2 SAMUEL 24:15 - Pathien Lekhabu Inthieng (BSI)

¹⁵ Chuongchun, LALPA chun Israel mihai lai chun zîngkâra in- thawkin hun ruot ang chen chu hri ân lêngtir a, chuongchun, mipuihai laia mi chu Dana inthawka Beer-Seba chenah mi sîng sari an thih a.

2 SAMUEL 24:15 ပူးပေါင်းရင်းမြစ်များ

2 SAMUEL 24:2

Chun, lal chun a kuoma um sipai hotu Joab kuoma chun, “Israel hnam po po lai hin Dana inthawka Beer- Seba chenin invâk vêl la mi ieng zât am an ni ka hriet theina dingin tiem vawng ro,” a ta.

1 CHANCHIN SUINA 21:14

Chuongchun, LALPA chun Israel chunga chun hri a tir tah a, Israel mihai chu sîng sari an thi a.

1 CHANCHIN SUINA 27:24

Zeruia naupa Joab chun tiem chu a tiem ngei a, nisienlakhawm, a zo nawh a; hi hi lei hin Israel chunga chun lunginsenna a tlung nghe nghe a; chun, lal David chanchin ziekna lekhabua chun chu nizât chu sielût a ni bawk nawh a.

1 CHANCHIN SUINA 27:4

Chun, a thla hnina pâwla chun Aho mi Dodai chu a hotu a na, a pâwl chu: Mikloth chu rorêltu a na, a pâwl- a chun sîng hni le sâng li an um a nih.

ISAI 37:36

Chuongchun, LALPA vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni tah a.

HABAKKUK 3:2

Aw LALPA, i ṭawng ka hriet a,ka ṭi tah a; Aw LALPA, hieng kumhai sûng hin i sinthaw chu hung sukhar rawh. Kumhai laia hin hung inhriettir la, Lunginsennaa khawm zângaina chu hre zing rawh.

NAMBAR 25:9

Chuongchun, Israel thlahai chunga hremna chu a re tah a. Chu hremnaa thihai chu sîng hni le sâng li an nih.

MATTHAI 24:7

Hnam tum le hnam tum indo an ta, ram tum le ram tum indo an ta; hmun tum tumah ṭâmhai tlâng a ta, simkhawleihnuoihai inhnîng a tih.

THUPUONGSUO 6:8

Chuongchun, ka hang en a, chun, ngai ta, sakawr dâng ka hmuh a; a chunga chuong hming chu Thina a na; chun, Mithi Khuoin a hung zui a. Chun, kâwlhnâm dâm, ṭâm dâm, hri dâm, hnuoia sahrânghaia sukhlum dingin chuonghai kuoma chun hnuoi hmun lia ṭhea hmunkhat chunga thuneina pêk a nih.

1 SAMUEL 6:19

Chun, LALPA bâwm sûng an en leiin Beth-semes khuoa mihai chu a hrem a, anni laia mi sîng nga le sâwmsari zet a hrem a; LALPAIN a hrem nasat êm leiin mihai chu an ṭap a.