2 SAMUEL 24:10 - Pathien Lekhabu Inthieng (BSI)

¹⁰ Chun, mihriem an hang tiem zo chun David lungril chu a na ta hle el a. David chun LALPA kuomah, “Ka thilthawa hin nasatakin ka lo suol tah a nih; nisienlakhawm, tuhin aw LALPA, i siehlaw rîtlona hi sie hmang dingin ka ngên che, invêttakin ka lo thaw tah a nih,” a ta.

2 SAMUEL 24:10 ပူးပေါင်းရင်းမြစ်များ

2 SAMUEL 12:13

Chun, David chun Nathan kuomah, “LALPA chungah thil ka lo suksuol tah a nih,” a ta. Chun, Nathan chun David kuomah, “LALPA khawma i suol chu a sie hmang ve tah a; thi naw ti nih.

2 SAMUEL 24:17

Chun, Davidin mi sukhlumtu vântirko a hmu chun LALPA a biek a, “Ngai ta, ka lo suol tah a, indik nawtakin thil ka lo thaw tah a nih; nisienlakhawm, hieng berâmhai hin ieng thil am an thawh a? I kut chun keima le ka pa sûnghai mi tâwk lem raw se aw,” a ta.

1 LALHAI 8:35

I chunga thil an suksuol leia, vân a ping a, ruo dâm a hung sûr naw pha chun hi hmun tieng hi nghaa an ṭawngṭai a, i hming an inpâk a, anni i sukrimsi leia an suolhai an sim chun;

1 CHANCHIN SUINA 21:7

Chun, hi thila hin Pathien chu a lâwm ta naw hle el a; chuleiin, Israel ram chu a hung hrem tah a.

1 CHANCHIN SUINA 21:8

Chun, David chun Pathien kuom- ah, “Hi thil ka lo thaw taa hin, nasa- takin thil ka suksuol a nih; amiruok- chu, tuhin ka ngên che, i siehlaw khawhlona hi ngaidam rawh; invêt thlâktakin ka lo thaw ta sih a,” a ta.

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin LALPA mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw tah a, chuleiin, tuta chin chu indonahai khawm nei zing tâng i tih,” a ta.

2 CHANCHIN SUINA 32:26

Amiruokchu, Hezekia chun a lungril chapona chu ân sîr nâwk a, ân sukhnuoi a; ama le Jerusalema um- hai le chun; chuongchun, Hezekia dam sûng khan chu LALPA lungin- senna an chungah a hung tlung ta nawh a.

JOB LEKHABU (THE BOOK OF JOB) 7:21

Iengdinga ka bawsietna hi i ngaidam nawh a, Ka rîtlona hi i lâk hmang naw? Tuhin pilvut lai ka zâl el ding an ta sih a; Ngûntakin mi zawng i ta, nisienlakhawm, um ta naw ningah,” tiin.

INPÂKNA HLABU 32:5

Ka suolna chu i kuomah ka phuong a, Ka rîtlona chu ka ip ta nawh a, “Ka bawsietna chu LALPA kuomah thupha châwi tâng ka tih,” ka tih a; Chuongchun, ka suol rîtlona chu i lo ngaidam ta kha.

FESUOKNA 10:16

Chun Pharao chun Mosie le Aron chu inhmawtakin a ko a, “Nang le in Pathien LALPA chunga chun thil ka suksuol tah a nih.

THUVARHAI 28:13

Mi a bawsietna inkhumtu chu hlawtling naw nih a, Thupha chawia, nghatsan hlaktu ruok chun zângaina hmûng a tih.

HOSEA 14:2

Thu chawi pumin LALPA kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

JOEL 2:12

LALPA chun, “Chuong sa khawmin tuhin in lungril po poin, bu ngheiin, ṭapin, lungngaiin keia tieng hung ngha unla;

NAMBAR 12:11

Chuongchun, Aron chun Mosie kuomah, “Aw pu, kan chungah suol innghat lul naw raw khai, invêttakin kan lo thawh a, kan lo suol tah a nih.

MARKA 7:22

inhnarna dâm, suolna dâm, hlêmna dâm, hurna dâm, îtsîkna dâm, hrilsietna dâm, chapona dâm le invêtna dâm hi;

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 8:9

Chun, anni chun a thu hril chu an hrietin, a upatakin a phut a, a tâwp chenin, pakhat khatin an inrel hmang ta pei a; chuongchun, Isu chau a um tah a, nuhmei a laia a umna ngaia um le khan.

DÂN PAHNINA 32:6

Aw mi invêt le var nawhai, Chuong ang chun maw LALPA chu in thung ding chu? Ama chu ân dintu che i pa, Siemtu che le inngîr dettu che ni lo am a nih?

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni sih a.

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnaw- na po po sâwpfai dingin ama chu ring a umin a fel a nih.

1 SAMUEL 13:13

Chun, Samuel chun Saula kuoma chun, “I thil thaw dân hi ân vêtthlâk ngawt el: LALPA i Pathien thupêk, thu a pêk che hi i zâwm naw a nih; LALPA chun Israelhai chunga în lalna hi kumkhuoa dinga sukdet tum chu a nih a.

1 SAMUEL 24:5

Chun, Saula puon hmawr a va ât thlâk chun David lungril chu a sukna hleh a.

1 SAMUEL 24:6

Chuongchun, a mihai kuoma chun, “LALPA hrieknâl a nih ti hre zing sih a, a chunga kut thlâk a, LALPA hrieknâl ka lalpa chunga hi thil ka thaw hi a âwm naw tawp el a,” a ta.

1 SAMUEL 26:21

Chuongchun, Saula chun, “Thil ka lo thaw suol dêr el a nih, ka naupa David, hung kîr nâwk rawh, i mithmuah ka hringna hi vawisûn hin a hlut êm leiin iengkhawm law ta naw hrim hrim ka ti che, ngai ta, thil invêtthlâktak ka lo thaw tah a, ka lo thaw suol dêr el a ni ta hi,” a ta.