel chun LALPA chu a ko a; chun, LALPA chun a hung dawn a.